Numeri 7:1 - AHYERƐLƐ KRONGRON

¹ Kyẽa bɔ Mose sili nyianu sua ne yiele ne, ɔfale ɛpopalɛ ngoo popale ye, na ɔtele ye ne nu nningyein amukoraati nwo. Ɔfale ɛpopalɛ ngoo popale afɔleɛ bokyea ne, na ɔtele ye ne ye nwo nningyein amukoraati nwo.

Numeri 7:1 Iomraidhean Croise

Gyenesise 2:3

Yiti Nyameɛ yirale kyẽa bɔ ɔtɔ so nzoo ne, na ɔyɛle ye krongron, ofikyɛ ye adwuma bɔ ɔyɔle ye wɔ nningyein bɔlɛ nu ne, sɔ kyẽa ne yeɛ olele ye nwome ɔ.

1 Ahemvo 8:64

Sɔ kyẽa ne ala, Solomon tele AWURADE awuro ne anyunu aluo berɛ nwo, ɔne ye afia berɛ nwo maa ɔyɛle krongron, ofikyɛ berɛ yeɛ ɔbɔle naen yeralɛ afɔleɛ, aburoo afɔleɛ ne asomdwee afɔleɛ bɔ bɛfa ɛloe bɛbɔ nemɔ ɔ. Ɔbɔle afɔleɛ nemɔ wɔ berɛ, ofikyɛ kɔɔbere afɔleɛ bokyea bɔ né ɔwɔ AWURADE nyunu ne, ɔte kãa soma bɔ bɛhyehyɛ naen yeralɛ afɔleɛ ne, aburoo afɔleɛ ne ɔne asomdwee afɔleɛ bɔ bɛfa ɛloe bɛbɔ ne wɔ so a, ɔngɔ so ɔ.

Ɛksadɔso 13:2

“Tu bamuɛbaa mukoraa sie berɛ ma me; ebiala bɔ okoli moa kofi koɛsɛen nu kɔwa wɔ Yisraelfoɛ nu ne, sona oo, ayɛmmoa oo, ɔte me deɛ.”

Ɛksadɔso 29:36

Daa biala, fa nandwie nyii ko bɔ bɔne nwo afɔleɛ maa ɔyɛ mbata. Asa koso, sɛ ɛ́pata wɔ afɔleɛ bokyea ne aso a, bɔ bɔne nwo afɔleɛ wɔ so, fa ɛpopalɛ ngoo popa ye, ná te ye nwo.

Ɛksadɔso 40:11

Fa ɛpopalɛ ngoo popa ayaa ne ne ye nyinasoɛ ne, ná te ye nwo.

Numeri 17:2

“Ka kyire Yisraelfoɛ maa bɛma wɔ pɔmaa buru ne nyɔ. Dé fi bɛ bɔ betua bɛ nana mɔ sasofoɛ noa ne amukoraa bɛ dɔ; bɛ bɔ betua bɛ nana mɔ sasofoɛ noa ne, ebiala ye deɛ ko. Kyerɛ ebiala ye dumaa gua ye pɔmaa nwo,

Numeri 7:10

Kyẽa bɔ bɛpopale afɔleɛ bokyea ne ngoo ne, mbanyi nemɔ sá fale afɔleɛ bɛwale maa bɛfa betuli afɔleɛ bokyea ne bewurale AWURADE sa; mbanyi nemɔ fale b’afɔleɛ ne bɛwale afɔleɛ bokyea ne anyunu.

Numeri 7:84

Mmerɛ bɔ bɛfale ɛpopalɛ ngoo bɛpopale afɔleɛ bokyea nen, nningyein hemɔ yeɛ Yisrael mbanyi fa wale maa bɛfa bɛbɔle afɔleɛ betuli afɔleɛ bokyea ne bewurale Nyameɛ sa ɔ: talie bɔ bafa ɛdwetɛ bayɔ ɔ buru ne nyɔ, ayaa bɔ bafa ɛdwetɛ bayɔ ɔ buru ne nyɔ, kulie bɔ bafa esikaa kɔkorɛ bayɔ ɔ buru ne nyɔ.

Numeri 7:88

Asomdwee afɔleɛ ngaka ne amukoraa bɛte nandwie nyii aburanyɔ ne nna, mmoaen nyii aburasia, mbɔngye nyii aburasia, mmoaen nyii akrɔngrɔma aburasia bɔ bali afoɛ ngoko ɔ. Bɛfale ɛpopalɛ ngoo bɛpopale afɔleɛ bokyea ne beyiele ne, sɔ nningyein nemɔ yeɛ bɛfa bɛbɔle afɔleɛ betuli afɔleɛ bokyea ne bewurale AWURADE sa ɔ.

Mateo 23:19

Anyesiniwaafoɛ! Beni yeɛ odi mu ɔ? Ayɛyɛdeɛ ne, anaakyɛ afɔleɛ bokyea ne bɔ ɔma ayɛyɛdeɛ ne nwo te ne?