Numeri 6:27 - AHYERƐLƐ KRONGRON

²⁷ “Yiti odi kyɛ bɛma me dumaa da Yisraelfoɛ so, na ngoyira bɛ.”

Numeri 6:27 Iomraidhean Croise

Gyenesise 32:26

Na osele kyɛ, “Yakyi me maa ngɔ na aleɛ ɔ́kye.” Nakoso Yakob buale kyɛ, “Mengɔma ɛngɔhɔ, sana eyira me koraka.”

Gyenesise 32:29

Yeɛ Yakob sele ye kyɛ, “Mesrɛ wɔ, bɔ wɔ dumaa kyire me.” Na Biaa ne buale kyɛ, “Nzu ati yeɛ ebisa me dumaa ɔ?” Na oyirale Yakob wɔ berɛ.

2 Samuel 7:23

Maen beni yeɛ ɔwɔ aseɛ ye aso bɔ ɔte kyɛ wɔ maen Yisrael ɔ? Yisrael bɔ Nyameɛ ɔɔpɔle ye fa yɛle ye maen, bɔ ɔnate so Nyameɛ dumaa trɛle, bɔ yiti Nyameɛ foane maen maen mɔ ne bɛ nyameɛ mɔ fili ye mmenia nyunu, ná ɔyɔle nningyein mbiri mbiri ne anwanwadeɛ mane bɛ ne.

1 Aberɛso Dwirɛ 4:10

Yabese sũ frɛle Yisrael Nyameɛ kyɛ, “Ao, ahaa né ayira me, ná amaa manya aseɛ piri; ná agyina me si, ná abɔ me nwo waen afi amaneɛ ne asane nu!” Na Nyameɛ yɔle ye abisadeɛ mane ye.

2 Aberɛso Dwirɛ 7:14

ná me maen bɔ me dumaa la bɛ so ɔ, bɛbrɛ bɛ nwo ase, bɛbɔ mbaeɛ, bɛpena me si atee, ná bɛsakyera b’adwene befi brabɔlɛ tɛɛ ne anwo a, ye de ngotie bɛ sufrɛ wɔ nyameɛso, ngɔfa bɛ bɔne ngɔhyɛ bɛ, ná masa b’aseɛ ne anwonyerɛ.

Edwein 5:12

Ofikyɛ AWURADE, eyira sona bɔ ɔtengyɛ ɔ, ɛfa adom ɛpɛ ye nwo yia kyɛ akokyɛm.

Edwein 67:7

Nyameɛ koyira yɛ, na odi kyɛ bɛ bɔ bɛwɔ aseɛ so nekaa biala besuro ye.

Ɛksadɔso 6:3

Nyele me nwo ali ngyirele Abraham, Yisake ne Yakob kyɛ nde Tuminiɛ Nyameɛ. Nakoso me dumaa YAHWE (AWURADE) ne de, mamma bangyina so bannwu me.

Yesaya 43:7

ebiala bɔ bɛfa me dumaa bɛfrɛ ye ɔ, bɔ mmɔle ye kyɛ ɔhyɛ me animnyam ɔ, bɔ nwone ye, ná nyɔle ye ɔ.”

Yeremia 14:9

Nzu ati yeɛ ayɛ kyɛ ebie bɔ ye adwene ayɛ ye nwunyaenn ɔ, kyɛ katakyie bɔ ɔngora mbepɛ nne mmenia ɔ? Nakoso, ao AWURADE, ɛne yɛ yeɛ yɛte ɔ, na wɔ dumaa yeɛ ɔla yɛ so ɔ; nnɛyakyi yɛ nu!”

Numeri 23:20

Tie, saleɛ nwo dwirɛ yeɛ wafa wasoma me ɔ, wayira bɛ, yiti mengɔhora ye sesã.

Mateo 28:19

Yiti ɛmɔhɔ bɛɛyɛ maen maen mukoraa m’asuafoɛ, ná ɛ́mɔbɔ bɛ asu wɔ Baba ne, Baa ne ne Sunzum Krongron ne dumaa nu,

Ɛfesofoɛ 1:3

Animnyam hã Nyameɛ, y’Awurade Yesu Kristo Baba ne, bɔ wafa sunzum nu saleɛ amukoraa bɔ ɔwɔ nyameɛso wayira yɛ wɔ Kristo nu ne,

Deuteronomi 28:10

Na aseɛ so mmenia mukoraati konwu ye kyɛ AWURADE dumaa la wɔ so, na bekosuro wɔ.