Numeri 8:2 - AHYERƐLƐ KRONGRON

² “Ka kyire Aarɔn kyɛ, Sɛ ɛ́fa nganea nemɔ siesie kanea bakaa ne aso a, odi kyɛ ɛfa nganea nzoo nemɔ siesie so maa bɛta kanea bakaa ne nyunu berɛ.”

Numeri 8:2 Iomraidhean Croise

Edwein 119:105

Wɔ dwirɛ ne te me gya bo kanea, yeɛ ɔte hyireinn wɔ m’atee so.

Edwein 119:130

Wɔ dwirɛ nu ngyirekyiremuɛ ma kanea; ɔma sona bɔ ye adwene te kãa ɔ nya nimdeɛ.

Ɛksadɔso 25:37

Afei yɔ ye kanea nzoo ne, ná fa siesie so maa bɛta ye nyunu berɛ.

Ɛksadɔso 37:23

Ɔfale sikaa kɔkorɛ paa yɔle ye kanea nzoo ne, ye akapɛ bɔ bɛfa bɛtengyɛtengyɛ kanea nyamaa noa ne, ɔne kanea nyamaa nzoen talie nemɔ.

Ɛksadɔso 39:37

kanea bakaa krongron ne ne ye nganea bɔ betuatua ye nwo ne, ɔne ye nwo nningyein amukoraa, yeɛ ngoo bɔ bɛfa begua kanea ne anu ne;

Ɛksadɔso 40:25

na ɔfale kanea nemɔ siesiele so wɔ AWURADE nyunu, kyɛbɔ AWURADE hyɛle ye (Mose) nen.

Yesaya 8:20

Odi kyɛ ɛmɔpena mmeraa ne ne adanzeɛ ne si atee! Nahorɛ nu, sɛ banga ye kyɛbɔ edwirɛ ne ɔte ne a, ye de né nahorɛ biala nne bɛ nu.

Lewitikɔso 24:4

Odi kyɛ ɔfa kanea nemɔ siesie sikaa kɔkorɛ paa kanea bakaa so wɔ AWURADE nyunu daa.

Numeri 8:1

AWURADE sele Mose kyɛ,

Numeri 8:3

Yiti Aarɔn yɔle sɔ. Ɔfale nganea nemɔ siesiele kanea bakaa ne aso maa bɛtale kanea bakaa ne nyunu, kyɛbɔ AWURADE hyɛle Mose ne.

Mateo 5:14

“Ɛmɔte wiase kanea. Kuro bɔ ɔla bokaa so ne, ɔngora mvea.

Yohane 1:9

Nahorɛ kanea bɔ ɔta ma sona biala ne yeɛ né ɔba wiase ɔ.

2 Petro 1:19

Na yɛsa yɛle ngɔmhyɛlɛ dwirɛ bɔ ɔma y’adwene si pi paa tra sɔ ɔ. Na ɛhe yeɛ ohia paa kyɛ ɛmɔnea ye yé, kyɛ kanea bɔ ɔta awosii nu maa okoodwu kyɛ aleɛ kɔhye, ná ngyerɛmɔ nzramaa kɔta ɛmɔ ahone nu ɔ.

Nyekyire 1:12

Na ngakyili me nwo kyɛ menea komviɛ bɔ odwudwo kyire me ne, na mbɛle me nye ne, nwuni esikaa kɔkorɛ kanea bakaa nzoo;

Nyekyire 1:20

Na nzramaa nzoo bɔ enwuni bɛ wɔ me sa famaa nu, ɔne sikaa kɔkorɛ kanea bakaa nzoo ne, bɛ nwo mvealeɛ nu dwirɛ ɛhe: Nzramaa nzoo ne bɛte asɔre nzoo nemɔ b’abɔfo mɔ, yeɛ kanea bakaa nzoo bɔ enwuni bɛ ne bɛte asɔre nzoo ne.

Nyekyire 4:5

Na agralaa ne komviɛ ahoroɔ ne nu bobɔlɛ kurudududu fili ahennie bia ne anu wale. Na see nganea nzoo bɔ bɛte Nyameɛ Sunzum nzoo ne, né begye wɔ ahennie bia ne anyunu berɛ.