Numeri 8:20 - AHYERƐLƐ KRONGRON

²⁰ Yiti Mose ne Aarɔn ne Yisraelfoɛ amukoraati betuli Lewifoɛ besiele berɛ bɛmane AWURADE. Yisraelfoɛ tuli Lewifoɛ siele berɛ kyɛbɔ AWURADE hyɛle Mose fale bɛ nwo ne ala.

Numeri 8:20 Iomraidhean Croise

Ɛksadɔso 12:50

Yiti Yisraelfoɛ amukoraa yɔle kyɛbɔ AWURADE hyɛle Mose ne Aarɔn ne ala.

Numeri 1:50

Na mmom, adanzeɛ ɛtena sua ne, nu nningyein amukoraa, ɔne ye nwo nikyee biala, odi kyɛ ɛye Lewifoɛ maa bɛnea so. Odi kyɛ bɛsoa nyianu sua ne, ɔne nu nningyein amukoraa, ná bɛ́nea so, ná bɛkyekye b’asikyeleɛ bɛ́pɛ ye nwo bɛbra beyia.

Numeri 1:54

Yisraelfoɛ yɔle sɔ ala; bɛyɔle kyɛbɔ AWURADE hyɛle Mose ne.

Numeri 8:19

Afei koso, maye Lewifoɛ masie ahameɛ mafi Yisraelfoɛ nu, na mafa bɛ mayɛ akyɛdeɛ mama Aarɔn ne ye mma mmienzua mɔ, kyɛ bɛyɔ ɛsɔnenɛ adwuma bɛma Yisraelfoɛ wɔ ɛtena sua atenaleɛ ne anu, ná bɛpata bɛma Yisraelfoɛ, amaa sɛ Yisraelfoɛ bepingye nekaa krongron ne a, amaneɛ biala ando bɛ.”

Numeri 8:21

Lewifoɛ mɔ petene bɛ nwo, na bɛpole bɛ nwo nningyein. Afei Aarɔn fale bɛ yɛle ɛnwahanɛ afɔleɛ wɔ AWURADE nyunu, na Aarɔn patale mane bɛ fa tele bɛ nwo.

Numeri 9:22

Na sɛ munungum ne toa so mundu nyianu sua ne aso elenyɔ, anaa bosome, anaa mmerɛ tendenn biala a, Yisraelfoɛ kɔ so tena asikyeleɛ berɛ bɔ bendu bɛ bo ɔ. Nakoso sɛ munungum ne ma ye nwo so a, né batu bɛ bo.

Numeri 9:5

Belili Abɔtra aluolue ne wɔ bosome bɔ oli moa ne anu, wɔ ye kyẽa bɔ ɔtɔ so buru ne nna ne aso. Aleɛ dwole ne, belili ye wɔ Sinai ɛserɛ ne aso. Kyɛbɔ AWURADE hyɛle Mose ne, sɔ ala yeɛ Yisraelfoɛ lili ye ɔ.