Numeri 7:12 - AHYERƐLƐ KRONGRON

¹² Aminadabo awa bienzua Nason bɔ ofi Yuda abusua kure nu ne yeɛ ɔfale ye afɔleɛ deɛ wale kyẽa bɔ oli moa ne ɔ.

Numeri 7:12 Iomraidhean Croise

Gyenesise 35:22

Mmerɛ bɔ né Yisrael te sɔ aseɛ ne aso nen, Ruben ne ye baba sómaa Bilha bɛlale, na Yisrael tele sɔ dwirɛ ne. Né Yakob mma mmienzua nemɔ bɛte buru ne nyɔ:

Gyenesise 35:23

Lea mma mmienzua mɔ ɛhe: Ruben (Yakob bamuɛbaa), Simeon, Lewi, Yuda, Yisaka ne Sebulɔn.

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

Gyenesise 49:8

Yuda, eliɛma mɔ kɔkamvo wɔ, na ɛkɔfo kɔtena wɔ pɔfoɛ mɔ kɔme so; ɛse amma mmienzua mɔ kɔkoto wɔ.

Numeri 1:5

Mmenia bɔ bɛkɔboka ɛmɔ ne, bɛ dumaa ɛhe: Ruben abusua kure ne, Sedɛre awa Elisure kogyina bɛ gya nu.

Numeri 1:7

Yuda abusua kure ne, Aminadabo awa Nason kogyina bɛ gya nu.

Numeri 10:14

Yuda asikyeleɛ ne anu ama yeɛ bɛfale bɛ frangaa belili moa betuli bɛ bo kure kure ɔ. Aminadabo awa Nason yeɛ né otua Yuda ɛlɔen ne amukoraa bɛ noa ɔ.

Numeri 2:3

Yuda bɛ koɛhonɛfoɛ kure ne yeɛ odi kyɛ bɛkyekye asikyeleɛ kure kure wɔ eyia afiteleɛ ɔ. Aminadabo awa Nason yeɛ odi kyɛ otua Yuda boso ama nemɔ bɛ noa ɔ.

Numeri 7:11

Na AWURADE sele Mose kyɛ, “Odi kyɛ ɛlɛho biala mbanyi ne anu ko fa ye afɔleɛ ba, maa bɛfa betu afɔleɛ bokyea ne bewura me sa.”

Numeri 7:13

Ye afɔleɛ ne ɛhe: talie bɔ bafa ɛdwetɛ bayɔ ɔ ko, bɔ nu nonɛ te kilo ko ne bue, ayaa ko bɔ bafa ɛdwetɛ bayɔ ɔ, bɔ nu nonɛ te kilo ko, kyɛbɔ nekaa krongron berɛ kilo nonɛ te ɔ. Né esam paa bɔ bafa ngoo bafra ye ɔ, bɔ bɛfa bɛbɔ aburoo afɔleɛ ɔ wayi bɛ munyɔ tɛkyɛ;

Mateo 1:4

Ram wole Aminadabo. Aminadabo wole Nason bɔ ɔwole Salmon ne.

Luka 3:32

bɔ ɔse ole Yese, bɔ ɔse ole Obɛde, bɔ ɔse ole Boase, bɔ ɔse ole Salmon, bɔ ɔse ole Nason,

Rutu 4:20

Aminadabo wole Nason; Nason wole Salmon;