Numeri 9:15 - AHYERƐLƐ KRONGRON

¹⁵ Kyẽa bɔ besili nyianu sua ne, munungum ne munduni nyianu sua bɔ ɔte adanzeɛ ɛtena sua ne aso, fi nɔsoa maa oodwuli ngyerɛmɔ. Né munungum ne sue te kyɛ see, na omunduni nyianu sua ne aso.

Numeri 9:15 Iomraidhean Croise

Nehemia 9:12

Afei koso, ɛfale munungum ningɔnn lili bɛ nyunu eyia, yeɛ ɛfale see ningɔnn lili bɛ nyunu kɔngɔen maa ɔtale maa benwuni ase bɛhɔle nekaa bɔ bɛkɔ ɔ.

Nehemia 9:19

ɔnate w’anwumvoinnwunɛ kandinga ne ati, anyakyi bɛ nu wɔ ɛserɛ ne aso. Munungum ningɔnn bɔ olili bɛ nyunu wɔ atee ne aso ne, wanyakyi bɛ nu eyia; yeɛ see ningɔnn bɔ ɔtale kɔngɔen ne, ɔmaa benwuni ase bɛhɔle nekaa bɔ bɛkɔ ɔ.

Edwein 105:39

Ɔtrɛle munungum nu maa ɔyɛle ngatasoɛ, yeɛ ɔmane see yɛle bɛ kanea kɔngɔen.

Edwein 78:14

Alehyeleɛ nu, né ɔfa munungum di bɛ nyunu, na alesaleɛ nu amukoraa, né ɔfa see bɔ ogye wuronyiwuronyi yeɛ odi bɛ nyunu ɔ.

Ɛksadɔso 13:21

Alehyeleɛ nu, AWURADE lili bɛ nyunu wɔ munungum ningɔnn nu hyirele bɛ atee. Na alesaleɛ nu koso, ɔtale hyireinn mane bɛ wɔ see ningɔnn nu, kyɛbɔ bɛkɔhora bɛkɔnate eyia ne kɔngɔen ɔ.

Ɛksadɔso 13:22

Munungum ningɔnn bɔ né oli bɛ nyunu ne, wanyakyi bɛ nu eyia; yeɛ see ningɔnn ne koso wanyakyi bɛ nu kɔngɔen.

Ɛksadɔso 14:24

Na alebahyene ne, AWURADE tole ye nye fale see ningɔnn ne munungum ne anu neane Misraim asraafoɛ ne, na ɔmane Misraim asraafoɛ nemɔ nye so tanene bɛ.

Ɛksadɔso 40:2

“Kyẽa bɔ oli moa wɔ bosome bɔ oli moa ne anu ne, si nyianu ɛtena sua ne.

Ɛksadɔso 40:34

Afei munungum ne ɔɔkatale ɛtena sua atenaleɛ ne aso, na AWURADE animnyam yili nyianu sua ne tɛkyɛ.

Ɛksadɔso 40:35

Na Mose angora anwura ɛtena sua atenaleɛ ne anu, ofikyɛ né munungum ne akata ɛtena sua ne aso, na AWURADE animnyam yili nyianu sua ne tɛkyɛ.

Ɛksadɔso 40:38

Ofikyɛ b’ateetulɛ ne anu amukoraa, AWURADE munungum ne munduni nyianu sua ne aso alehyeleɛ nu, yeɛ alesaleɛ nu koso, né see ogye wɔ munungum ne anu bɔ Yisrael awuro ama mukoraa bɛ nye tua ɔ.

Yesaya 4:5

Na afei Sion bokaa ne, ye nekaa biala, ɔne mmenia bɔ beyia berɛ ne, AWURADE kɔyɛ munungum eyia, ɔne nwosina ne see gonn kɔngɔen komundu bɛ so. Ofikyɛ animnyam ne kɔyɛ ngatasoɛ kɔkata bɛ mukoraa bɛ so.

Numeri 10:34

Mmerɛ biala sɛ né betu bɛ bo befi asikyeleɛ ne anu a, né AWURADE munungum ne mundu bɛ so eyia.

Numeri 14:14

na bɛkɔhã bekohyire aseɛ ye aso ama. Bate ye kyɛ wɔ AWURADE ɛne mmenia hemɔ yeɛ bɛnate ɔ; ofikyɛ wɔ AWURADE, bɛ nye bɔ wɔ nyunu, na wɔ munungum mundu bɛ so. Ɛfa munungum ningɔnn nu edi bɛ nyunu eyia, yeɛ kɔngɔen ɛfa see ningɔnn nu edi bɛ nyunu.

Numeri 17:7

Yiti Mose fale pɔmaa nemɔ guale AWURADE nyunu wɔ apam ɛtena sua ne anu.

1 Korintofoɛ 10:1

Aliɛmaa mɔ, mepena kyɛ ɛmɔnwu ye fa yɛ nana mɔ nwo kyɛbɔ munungum ne munduni bɛ mukoraa bɛ so, ná bɛ mukoraa bɛfale ɛpo ne anu ne.

Deuteronomi 1:33

Ye bɔ olili ɛmɔ nyunu wɔ atunu penane nekaa bɔ ɛmɔsi ɛmɔ asikyeleɛ ɔ, wɔ see nu kɔngɔen fa hyirele ɛmɔ atee bɔ ɛmɔfa so ɔ, ɔne munungum nu koso eyia.