Numeri 8:13 - AHYERƐLƐ KRONGRON

¹³ Afei ma Lewifoɛ mɔ beegyina Aarɔn ne ye mma mmienzua nemɔ nyunu, ná fa bɛ yɛ ɛnwahanɛ afɔleɛ ma AWURADE.

Numeri 8:13 Iomraidhean Croise

Numeri 18:6

Me yeɛ maneanea Yisraelfoɛ nu maye ɛmɔ aliɛma mɔ Lewifoɛ ɔ. Bɛte akyɛdeɛ bɛma ɛmɔ, bɔ me AWURADE matu bɛ masie berɛ mama me nwo, kyɛ bɛyɔ ɛtena sua atenaleɛ ne anu adwuma ɔ.

Numeri 8:11

Odi kyɛ Aarɔn fa Lewifoɛ mɔ bagyina AWURADE nyunu maa bɛyɛ ɛnwahanɛ afɔleɛ bɔ ofi Yisraelfoɛ berɛ ɔ, amaa ɔnate so Lewifoɛ bayɔ AWURADE adwuma.

Numeri 8:12

Ɔsɛ kyɛ Lewifoɛ mɔ bɛfa bɛ sa begua nandwie nyii nemɔ ti afia; ná Aarɔn ɔ́fa ko ɔ́bɔ bɔne nwo afɔleɛ, ná ɔ́fa ko koso ɔ́bɔ naen yeralɛ afɔleɛ ma AWURADE, ná ɔfa pata ma Lewifoɛ mɔ.

Numeri 8:14

“Fa sɔ atee ye aso ye Lewifoɛ sie ahameɛ fi Yisraelfoɛ ngaa nemɔ anu, na Lewifoɛ mɔ kɔɔyɛ me deɛ.

Numeri 8:21

Lewifoɛ mɔ petene bɛ nwo, na bɛpole bɛ nwo nningyein. Afei Aarɔn fale bɛ yɛle ɛnwahanɛ afɔleɛ wɔ AWURADE nyunu, na Aarɔn patale mane bɛ fa tele bɛ nwo.

Romanfoɛ 12:1

Yiti aliɛmaa mɔ, ngyi Nyameɛ anwumvoinnwunɛ so mesrɛ ɛmɔ, kyɛ ɛ́mɔtu ɛmɔ nipadua bésie berɛ kyɛ afɔleɛ bɔ ɔte ase ɔ, bɔ ɔte krongron ná ɔsɔ Nyameɛ nye ɔ, na ɛhe yeɛ ɔte ɛmɔ nyamesom bɔ ɔfata ɔ.

Romanfoɛ 15:16

kyɛ nyɛ Kristo Yesu somvoɛ mma Amaenmaensofoɛ, ná nyɛ Nyameɛ nzɛmba ne nwo asɔfodwuma, ná Amaenmaensofoɛ bɛ́yɛ afɔleɛ bɔ ɔsɔ anyeɛ, bɔ Sunzum Krongron wate bɛ nwo ɔ.