Numeri 8:14 - AHYERƐLƐ KRONGRON

¹⁴ “Fa sɔ atee ye aso ye Lewifoɛ sie ahameɛ fi Yisraelfoɛ ngaa nemɔ anu, na Lewifoɛ mɔ kɔɔyɛ me deɛ.

Numeri 8:14 Iomraidhean Croise

Malaki 3:17

Asafo AWURADE nwa nyoo: Kyẽa bɔ ngobua ndɛen ne, bɛkɔyɛ me bɔbɔ me deɛ, na ngonwu bɛ anwumvoin kyɛbɔ seɛ onwu ɔwa bɔ ɔso ye ɔ anwumvoin ɔ.

Numeri 18:6

Me yeɛ maneanea Yisraelfoɛ nu maye ɛmɔ aliɛma mɔ Lewifoɛ ɔ. Bɛte akyɛdeɛ bɛma ɛmɔ, bɔ me AWURADE matu bɛ masie berɛ mama me nwo, kyɛ bɛyɔ ɛtena sua atenaleɛ ne anu adwuma ɔ.

Numeri 3:12

“Nea, maye Lewifoɛ ne mafi Yisraelfoɛ nu, na mafa bɛ masi Yisraelfoɛ bamuɛbaa mɔ amukoraa bɛ gya nu. Lewifoɛ mɔ kɔyɛ me deɛ,

Numeri 3:45

“Fa Lewifoɛ mɔ si Yisraelfoɛ bamuɛbaa amukoraati bɛ gya nu, ná Lewifoɛ bɛ nyɛmmoa mɔ koso, fa bɛ si Yisraelfoɛ bɛ nyɛmmoa mɔ gya nu, na Lewifoɛ mɔ kɔyɛ me deɛ: Me ole AWURADE.

Numeri 3:9

Ma Lewifoɛ mɔ bewura Aarɔn ne ye mma mmienzua mɔ bo; maye bɛ mafi Yisraelfoɛ nu bɔkɔɔ mafa bɛ mama Aarɔn.

Numeri 6:2

“Ka kyire Yisraelfoɛ kyɛ, Sɛ bienzua anaa brasua bie bɔ anohoba sonongo, bɔ ɔte nasiritefoɛ anohoba, kyɛ watu ye nwo wasie berɛ wama AWURADE a,

Numeri 8:13

Afei ma Lewifoɛ mɔ beegyina Aarɔn ne ye mma mmienzua nemɔ nyunu, ná fa bɛ yɛ ɛnwahanɛ afɔleɛ ma AWURADE.

Numeri 8:17

Ofikyɛ Yisraelfoɛ bamuɛbaa amukoraa, kyɛ sona oo, kyɛ kaka oo, ɔte me deɛ. Kyẽa bɔ nguni bamuɛbaa amukoraa wɔ Misraim aseɛ so ne yeɛ nduli bɛ nziele berɛ mane me nwo ɔ.

Romanfoɛ 1:1

Pɔɔlo, Yesu Kristo akoaa, bɔ bafrɛ me kyɛ mmanyɛ somafoɛ, ná batu me basie berɛ bama Nyameɛ nzɛmba ne,

Galatiafoɛ 1:15

Nakoso Nyameɛ bɔ ɔneaneane nu yele me koraka yeɛ bɛbaawo me, na ɔlole me frɛle me ne, mmerɛ bɔ ɔsɔle ye nye

Deuteronomi 10:8

Sɔ mmerɛ ne, AWURADE tuli Lewifoɛ siele berɛ, kyɛ bɛ́soa AWURADE apam alaka ne, ná bégyina AWURADE nyunu bɛ́so ye, ná bɛ́fa ye dumaa béyira mmenia, kyɛbɔ bayɔ toonn maa waadwu ɛnɛ ye.

Hebrifoɛ 7:26

Yiti ɔsɔfo panyi paa bɔ ɔte sɔa yeɛ ɔfata kyɛ yɛnya ɔ. Ɔte krongron, mvomsoɛ anaa bɔne biala nne ye nwo, baye ye basie ahameɛ bafi bɔnefoɛ nu, na babɔ ye panyi paa wɔ nyameɛso.