Numeri 7:84 - AHYERƐLƐ KRONGRON

⁸⁴ Mmerɛ bɔ bɛfale ɛpopalɛ ngoo bɛpopale afɔleɛ bokyea nen, nningyein hemɔ yeɛ Yisrael mbanyi fa wale maa bɛfa bɛbɔle afɔleɛ betuli afɔleɛ bokyea ne bewurale Nyameɛ sa ɔ: talie bɔ bafa ɛdwetɛ bayɔ ɔ buru ne nyɔ, ayaa bɔ bafa ɛdwetɛ bayɔ ɔ buru ne nyɔ, kulie bɔ bafa esikaa kɔkorɛ bayɔ ɔ buru ne nyɔ.

Numeri 7:84 Iomraidhean Croise

Ɛksadɔso 25:29

Yɔ ye ndalie ne ɛyɛɛ kulie mɔ, turonzemaa ne bua mɔ bɔ bɛkɔfa bekohwie afɔleɛ nzaa ɔ; sikaa kɔkorɛ paa yeɛ fa yɔ ɔ.

Numeri 7:1

Kyẽa bɔ Mose sili nyianu sua ne yiele ne, ɔfale ɛpopalɛ ngoo popale ye, na ɔtele ye ne nu nningyein amukoraati nwo. Ɔfale ɛpopalɛ ngoo popale afɔleɛ bokyea ne, na ɔtele ye ne ye nwo nningyein amukoraati nwo.

Numeri 7:10

Kyẽa bɔ bɛpopale afɔleɛ bokyea ne ngoo ne, mbanyi nemɔ sá fale afɔleɛ bɛwale maa bɛfa betuli afɔleɛ bokyea ne bewurale AWURADE sa; mbanyi nemɔ fale b’afɔleɛ ne bɛwale afɔleɛ bokyea ne anyunu.

Numeri 7:83

ɔne asomdwee afɔleɛ nwo nningyein hemɔ: nandwie nyɔ, mmoaen nyii nnu, mbɔngye nyii nnu, ɔne mmoaen nyii akrɔngrɔma nnu bɔ bali afoɛ ngoko ɔ. Enan awa Ahira ye afɔleɛ deɛ ɛne.

Numeri 7:85

Talie bɔ bafa ɛdwetɛ bayɔ ne, ko biala nu nonɛ te kilo ko ne bue, yeɛ ayaa bɔ bafa ɛdwetɛ bayɔ ne, ko biala nu nonɛ te kilo ko. Nningyein bɔ bɛfale ɛdwetɛ bɛyɔle ne amukoraa, nu nonɛ te kilo aburanyɔ ne mmɔtwɛ, kyɛbɔ nekaa krongron berɛ kilo nonɛ te ɔ.

Hebrifoɛ 13:10

Yɛle afɔleɛ bokyea bɔ bɛ bɔ bedi dwumaa wɔ ɛtena sua ne anu ne, belle ye nwo ate kyɛ bedi so nikyee biala ɔ.

Nyekyire 21:14

Kuro ne, ye fasue ne gyi fapem buru ne nyɔ so, bɔ Boaen Ba n’asomafoɛ buru ne nyɔ nemɔ bɛ dumaa guagua so ɔ.