Numeri 6:5 - AHYERƐLƐ KRONGRON

⁵ Mmerɛ amukoraa bɔ watu ye nwo wasie berɛ wayɛ nasiriteniɛ ne, onni kyɛ ɔtete ye ti. Kɔpem kyɛ mmerɛ bɔ watu ye nwo wasie berɛ wama AWURADE kɔpɛ nu ne, odi kyɛ ɔyɛ krongron; ɔ́ma ye ti nwiaa mbɛsɛmbɛsɛ ne ofu gua ye ti anwo.

Numeri 6:5 Iomraidhean Croise

Hesekiel 44:20

Onni kyɛ bɛpoa bɛ ti, onni kyɛ bɛma bɛ ti nwiaa fu pusaa; na mmom odi kyɛ bebubu bɛ ti so.

Numeri 6:4

Mmerɛ amukoraa bɔ ɔtɛ te nasiriteniɛ ne, onni kyɛ odi nikyee biala bɔ bafa bobe bayɔ ɔ, kyɛ bafa ye mma anaakyɛ ye boen po yeɛ bayɔ hɔ oo.

Asomafoɛ 18:18

Na Pɔɔlo tenane berɛ hyɛle kãa, na nziɛ ye ɔne aliɛmaa nemɔ belili ngraa, na ofili berɛ fale ɛlɛen hɔle Siria. Prisila ne Akwila koso bokale ye so bɛne ye hɔle. Pɔɔlo bɔle tikwa, wɔ Kɛnkrea, ɔnate kyɛ né wabɔ anohoba.

Maenbulɛfoɛ 13:5

ofikyɛ ɛkɔnwonzɛ kɔwo baa bienzua. Onni kyɛ bɛtete akwadaa ne ti, ofikyɛ ɔkɔyɛ nasiriteniɛ kɔma Nyameɛ fi ye aworɛ nu. Ye yeɛ ɔkɔhyɛ ye bo kɔpepɛ kole Yisrael kofi Filistifoɛ sa nu ɔ.”

Maenbulɛfoɛ 16:17

Na Samson hane ye mvealeɛ nu dwirɛ ne amu hyirele ye kyɛ, “Me ti ne, bɛttetele ye le, ofikyɛ nde nasiriteniɛ ma Nyameɛ fi me maame kunu. Sɛ bɛtete me ti a, m’anwoserɛ ne amukoraa kotu komini, ngɔyɛ mmerɛ ná mayɛ kyɛ kuro sona biala.”

Maenbulɛfoɛ 16:19

Delila fale Samson ti tole ye sɔ so maa ɔlafele, na ɔfrɛle biaa bie maa ɔɔpoane ye ti nwiaa mbɛsɛmbɛsɛ nzoo ne. Na Samson hyɛle ye bo yɛle mmerɛ, na ye anwoserɛ tu minini.

1 Samuel 1:11

Na Hana hyɛle bɔ kyɛ, “O Asafo AWURADE, sɛ ahaa ɛkɔpɛ wɔ nye kɔnea w’afaneɛ aworabɔlɛ, ná ɛkɔkaye me, ná amma wɔ wora amvi w’afaneɛ, ná mmom ɛma w’afaneɛ baa bienzua a, ye de ngɔfa ye ngɔma wɔ AWURADE mmerɛ amukoraa bɔ ɔte ase ɔ; na dɛmaa biala ngɔtɔ ye ti so.”