Numeri 6:3 - AHYERƐLƐ KRONGRON

³ odi kyɛ otua ye nwo bobe nzaa ne nzaa serɛ. Onni kyɛ ɔno bobe nzaa kekarekekare anaa nzaa kekarekekare biala. Onni kyɛ ɔno bobe nzue anaa odi ye aleɛ, kyɛ ye monɛ oo, anaa ye worowaa oo.

Numeri 6:3 Iomraidhean Croise

Lewitikɔso 10:9

“Ɛne wɔ mma mmienzua mɔ, sɛ ɛmɔkɔ ɛtena sua ne anu a, nnɛma ɛmɔno bobe nzaa anaa nzaa serɛ biala amaa ɛmɔanwu; ɔsɛ kyɛ ɔyɛ ahyɛdeɛ afebɔɔ wɔ ɛmɔ aworɛ ndoatoasoɛ amukoraa nu.

Amose 2:11

Na nyeyele ɛmɔ mma nemɔ bie nyɛle bɛ ngɔmhyɛlɛfoɛ, yeɛ ɛmɔ mmerandeɛ nemɔ bie nyɛle bɛ nasiritefoɛ. Ao Yisraelfoɛ, aso nna sɔ yeɛ ɔte ɔ?,” AWURADE noa dwirɛ ɛne.

Amose 2:12

“Nakoso ɛmɔmane nasiritefoɛ nemɔ nzaa maa bɛnone, na ɛmɔhyɛle ngɔmhyɛlɛfoɛ nemɔ kyɛ, ‘Nnɛma ɛmɔhyɛ ngɔm!’

Numeri 6:4

Mmerɛ amukoraa bɔ ɔtɛ te nasiriteniɛ ne, onni kyɛ odi nikyee biala bɔ bafa bobe bayɔ ɔ, kyɛ bafa ye mma anaakyɛ ye boen po yeɛ bayɔ hɔ oo.

Luka 1:15

ofikyɛ ɔkɔyɛ sona titire wɔ Awurade nyunu, na ɔngɔno bobe nzaa anaa nzaa biala, na Sunzum Krongron koyi ye tɛkyɛ kofi oni akunu.

Luka 21:34

“Ɛ́mɔnea ɛmɔ nwo yé, ná poentolɛ ndrasoɛ ne nzaabolɛ ne asetena nu dadwene wanni ɛmɔ ti, ná sɔ kyẽa ne ammamvu ɛmɔ nu kyɛ ngaen;

Ɛfesofoɛ 5:18

Nnɛma ɛmɔbo nzaa, ofikyɛ ɔne basabasayɔlɛ yeɛ bɛnate ɔ; na mmom ɛ́mɔma Sunzum ne oyi ɛmɔ tɛkyɛ.

1 Tɛsalonikafoɛ 5:22

ná ɛmɔhwe ɛmɔ nwo befi bɔne sue mukoraa nwo.

1 Timoteo 5:23

Nnɛno nzue ngome ko, na ɔnate wɔ ko bɔ ɔha wɔ, ɔne fonɔnfonɔn bɔ ɛtaa yɛ ne ati, no bobe nzaa kãa.

Hebrifoɛ 9:10

Ofikyɛ ɔfa aleɛ, anonneɛ, ɔne bɛ nwo petenɛ ahoroɔ ngome nwo; na ɛhemɔ te anwoɔnaen nu nziesie bɔ ɔwɔ berɛ kodwu mmerɛ bɔ Nyameɛ kɔhyehyɛ nikyee biala foforɛ ɔ.

Maenbulɛfoɛ 13:14

Onni kyɛ odi nikyee biala bɔ ofi bobe nu ɔ. Onni kyɛ ɔno bobe nzaa anaa nzaa serɛserɛ biala, yeɛ onni kyɛ odi nikyee biala bɔ ye nwo nde ɔ. Ahyɛdeɛ bɔ mahyɛ mama ye ne amukoraati, odi kyɛ odi so.”

Maenbulɛfoɛ 13:4

Nea yé né anno bobe nzaa anaa nzaa serɛserɛ biala, yeɛ nnɛdi nikyee biala bɔ ye nwo nde ɔ,