Numeri 6:23 - AHYERƐLƐ KRONGRON

²³ “Kã kyire Aarɔn ne ye mma mmienzua mɔ kyɛ: Edwirɛ he yeɛ ɛmɔhã bɛfa beyira Yisraelfoɛ ɔ. Ɛmɔhã behyire bɛ kyɛ,

Numeri 6:23 Iomraidhean Croise

Gyenesise 24:60

Beyirayirale Rebɛka, na besele ye kyɛ, “Aliɛmaa, ɛ́kɔ ye, su mmenia apee apee; ná wɔ bosofoɛ mɔ koso beli bɛ pɔfoɛ kuro mɔ so ngonim!”

Gyenesise 47:10

Yakob yirale Faro, na ofili Faro nyunu berɛ ɔhɔle.

Gyenesise 47:7

Afei Yosef mane ye baba Yakob wale oosomane Faro, na Yakob yirale Faro.

Gyenesise 48:20

Yiti oyirale bɛ sɔ kyẽa ne, na osele kyɛ, “Ɔnate wɔ so yeɛ maen Yisrael kɔha sɔ saleɛ dwirɛ he ɔ: ‘Nyameɛ ma ɛyɛ kyɛ Efraim, na ɔ́ma ɛyɛ kyɛ Manase.’ ” Yiti Yakob nate sɔ atee he aso bɔle Efraim panyi wɔ Manase so.

1 Ahemvo 8:55

na odwɔso gyinane teane nu yirale Yisrael maen ne amukoraati kyɛ,

1 Aberɛso Dwirɛ 23:13

Amram mma mmienzua ole Aarɔn ne Mose. Nyameɛ tuli Aarɔn siele berɛ kyɛ ɔɔte nningyein krongron paa nemɔ anwo, ná ye sɔ ti, ɔne ye boso ama bɛyera ɛyɛɛ wɔ AWURADE nyunu afebɔɔ, bɛsɔne ye, ná beyira mmenia wɔ AWURADE dumaa nu afebɔɔ.

2 Aberɛso Dwirɛ 30:27

Yeɛ asɔfo nemɔ ne Lewifoɛ nemɔ bedwɔso begyinane berɛ beyirale maen ne. Nyameɛ tiele bɛ mbaeɛ, na bɛ mbaeɛ ne oodwuli ye nekaa krongron bɔ ɔte wɔ nyameɛso ne.

Ɛksadɔso 39:43

Na Mose neane adwuma ne amukoraa, na onwuni kyɛ bayɔ ye pɛpɛɛpɛ, kyɛbɔ AWURADE hyɛle ne ala. Yiti Mose yirale bɛ.

Numeri 6:22

Na AWURADE sele Mose kyɛ,

Romanfoɛ 1:7

Mekyerɛ mebrɛ ɛmɔ amukoraa bɔ Nyameɛ kuro ɛmɔ dwirɛ bɔ ɛmɔwɔ Rome, bɔ wafrɛ ɛmɔ kyɛ ɛmɔɔyɛ anwoteefoɛ ɔ. Adom ne asomdwee bɔ ofi yɛ Baba Nyameɛ ne Awurade Yesu Kristo berɛ ɔyɛ ɛmɔ deɛ.

1 Korintofoɛ 1:3

Adom ne asomdwee bɔ ofi yɛ Baba Nyameɛ ne Awurade Yesu Kristo berɛ ɔyɛ ɛmɔ deɛ.

2 Korintofoɛ 13:14

Y’Awurade Yesu Kristo adom ne, Nyameɛ dɔ ne, ɔne Sunzum Krongron abiɛngoɛfalɛ ne ɔne ɛmɔ amukoraa bɛtena. Amen.

Deuteronomi 10:8

Sɔ mmerɛ ne, AWURADE tuli Lewifoɛ siele berɛ, kyɛ bɛ́soa AWURADE apam alaka ne, ná bégyina AWURADE nyunu bɛ́so ye, ná bɛ́fa ye dumaa béyira mmenia, kyɛbɔ bayɔ toonn maa waadwu ɛnɛ ye.

Deuteronomi 21:5

Afei Lewi bosofoɛ bɔ bɛte asɔfo ne, ɔsɛ kyɛ bɛkɔ berɛ, ofikyɛ AWURADE wɔ Nyameɛ waneanea nu waye bɛ kyɛ bégyina ye nyunu bɛ́so ye, ná bɛ́fa AWURADE dumaa béyirayira mmenia. Na bɛ noa dwirɛ yeɛ bekogyina so bekobua aporowaa ne ngondii mukoraa nwo ndɛen ɔ.

Deuteronomi 33:1

Saleɛ bɔ Nyameɛ sona Mose fa yirayirale Yisraelfoɛ koraka yeɛ owu ne ɛhe:

Hebrifoɛ 7:1

Sɔ Mɛlkisɛdɛke ne, ɔte Salem hene, na osa te Anwuro Anwuro Nyameɛ ne ye sɔfo. Mmerɛ bɔ Abraham fi koɛ bɔ oohuhuni ɛhene biemɔ na osa ba nen, Mɛlkisɛdɛke ooyiale ye, na oyirale ye;

Hebrifoɛ 7:7

Na aporowaa biala nne ye nwo kyɛ bɔ odi mu ne yeɛ oyira bɔ ɔte kãa ɔ.

Yosua 8:33

Yisraelfoɛ amukoraati, ɛwɔfoɛ ne maen mmaa, bɛ ne Yisrael mbanyi ne safohene mɔ ne ndɛenbualɛfoɛ mɔ, begyinagyinane apam alaka ne bue faen ne ye bue faen, wɔ Lewifoɛ bɔ bɛte asɔfo bɔ bɛsõ AWURADE apam alaka ne anyunu. Bɛ bue ko gyinagyinane Gerisim bokaa ndendeneɛ so, yeɛ bɛ bue ko wora gyinagyinane Ebal bokaa ndendeneɛ so, kyɛbɔ AWURADE somvoɛ Mose lili moa hyehyɛle ne; kyɛ, odi kyɛ beyira Yisrael.

1 Petro 1:2

bɛ bɔ Baba Nyameɛ waneanea nu waye bɛ fi tetetete, bɔ ɔnate Sunzum Krongron so wate bɛ nwo wama Yesu Kristo nwo sotie ɔne ye mogya nu anwopetenɛ ne: Adom ne asomdwee mmorosoɛ ɔyɛ ɛmɔ deɛ.

2 Yohane 1:3

Baba Nyameɛ ne Ɔwa Awurade Yesu Kristo bɛlo yɛ ná bɛ́ma yɛ asomdwee, ná bénwu yɛ anwumvoin wɔ nahorɛ ne ɔdɔ nu.