Numeri 9:11 - AHYERƐLƐ KRONGRON

¹¹ Kyẽa bɔ ɔtɔ so buru ne nna wɔ bosome bɔ ɔtɔ so nyɔ ne anu ne, aleɛ dwo a yeɛ odi kyɛ bedi Abɔtra ne ɔ. Odi kyɛ bɛfa paanoo kabrɛdi ne awɔwee nyaa yeɛ bɛboka so bedi ɔ.

Numeri 9:11 Iomraidhean Croise

Numeri 9:10

“Ka kyire Yisraelfoɛ kyɛ, Ɛmɔ nu biala anaa ɛmɔ bosoniɛ biala bɔ ye nwo kɔha fuin kɔma ye nwo kogua fiɛ, anaakyɛ ebiala bɔ watu atee ne, ye koso ɔsɛ kyɛ odi AWURADE Abɔtra aluolue ne bie.

Numeri 9:3

Sɔ bosome he, ye kyẽa bɔ ɔtɔ so buru ne nna ne, sɛ aleɛ dwo a, ɛ́mɔli ye kyɛbɔ ye nwo ahyɛdeɛ ne ye nwo nhyehyɛleɛ te ɔ wɔ mmerɛ bɔ mahyɛ ɔ nu.”

Yohane 19:36

Na ɛhemɔ sili mane Ahyerɛlɛ ne wale nu kyɛ, “Ye bowue ko po, bengobu nu.”

Deuteronomi 16:3

Nnɛfa paanoo harewaa bɔ naen ne aso di. Fa paanoo kabrɛdi bɔ naen ne aso di ye ɛlɛsoo. Ɔte amaneɛnwunɛ paanoo, ofikyɛ ndɛndɛ so yeɛ etu fili Misraim aseɛ so ɔ; amaa ɔnate so mmerɛ biala bɔ ɛte ngoa nu ne, akaye kyẽa bɔ etu fili Misraim aseɛ so ɔ.