Numeri 8:12 - AHYERƐLƐ KRONGRON

¹² Ɔsɛ kyɛ Lewifoɛ mɔ bɛfa bɛ sa begua nandwie nyii nemɔ ti afia; ná Aarɔn ɔ́fa ko ɔ́bɔ bɔne nwo afɔleɛ, ná ɔ́fa ko koso ɔ́bɔ naen yeralɛ afɔleɛ ma AWURADE, ná ɔfa pata ma Lewifoɛ mɔ.

Numeri 8:12 Iomraidhean Croise

Ɛksadɔso 29:10

“Fa nandwie nyii ne bra ɛtena sua atenaleɛ nu berɛ, ná Aarɔn ne ye mma mmienzua nemɔ bɛ́fa bɛ sa bégua nandwie ne ti afia.

Lewitikɔso 1:4

Odi kyɛ ɔfa ye sa to naen yeralɛ afɔleɛ kaka ne ati afia, ná Nyameɛ kole kɔto nu maa ɔkɔfa kɔyɛ ye ti mbata.

Lewitikɔso 14:22

mmorɔma nyɔ anaa mmorɔnoma buruwa nyɔ bɔ ye nwo kɔsõ so ɔ: ko te bɔne nwo afɔleɛ yeɛ ko ne koso te naen yeralɛ afɔleɛ.

Lewitikɔso 16:11

“Odi kyɛ Aarɔn fa nandwie nyii ne ɔbɔ bɔne nwo afɔleɛ ma ye nwo, ná ɔpata ma ye nwo ne ye awuro ama. Ɔsɛ kyɛ oku nandwie nyii ne ná ɔfa bɔ bɔne nwo afɔleɛ ma ye nwo.

Lewitikɔso 16:21

Afei odi kyɛ Aarɔn fa ye sa munyɔ gua abɔngye bɔ ɔte ngoa nu ne ye ti afia, ná ɔka Yisraelfoɛ amumuyɛɛ amukoraa, bɛ mmeraatolɛ amukoraa ɔne bɛ bɔne amukoraa gua abɔngye ne aso, ná ɔprapra ye mukoraati gua ye so. Odi kyɛ ɔyakyi abɔngye ne ma bienzua bie bɔ bafa sɔ adwuma ne bawura ye sa maa berɛ ne ala ɔkɔyakyi kaka ne eburo maa ɔkɔ.

Lewitikɔso 16:6

“Odi kyɛ Aarɔn fa nandwie nyii ne bɔ bɔne nwo afɔleɛ ma ye nwo, ná ɔpata ma ye bɔbɔ ye nwo, ɔne ye awuro ama.

Lewitikɔso 4:15

Odi kyɛ maen mbanyi nemɔ, bɛfa bɛ sa bɛto nandwie ne ti afia wɔ AWURADE nyunu, ná beku nandwie ne wɔ AWURADE nyunu.

Lewitikɔso 4:20

Kyɛbɔ ɔfale bɔne nwo afɔleɛ nandwie nyii ne yɔle ne, sɔ ala yeɛ ɔsɛ kyɛ ɔfa sɔ nandwie ne ɔyɔ ɔ. Ɔsɔfo ne kɔpata kɔma bɛ, ná Nyameɛ kɔfa bɛ bɔne kɔhyɛ bɛ.

Lewitikɔso 4:35

Na odi kyɛ ɔye ye loe ne amukoraati, kyɛbɔ bɛye asomdwee afɔleɛ boaen nu loe ne, na odi kyɛ ɔsɔfo ne ɔfa gua afɔleɛ bɔ bafa babrɛ AWURADE ne aso, ná ɔyera ye wɔ afɔleɛ bokyea ne aso; na ɔsɔfo ne kɔpata kɔma ye wɔ bɔne bɔ wayɔ ne anwo, na Nyameɛ kɔfa ye bɔne kɔhyɛ ye.

Lewitikɔso 4:4

Odi kyɛ ɔfa nandwie nyii ne ɔba AWURADE nyunu wɔ ɛtena sua atenaleɛ anoa nu berɛ. Odi kyɛ ɔfa ye sa to nandwie ne ti so, ná oku nandwie ne wɔ AWURADE nyunu.

Lewitikɔso 5:7

“Na sɛ ye nwo ngɔso boaen so a, ye de maa ɔfa mmorɔma nyɔ anaakyɛ mmorɔnoma buruwa nyɔ ɔɔbɔ foɛlilɛ afɔleɛ ɔma AWURADE, ɔnate bɔne bɔ wayɔ ne ati; odi kyɛ ɔfa ko ɔbɔ bɔne nwo afɔleɛ ná ɔfa ko koso ɔbɔ naen yeralɛ afɔleɛ.

Lewitikɔso 8:14

Mose fale bɔne nwo afɔleɛ nandwie nyii ne wale anyunu berɛ; na Aarɔn ne ye mma mmienzua nemɔ fale bɛ sa guale bɔne nwo afɔleɛ nandwie nyii ne ti afia.

Lewitikɔso 8:15

Mose huni kaka ne, ɔfale ye mogya ne bie, na ɔfale ye sa mmɛseka bɔle mogya ne anu yeyɛle afɔleɛ bokyea mmɛen nemɔ anwo bra yiale. Ɔpetene afɔleɛ bokyea ne anwo, na ohwiele mogya ne guale afɔleɛ bokyea ne abo, ɔtele bokyea ne anwo, na ɔnate ɛhe aso fa yɛle bɔne nwo mbata mane afɔleɛ bokyea ne.

Lewitikɔso 8:18

Ɔfale naen yeralɛ afɔleɛ boaen nyii ne wale anyunu berɛ, na Aarɔn ne ye mma mmienzua nemɔ fale bɛ sa guale boaen nyii ne ti afia.

Lewitikɔso 8:34

Na kyɛbɔ yayɔ ye ɛnɛ ne, AWURADE yeɛ wahyɛ kyɛ bɛyɔ bɛfa bɛpata bɛma ɛmɔ ɔ.

Lewitikɔso 9:7

Yeɛ Mose sele Aarɔn kyɛ, “Twe pingye afɔleɛ bokyea ne, ná bɔ bɔne nwo afɔleɛ ɔne naen yeralɛ afɔleɛ ma wɔ nwo, ná yɛ mbata ma wɔ bɔbɔ wɔ nwo ne wɔ mmenia ne; ná fa mmenia nemɔ afɔleɛ nningyein ne bra baapata ma bɛ, kyɛbɔ AWURADE ahyɛ ne.”

Numeri 6:14

Odi kyɛ ɔfa ye akyɛdeɛ hemɔ ɔbrɛ AWURADE: boaen nyii akrɔngrɔma ko bɔ wali afoɛ ko, bɔ ollili nnɛen biala, bɔ ɔ́fa bɔ naen yeralɛ afɔleɛ ɔ; boaen beleɛ akrɔngrɔma ko bɔ wali afoɛ ko, bɔ ollili nnɛen biala, bɔ ɔ́fa bɔ bɔne nwo afɔleɛ ɔ; boaen nyii ko bɔ ollili nnɛen biala ɔ, bɔ ɔ́fa bɔ asomdwee afɔleɛ ɔ,

Numeri 6:16

Odi kyɛ ɔsɔfo ne fa nningyein hemɔ ba AWURADE nyunu ná ɔbɔ nasiriteniɛ ne ye bɔne nwo afɔleɛ ne naen yeralɛ afɔleɛ ne.

Numeri 8:13

Afei ma Lewifoɛ mɔ beegyina Aarɔn ne ye mma mmienzua nemɔ nyunu, ná fa bɛ yɛ ɛnwahanɛ afɔleɛ ma AWURADE.

Numeri 8:8

Afei maa bɛfa nandwie nyii akrɔngrɔma ko, ɔne ye nwo aburoo afɔleɛ bɔ bafa esam paa bɔ bafa ngoo bafra ye ɔ, na odi kyɛ esa fa nandwie nyii akrɔngrɔma ko babɔ bɔne nwo afɔleɛ.

Hebrifoɛ 9:22

Na kyɛbɔ mmeraa ne kyire ne, ɔpena yɛ kyɛ mogya yeɛ bɛfa bɛte nningyein amukoraa nwo ɔ, na sɛ mogya angua a, bɔnefakyɛ nne berɛ.