Numeri 7:9 - AHYERƐLƐ KRONGRON

⁹ Nakoso Kohatefoɛ de, wamma bɛ bie, ofikyɛ bɛ de, nningyein krongron bɔ owura bɛ sa ne, bɛsoa ye wɔ bɛ bati.

Numeri 7:9 Iomraidhean Croise

2 Samuel 6:13

Na bɛ bɔ bɛsõ AWURADE alaka ne, betuli bɛ gya nzia ne, Dawide fale nandwie ne nandwie sayɛɛ bɔle afɔleɛ.

2 Samuel 6:3

Bɛfale Nyameɛ alaka ne besiele teaseɛnam monɛ kamee so, na bɛye befili Abinadabo awuro bɔ ogyi pambaa so ne anu. Teaseɛnam monɛ kamee bɔ Nyameɛ apam alaka ne gyi so ne, Abinadabo mma Yusa ne Ahio yeɛ bɛfa bɛhɔle ɔ.

2 Samuel 6:6

Na beedwuli Nakɔn ye nekaa bɔ bɛboro aburoo nen, nandwie nemɔ sotili, yiti Yusa tengyɛle ye sa sɔle Nyameɛ alaka ne anu.

1 Ahemvo 8:3

Yisrael mbanyi amukoraa bɛwale, na né asɔfo nemɔ bɛso apam alaka ne.

1 Aberɛso Dwirɛ 15:13

Ɔnate kyɛ nna ɛmɔ yeɛ ɛmɔsoale ye mmerɛ bɔ oli moa ne ati, AWURADE yɛ Nyameɛ fɛle yɛ so yaa paa, ofikyɛ yannea alaka ne aso yé.”

1 Aberɛso Dwirɛ 15:3

Dawide mane Yisrael maen ne amukoraa bɛbɔle dwaa wɔ Yerusalem kyɛ bɛɛfa AWURADE alaka ne bɛbra nekaa bɔ basiesie bama ye ne.

1 Aberɛso Dwirɛ 23:26

Yiti afei de, onhia kyɛ Lewifoɛ bɛsoa nyianu sua ne, anaa nikyee biala bɔ bɛfa bɛyɔ nu ɛsɔnenɛ adwuma ɔ,

Numeri 3:31

B’adwuma ole kyɛ bɛkɔnea ɛhemɔ aso: apam alaka ne, ɛpoen ne, kanea bakaa ne, afɔleɛ bokyea nemɔ, nekaa krongron berɛ nningyein bɔ asɔfo nemɔ fa yɔ ɛsɔnenɛ adwuma ne, ɔne mbɛmuɛ ɛtena ne, ɔne sɔ nningyein nemɔ nwo adwuma amukoraa.