Numeri 8:7 - AHYERƐLƐ KRONGRON

⁷ Ɛhe yeɛ odi kyɛ ɛyɔ ná ɛfa te bɛ nwo ɔ: Fa nzue bɔ bɛfa bɛte bɛ nwo ne pete bɛ nwo. Maa bɛfa dɛmaa bɛpoa bɛ nwo nwiaa amukoraa ná bɛpo bɛ nwo nningyein, amaa ɔnate so bɛ nwo ate.

Numeri 8:7 Iomraidhean Croise

Gyenesise 35:2

Yiti Yakob sele ye awuro ama ne bɛ bɔ bɛboka ye so amu kyɛ, “Ɛ́mɔgyi Amaenmaensofoɛ nyameɛ mɔ bɔ bɛwɔ ɛmɔ nwo ne begua, ɛ́mɔpete ɛmɔ nwo, na ɛ́mɔsesã ɛmɔ ndaadeɛ.

Edwein 51:2

Nwunzi me nwo sannwuu fi m’amumuyɛɛ nwo, ná pete me nwo fi me bɔne nwo.

Edwein 51:7

Fa sufiɛ pete me nwo, na me nwo kofi; nwunzi me nwo, na me nwo kɔyɛ fufue kɔtra ewure.

Ɛksadɔso 19:10

Na AWURADE sele Mose kyɛ, “Kɔ mmenia nemɔ berɛ, ná pete bɛ nwo ɛnɛ ne ɛhema. Maa bɛpo bɛ nwo nningyein,

Yesaya 52:15

sɔ ala yeɛ ɔkɔma maen maen mɔ bɛ nwo kodwiri bɛ ɔ; ɔnate ye ti ahemvo mɔ kɔtotɔ mmobo; ɔnate kyɛ, bɔ bɛhhã behhyirele bɛ ne, bekonwu ye; yeɛ bɔ bɛttele ne, bɛkɔte ye bo.

Yeremia 4:14

Ao Yerusalem, nwunzi w’ahone nwo fi bɔne nu, amaa ɔnate so anya wɔ ti adidi nu. Ɔkwaadwu kyinzu yeɛ ɛkɔhɔ so kɔdwene bɔne adwene ɔ?

Hesekiel 36:25

Ngɔfa nzue gyengɔgyengɔ ngɔpete ɛmɔ nwo, na ɛmɔ nwo kɔte kofi ɛmɔ nwo bɔ ɔnde ne amukoraa nwo, na ngɔte ɛmɔ nwo ngofi ɛmɔ mmosoen amukoraa nwo.

Lewitikɔso 15:27

Ebiala bɔ ɔkɔfa ye nwo kɔha sɔ nningyein nemɔ nen, ye nwo kogua fiɛ; odi kyɛ ɔpo ye nwo nningyein, ná ɔfa nzue bia, na ɔkɔyɛ sona bɔ ye nwo nde ɔ maa okoodwu nɔsoa.

Lewitikɔso 15:6

Nikyee biala bɔ sona bɔ ye bienzua fiti watena so ne, sona biala bɔ ɔkɔtena so ne, odi kyɛ ɔpo ye nwo nningyein, ná ɔ́fa nzue obia, na ɔkɔyɛ sona bɔ ye nwo nde ɔ maa okoodwu nɔsoa.

Lewitikɔso 16:28

Sona bɔ ɔkɔyera bɛ ne, odi kyɛ ɔpo ye ndaadeɛ ná ɔ́fa nzue bia koraka né wahora wawa asikyeleɛ ne anu.

Lewitikɔso 8:6

Afei Mose fale Aarɔn ne ye mma mmienzua nemɔ wale anyunu, ná ɔfale nzue nwunzinwunzini bɛ nwo.

Numeri 19:13

Ebiala bɔ ye nwo kɔha sona fuin, ná wambete ye nwo ne, ɔfa fiɛ ka AWURADE nyianu sua ne. Sɔ sona ne, odi kyɛ bɛpɛ ye asue befi Yisrael. Ɔnate kyɛ bamva nzue bɔ bɛfa bɛpete bɛ nwo ne bie bambete ye nwo ne ati, ye nwo nde, na ye nwo bɔ wagua fiɛ ne tɛ wɔ berɛ.

Numeri 31:20

Odi kyɛ ɛmɔpete ɛhemɔ anwo: ataadeɛ biala, nikyee biala bɔ bafa nwomaa bapa ɔ, nikyee biala bɔ bafa abɔngye nwiaa banwo ɔ, ɔne nikyee biala bɔ bafa bakaa base ɔ.”

Numeri 8:21

Lewifoɛ mɔ petene bɛ nwo, na bɛpole bɛ nwo nningyein. Afei Aarɔn fale bɛ yɛle ɛnwahanɛ afɔleɛ wɔ AWURADE nyunu, na Aarɔn patale mane bɛ fa tele bɛ nwo.

Hebrifoɛ 9:10

Ofikyɛ ɔfa aleɛ, anonneɛ, ɔne bɛ nwo petenɛ ahoroɔ ngome nwo; na ɛhemɔ te anwoɔnaen nu nziesie bɔ ɔwɔ berɛ kodwu mmerɛ bɔ Nyameɛ kɔhyehyɛ nikyee biala foforɛ ɔ.

Hebrifoɛ 9:13

Na sɛ nandwie nyii mogya ne mbɔngye mogya ne nandwie ba nzoen bɔ bɛfa bɛpete mmenia bɔ efiɛ aha bɛ nwo ne, ɔkora ma bɛ nwo te anwoɔnaen nu de a,

Yakobo 4:8

Ɛmɔhwe bepingye Nyameɛ, na ye koso ɔkɔhwe kopingye ɛmɔ. Ɛmɔ, bɔnefoɛ mɔ, ɛ́mɔnwunzi ɛmɔ sa, ná ɛ́mɔte ɛmɔ ahone nu, ɛmɔ bɔ ɛmɔ adwene yɛ ɛmɔ ndaa ndaa ɔ!

1 Petro 3:21

Na sɔ nzue ne sɛso, ye ole asubɔlɛ bɔ ode ɛmɔ koso ɛmɔ ngoa ɛnɛ ne. Ɔtte anwoɔnaen nu fiɛ nwunzinɛ, na mmom ɔte tiboa paa nwo abisadeɛ bɔ yɛfa Yesu Kristo wutingyelɛ ne aso yɛfa yɛto Nyameɛ nyunu ɔ.

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.