Numeri 8:21 - AHYERƐLƐ KRONGRON

²¹ Lewifoɛ mɔ petene bɛ nwo, na bɛpole bɛ nwo nningyein. Afei Aarɔn fale bɛ yɛle ɛnwahanɛ afɔleɛ wɔ AWURADE nyunu, na Aarɔn patale mane bɛ fa tele bɛ nwo.

Numeri 8:21 Iomraidhean Croise

Ɛksadɔso 19:10

Na AWURADE sele Mose kyɛ, “Kɔ mmenia nemɔ berɛ, ná pete bɛ nwo ɛnɛ ne ɛhema. Maa bɛpo bɛ nwo nningyein,

Lewitikɔso 14:11

Na ɔsɔfo bɔ ɔte sɔ sona ne anwo ne, ɔkɔfa sɔ sona ne ɔne sɔ nningyein nemɔ kɔhɔ AWURADE nyunu wɔ ɛtena sua atenaleɛ ne anoa nu berɛ.

Numeri 19:12

Ye ɛlɛsa ne aso, ɔne ɛlɛsoo ne aso, odi kyɛ ɔfa sɔ nzue ne bie pete ye nwo ma ye nwo te. Nakoso sɛ wambete ye nwo ɛlɛsa ne aso ɔne ɛlɛsoo ne aso a, ye nwo ngɔte.

Numeri 19:19

Ye ɛlɛsa ne aso, ɔne ɛlɛsoo ne aso, odi kyɛ sona bɔ ye nwo te ne fa nzue ne bie pete bɛ bɔ bɛ nwo agua fiɛ nemɔ aso, ná ɔnate so ɔte bɛ nwo ɛlɛsoo ne aso. Afei odi kyɛ bɛpo bɛ ndaadeɛ ná bɛfa nzue bebia, na ye nɔsoa ne bɛ nwo kɔte.

Numeri 3:12

“Nea, maye Lewifoɛ ne mafi Yisraelfoɛ nu, na mafa bɛ masi Yisraelfoɛ bamuɛbaa mɔ amukoraa bɛ gya nu. Lewifoɛ mɔ kɔyɛ me deɛ,

Numeri 8:15

Sɛ ɛte Lewifoɛ mɔ anwo yie, ná ɛfa bɛ yɛ ɛnwahanɛ afɔleɛ wɔ AWURADE nyunu a, ye si ye, odi kyɛ Lewifoɛ mɔ bɛkɔhyɛ b’adwuma bo wɔ ɛtena sua atenaleɛ ne anu berɛ.

Numeri 8:20

Yiti Mose ne Aarɔn ne Yisraelfoɛ amukoraati betuli Lewifoɛ besiele berɛ bɛmane AWURADE. Yisraelfoɛ tuli Lewifoɛ siele berɛ kyɛbɔ AWURADE hyɛle Mose fale bɛ nwo ne ala.

Numeri 8:22

Ye si ye, Lewifoɛ mɔ hɔle bɛɛyɔle b’adwuma wɔ ɛtena sua atenaleɛ ne anu. Né Aarɔn ne ye mma mmienzua mɔ yeɛ bɛnea bɛ so ɔ. Na kyɛbɔ AWURADE hyɛle Mose fale Lewifoɛ mɔ nwo ne, sɔ ala yeɛ betuli bɛ besiele berɛ bɛmane AWURADE ɔ.

Numeri 8:7

Ɛhe yeɛ odi kyɛ ɛyɔ ná ɛfa te bɛ nwo ɔ: Fa nzue bɔ bɛfa bɛte bɛ nwo ne pete bɛ nwo. Maa bɛfa dɛmaa bɛpoa bɛ nwo nwiaa amukoraa ná bɛpo bɛ nwo nningyein, amaa ɔnate so bɛ nwo ate.