Numeri 7:89 - AHYERƐLƐ KRONGRON

⁸⁹ Sɛ né Mose kɔ ɛtena sua ne anu kyɛ ɔne AWURADE bɛkwaadwudwo a, né ɔte komviɛ ne kyɛ odwudwo kyire ye fi Adanzeɛ alaka ne aso mbata bia bɔ ɔwɔ kɛrubim nyɔ ne b’afia ne, ye anwuro ɔ; né komviɛ ne ɔne Mose bedwudwo.

Numeri 7:89 Iomraidhean Croise

1 Ahemvo 6:23

Ɔfale olive bakaa sele kɛrubim nyɔ siele nekaa krongron ne anu. Ko biala, ofi ye aseɛnwo bɔ ɔkwaadwu ye anwuro ne, ɔte agyirɛ buru.

Edwein 80:1

Ao Yisrael Neafoɛ, yɛ asoɛ tie, wɔ bɔ eli Yosef nyunu kyɛ mmoaen kure ɔ! Wɔ bɔ ɛte kɛrubim mɔ so ɔ, ta hyireinn

Edwein 99:1

AWURADE di hene, maen maen mɔ, ɛ́mɔma ɛmɔ nwo wosowoso! Ɔte kɛrubim mɔ so; aseɛ, woso!

Ɛksadɔso 40:34

Afei munungum ne ɔɔkatale ɛtena sua atenaleɛ ne aso, na AWURADE animnyam yili nyianu sua ne tɛkyɛ.

Ɛksadɔso 40:35

Na Mose angora anwura ɛtena sua atenaleɛ ne anu, ofikyɛ né munungum ne akata ɛtena sua ne aso, na AWURADE animnyam yili nyianu sua ne tɛkyɛ.

Lewitikɔso 1:1

AWURADE frɛle Mose, na ɔhã hyirele ye fi ɛtena sua atenaleɛ ne anu kyɛ,

Numeri 1:1

Yisraelfoɛ tu fili Misraim aseɛ so ne asi, ye afoɛ bɔ ɔtɔ so nyɔ ne anu, bosome bɔ ɔtɔ so nyɔ, ye kyẽa bɔ oli moa ne, AWURADE sele Mose wɔ ɛtena sua atenaleɛ ne anu wɔ Sinai ɛserɛ ne aso kyɛ,

Numeri 11:17

Ngodwu ngɔwa me ne wɔ yɛkoodwudwo wɔ berɛ, na ngɔfa sunzum bɔ ɔwɔ wɔ nu ne bie ngowura bɛ nu. Ɛne bɛ ɛmɔkɔfa mmenia ne anwo fɛɛ bɛkɔto ɛmɔ nwo so, amaa wanna wɔ ngome wɔ so.

Numeri 12:8

Ye de megyina ye nyunu me ne ye yɛdwudwo pefee; mendwudwo mengyire ye anyandera nu; na onwu kyɛbɔ AWURADE ye sue te ɔ. Nzu ati yeɛ ɛmɔanzuro kyɛ ɛmɔkodwudwo bekotia me somvoɛ Mose ɔ?”

Numeri 8:1

AWURADE sele Mose kyɛ,

Hebrifoɛ 4:16

Yiti ɛ́mɔma yɛsi y’ahone yɛbra adom ahennie bia ne nyunu, amaa ɔnate so wanwu yɛ anwumvoin, ná yanya adom bɔ ɔkɔboka yɛ ɔ wɔ mmerɛ bɔ ɔsɛ ɔ nu.

1 Petro 1:12

Na bɛlale ye ali behyirele bɛ kyɛ, nna bɛ bɔbɔ bɛ nwo, na mmom yɛ yeɛ né bɛyɔ ɛsolɛ adwuma ne bɛma yɛ ɔ, wɔ edwirɛ mɔ bɔ kekesaala ye yɛbɔ ye dawure yɛkyire ɛmɔ ne anu, ɔne bɛ bɔ bɛnate Sunzum Krongron bɔ basoma ye fi nyameɛso so bɛɛhane nzɛmba ne behyirele ɛmɔ ne. Na sɔ dwirɛ nemɔ yeɛ abɔfo mɔ po bekuro kyɛ benwu nu ɔ.

1 Samuel 4:4

Yiti maen ne tuli mmenia maa bɛhɔle Silo, na Asafo AWURADE bɔ ɔte kɛrubim nemɔ b’afia ne, bɛɛfale ye apam alaka ne befili dɔ bɛwale. Hofini ne Finehase bɔ bɛte Eli mma nyɔ ne, né bɛwɔ Nyameɛ apam alaka ne anwo.