Numeri 9:12 - AHYERƐLƐ KRONGRON

¹² Nnɛmaa bɛyakyi bie ma aleɛ kye so, yeɛ nnɛmaa bɛbɔ naen ne bowue nu. Beli ye kyɛbɔ Abɔtra aluolue ne nwo nhyehyɛleɛ amukoraa te ɔ.

Numeri 9:12 Iomraidhean Croise

Ɛksadɔso 12:10

Nnɛma ɛmɔfa ebie besie ma aleɛ kye so; na sɛ ebie ka ma aleɛ kye so a, odi kyɛ ɛmɔyera ye.

Ɛksadɔso 12:43

Na AWURADE sele Mose ne Aarɔn kyɛ, “Abɔtra ne nwo nhyehyɛleɛ ɛhe: amanvraniɛ biala nni ye aleɛ ne bie.

Ɛksadɔso 12:46

Awuro ko anu ala yeɛ odi kyɛ ɛmɔtena bedi ɔ; nnɛma ɛmɔfa naen ne bie befite aluo, yeɛ nnɛma ɛmɔbɔ ye bowue nu.

Ɛksadɔso 12:8

Ɔsɛ kyɛ bɛtoto naen ne bedi ye sɔ kɔngɔen ne, ná bɛfa paanoo kabrɛdi ne awɔwee nyaa bɛboka so.

Ɛksadɔso 40:38

Ofikyɛ b’ateetulɛ ne anu amukoraa, AWURADE munungum ne munduni nyianu sua ne aso alehyeleɛ nu, yeɛ alesaleɛ nu koso, né see ogye wɔ munungum ne anu bɔ Yisrael awuro ama mukoraa bɛ nye tua ɔ.

Numeri 9:3

Sɔ bosome he, ye kyẽa bɔ ɔtɔ so buru ne nna ne, sɛ aleɛ dwo a, ɛ́mɔli ye kyɛbɔ ye nwo ahyɛdeɛ ne ye nwo nhyehyɛleɛ te ɔ wɔ mmerɛ bɔ mahyɛ ɔ nu.”

Yohane 19:36

Na ɛhemɔ sili mane Ahyerɛlɛ ne wale nu kyɛ, “Ye bowue ko po, bengobu nu.”