Numeri 8:26 - AHYERƐLƐ KRONGRON

²⁶ Bɛkɔhora bɛkɔbokaboka b’eliɛma mɔ maa bɛkɔyɔ b’adwuma wɔ ɛtena sua atenaleɛ ne anu, nakoso onni kyɛ bɛyɔ ɛsɔnenɛ adwuma ne bie. Sɔ yeɛ odi kyɛ ɛfa Lewifoɛ nemɔ adwuma wura bɛ sa ɔ.

Numeri 8:26 Iomraidhean Croise

1 Aberɛso Dwirɛ 23:32

Yiti odi kyɛ bɛnea ɛtena sua atenaleɛ ne ɔne nekaa krongron ne aso. Afei koso, Aarɔn boso ama bɔ yeɛ bɛte bɛ koso bɛ nwo ama ne, odi kyɛ bɛboka bɛ maa bɛyɔ AWURADE awuro berɛ ɛsɔnenɛ adwuma ne.”

Hesekiel 44:11

Nakoso bɛkɔyɛ me nekaa krongron berɛ asomvoɛ bɛkɔyɛ awuro berɛ anoa piri nemɔ aso awɛmvoɛ, na bɛkɔyɔ awuro berɛ ɛsɔnenɛ adwuma. Maen naen yeralɛ afɔleɛ kaka ne, ɔne afɔleɛ kaka ne, bɛ yeɛ bekohu ye ɔ, na bɛ yeɛ bekogyina mmenia ne anyunu bɛkɔso bɛ ɔ.

Hesekiel 44:8

Me nningyein krongron nemɔ, ɛmɔanyɔ bɛ nwo adwuma ne, na mmom mmeni foforɛ yeɛ ɛmɔafa bɛ kyɛ bɛyɔ me nekaa krongron berɛ adwuma ne ɔ.

Numeri 1:53

nakoso Lewifoɛ mɔ de, odi kyɛ besi b’asikyeleɛ maa ɔbra adanzeɛ ɛtena sua ne anwo yia, amaa ɔnate so AWURADE yaafɛlɛ piri ne wamma Yisraelfoɛ so. Odi kyɛ Lewifoɛ mɔ bɛbɔ adanzeɛ ɛtena sua ne anwo waen.”

Numeri 18:4

Odi kyɛ bɛboka wɔ so bɛyɔ ɛtena sua atenaleɛ ne anu adwuma, ná bɛ́yɔ adwuma biala bɔ ɔfa ɛtena sua ne anwo ɔ. Nnɛmaa ebiala bɔ nna Lewiniɛ ahɔ ɔ opingye ɛmɔ.

Numeri 3:32

Né ɔsɔfo Aarɔn awa Eleasa yeɛ ɔla Lewifoɛ mbanyi nemɔ noa, na ye yeɛ né ɔnea bɛ bɔ bɛyɔ nekaa krongron berɛ adwuma ne aso ɔ.

Numeri 31:30

Nakoso Yisraelfoɛ ngaa bɛ bue deɛ ne de, nningyein aburannu biala, kyɛ mmenia oo, nandwie oo, afunum oo, mmoaen oo, mbɔngye oo, anaa kaka biala oo, ye nu ko, ná fa ma Lewifoɛ bɔ bɛso wɔ AWURADE nyianu sua ne anu ne.”

Numeri 8:25

Na ofi afoɛ aburannu bɔ ɔkɔ ne, odi kyɛ bede bɛ nwome befi ɛsɔnenɛ adwuma ne anu na onni kyɛ bɛso ko.

1 Timoteo 4:15

Bɔ mmɔden wɔ sɔ nningyein hemɔ anwo, tu wɔ nwo sie berɛ ma bɛ bɔkɔɔ, amaa ɔnate so wɔ ngɔsoɛ ala ali ama ebiala anwu ye.