Numeri 9:13 - AHYERƐLƐ KRONGRON

¹³ Nakoso ebiala bɔ ye nwo te, bɔ ottuli atee, nakoso wanni Abɔtra aluolue ne bie ne, odi kyɛ bɛpɛ ye asue befi ye mmenia nu, ofikyɛ wamva AWURADE afɔleɛ wammrɛ ye wɔ mmerɛ bɔ AWURADE ahyɛ ɔ nu. Sɔ sona ne, ye bɔne kɔbɔ ye ti so.

Numeri 9:13 Iomraidhean Croise

Gyenesise 17:14

Na bienzua biala bɔ bambɛ ye bienzua nen, bɛkɔpɛ ye asue bekofi ye maen nu, ofikyɛ wabu m’apam ne aso.”

Ɛksadɔso 12:15

“Ɛmɔkoli paanoo kabrɛdi ɛlɛsoo. Kyẽa bɔ oli moa ne, ɔsɛ kyɛ ɛmɔye mɔle harewaa biala befi ɛmɔ awuro mɔ nu, ofikyɛ ofi kyẽa bɔ oli moa ne alaa bɔ ɔkwaadwu kyẽa bɔ ɔtɔ so nzoo nen, sona biala bɔ okoli mɔle harewaa ne, bɛkɔpɛ ye asue bekofi Yisraelfoɛ nu.

Ɛksadɔso 12:19

Ɛlɛsoo ne anu, ɔnzɛ kyɛ benwu mɔle harewaa wɔ ɛmɔ awuro; ofikyɛ ebiala bɔ okoli mɔle harewaa nen, sɛ ɛwɔfoɛ ahɔ oo, anaa bɛwole ye maen ne anu oo, bɛkɔpɛ sɔ sona ne asue bekofi Yisraelfoɛ nu.

Ɛksadɔso 12:47

Ɔsɛ kyɛ Yisraelfoɛ mukoraati bedi sɔ aluolue ne.

Ɛksadɔso 30:33

Ebiala bɔ ɔkɔfrafra nningyein kɔyɔ bie, anaakyɛ ɔkɔfa kogua sona bɔ ɔtte sɔfo nwo nen, bɛkɔpɛ ye asue bekofi ye maen nu.’ ”

Ɛksadɔso 30:38

Na ebiala bɔ ɔkɔfrafra nningyein kɔyɔ bie kɔfofã kotie nen, bɛkɔpɛ ye asue bekofi ye maen nu.”

Hesekiel 23:49

Ɛmɔkonya ɛmɔ nyanzoen bra ne nwo akatuaa, ɛmɔ mmosoensolɛ nwo bɔne ne, ɛmɔkonya ye nwo asohwenɛ, amaa ɔnate so ɛmɔanwu kyɛ me ole AWURADE Nyameɛ.”

Lewitikɔso 17:10

“Sɛ ebiala bɔ ofi Yisrael awuro anaakyɛ ɛwɔfoɛ mɔ bɔ baatena bɛ nu, odi mogya biala a, ngotu me nye ngosie sɔ sona ne aso, na ngɔpɛ ye asue ngofi maen ne anu.

Lewitikɔso 17:4

ná wamva ye wamma ɛtena sua atenaleɛ anoa nu berɛ, wamma ammɔ afɔleɛ wamma AWURADE wɔ AWURADE ɛtena sua ne anyunu a, okoli mogya hagualɛ nwo fɔ. Waha mogya wagua, na odi kyɛ bɛpɛ ye asue befi maen ne anu.

Lewitikɔso 20:20

Sɛ ebie ne ye wɔfa aye bɛda a, wagua ye wɔfa nyunu ase, na ɔne brasua ne bɛ musue kɔbɔ bɛ ti so. Bɛ mma amukoraati kofi bɛ sa koraka né bawu.

Lewitikɔso 22:9

Asɔfo nemɔ beli m’ahyɛdeɛ so, amaa bangua me nekaa krongron ne anwo fiɛ, ná banni fɔ ná banwuwu: Me ole AWURADE bɔ mete bɛ nwo ɔ.

Lewitikɔso 24:15

Na ka kyire Yisraelfoɛ kyɛ, Ebiala bɔ ɔkɔnoma Nyameɛ ne, ye bɔne kɔbɔ ye bɔbɔ ye ti so.

Numeri 19:13

Ebiala bɔ ye nwo kɔha sona fuin, ná wambete ye nwo ne, ɔfa fiɛ ka AWURADE nyianu sua ne. Sɔ sona ne, odi kyɛ bɛpɛ ye asue befi Yisrael. Ɔnate kyɛ bamva nzue bɔ bɛfa bɛpete bɛ nwo ne bie bambete ye nwo ne ati, ye nwo nde, na ye nwo bɔ wagua fiɛ ne tɛ wɔ berɛ.

Numeri 19:20

Sona biala bɔ ye nwo agua fiɛ, nakoso bande ye nwo ne, sɔ sona ne odi kyɛ bɛpɛ ye asue befi mmenia ne anu, ofikyɛ wagua AWURADE nekaa krongron ne anwo fiɛ. Ɔnate kyɛ banhwie nzue krongron ne bangua ye nwo ne ati, ye nwo nde.

Numeri 5:31

Bienzua ne ngoli amumuyɛɛ biala nwo fɔ, nakoso brasua ne de, ye amumuyɛɛ kɔbɔ ye ti so.

Numeri 9:7

na beebisale Mose kyɛ, “Ɔwɔ nu kyɛ yɛ nwo aha fuin ama yɛ nwo agua fiɛ de, nakoso nzu ati yeɛ odi kyɛ besi yɛ ate maa ye sɔ ti yɛngora yɛmva yɛ afɔleɛ yɛmmrɛ AWURADE wɔ mmerɛ bɔ wahyehyɛ wato berɛ ɔ nu, kyɛbɔ Yisraelfoɛ ngaa ne de bayɔ ne?”

Hebrifoɛ 12:25

Ɛ́mɔnea yé na ɛmɔambo bɔ odwudwo ne dwirɛ. Na sɛ bɛ bɔ bɛpole kyɛ bekotie bɔ odwudwole wɔ aseɛ ye aso ne, benyane ye nwo asohwenɛ de a, nzaade ɔkɔyɛ sɛɛ bɔ sɛ yɛpo bɔ odwudwo kyire yɛ fi nyameɛso ne dwirɛ a, yɛngonya ye nwo asohwenɛ ɔ?

Hebrifoɛ 2:3

nzaade sɛ yɛpo ngoalelɛ piri bɔ ɔte sɔa de a, yɛkɔyɛ sɛɛ ná yafa yɛ nwo yali? Awurade lili moa bɔle ngoalelɛ he nwo dawure, na bɛ bɔ bɛtele ne koso lili ye nwo adanzeɛ maa yɛnwuni kyɛ ɔte nahorɛ.

Hebrifoɛ 6:6

sɛ bedi gyidie ne anwo makyebu a, bekosa bɛkɔsakyera b’adwene ko ɔ; ofikyɛ besa bɛbɔ Nyameɛ Awa ne mmeamudua nu bɛma bɛ nwo, na begua ye nyunu ase wɔ mmenia nu.

Hebrifoɛ 9:28

sɔ ala yeɛ Kristo bɔ bɛfale ye bɛbɔle afɔleɛ komapɛ kyɛ ɔsoa mmeni pee bɛ bɔne ne, okosa kɔwa ye pɛen so ɔ; ɔmmangyikyi bɔne, na mmom ɔbaale bɛ bɔ bɛ́nea ye ate nemɔ ngoa.