Numeri 6:20 - AHYERƐLƐ KRONGRON

²⁰ Odi kyɛ ɔsɔfo ne pagya nningyein nemɔ aso bɔ ɛnwahanɛ afɔleɛ wɔ AWURADE nyunu; bɛ ne ye sa bɔ bɛnwaha ne, ɔne ye gya bɔ bɛfa bɛbɔ afɔleɛ ne, bɛte krongron, ná ɔsɔfo bue deɛ ɛne. Ye si ye, nasiriteniɛ ne le ye nwo ate kyɛ ɔno nzaa ɔ.

Numeri 6:20 Iomraidhean Croise

Nworɛ Dwirɛhanɛniɛ 9:7

Yiti kɔ so, di w’aleɛ wɔ anigye nu, ná fa anwosɛpɛ no wɔ nzaa, ofikyɛ bɔ ɛyɔ ne, Nyameɛ ale ato nu dadadada.

Yesaya 25:6

Bokaa he aso yeɛ Asafo AWURADE kɔto poen kɔma maen amukoraa ɔ: Ɔkɔma bɛ aleɛ paa, nzaa paa, naen bɔ bowue nu fonyi wɔ nu, yeɛ nzaa bɔ basongyi so ɔ.

Yesaya 35:10

Bɛ bɔ AWURADE apɔ bɛ wafi ngoaasolɛ nu ne, bekosa bɛkɔwa, bɛkɔfa edweintolɛ yeɛ bɛkɔwa Sion ɔ, bekonya anigye bɔ olle ayieleɛ ɔ, bɛ nye kɔgye, bekoli ahurusi, na aworabɔlɛ ne yealɛlilɛ kotu komini.

Lewitikɔso 10:15

Ye sɔ bɔ bɛfa bɛbɔ afɔleɛ ne, ɔne ye sa bɔ bɛnwaha ne de, odi kyɛ bɛfa bɛboka ɛloe bɔ bɛfa see bɛyera bɛbɔ afɔleɛ ne aso bɛba, ná bɛfa bɛbɔ ɛnwahanɛ afɔleɛ wɔ AWURADE nyunu, na ɔkɔyɛ wɔ ne wɔ mma mɔ deɛ afebɔɔ, kyɛbɔ AWURADE ahyɛ ne.”

Lewitikɔso 23:11

Odi kyɛ ɔsɔfo ne nwaha taperɛ ne wɔ AWURADE nyunu, amaa ɔnate so AWURADE ale ɛmɔ ato nu. Sɛ afofikyẽa ne pɛ nu a, kyẽa bɔ ɔtoa so ne yeɛ odi kyɛ ɔsɔfo ne nwaha taperɛ ne ɔ.

Lewitikɔso 7:30

Odi kyɛ ɔfa afɔleɛ bɔ bɛfa see bɛbɔ bɛma AWURADE ne otira ba; odi kyɛ ɔfa ye loe ɔboka ye sa ne aso, ná ɔpagya ye sa ne maa ɔyɛ ɛnwahanɛ afɔleɛ wɔ AWURADE nyunu.

Lewitikɔso 7:31

Odi kyɛ ɔsɔfo ne yera ɛloe ne wɔ afɔleɛ bokyea ne aso. Nakoso kaka ne sa ne de, Aarɔn ne ye mma mmienzua mɔ bɛ deɛ ɔ.

Lewitikɔso 7:32

Na ye sɔ famaa ne de, odi kyɛ ɛmɔfa bɛma ɔsɔfo ne kyɛ akyɛdeɛ bɔ ofi ɛmɔ asomdwee afɔleɛ ne anu ɔ.

Lewitikɔso 7:34

Ofikyɛ ɛnwahanɛ afɔleɛ kaka sa ne, ɔne ye sɔ bɔ bɛfa bɛbɔ afɔleɛ ne, maye mafi Yisraelfoɛ asomdwee afɔleɛ ne anu, na mafa mama ɔsɔfo Aarɔn ɔne ye mma mmienzua mɔ kyɛ bɛ bue deɛ bɔ ofi Yisraelfoɛ berɛ afebɔɔ ɛne.

Lewitikɔso 9:21

Nakoso ye sa nemɔ ne ye sɔ famaa ne de, Aarɔn pagyale fa bɔle ɛnwahanɛ afɔleɛ wɔ AWURADE nyunu kyɛbɔ Mose hyɛle ne.

Sakaria 10:7

Efraim kɔyɛ kyɛ katakyie, na bɛ ti anu kɔyɛ bɛ fɛfɛɛfɛ kyɛ bano nzaa ɔ. Amba, bɛ mma konwu ye, na bekoli ahurusi, na bɛ ti anu kɔyɛ bɛ fɛfɛɛfɛ wɔ AWURADE nu.

Sakaria 9:15

Asafo AWURADE kɔbɔ bɛ nwo waen, bekoli ngonim, bekohwi bɛkɔfa taya nyɔboɛ so, bɛkɔno, na bɛkɔbɔ ese kyɛ ebiaa babobo ne, bɛ ko koyi kyɛ talie, kyɛ afɔleɛ bokyea ndweasoɛ nemɔ.

Sakaria 9:17

Ah, kyɛbɔ osi te paa ɔ, kyɛbɔ ye nwo si yɛ nyemene ɔ! Aburoo kɔma mmerandeɛ mɔ kɔyɛ tukutukuu, na nzaa monɛ koso kɔma ndaluwa kɔyɛ sɔ ala.

Numeri 18:18

Nakoso bɛ naen de, ɔte wɔ deɛ, kyɛbɔ ye sa bɔ banwaha ne, ɔne ye sɔ famaa ne te wɔ deɛ ne.

Numeri 5:25

Odi kyɛ ɔsɔfo ne de nungunɛhwenɛ aburoo afɔleɛ ne fi braa ne sa nu, ná ɔnwaha ye wɔ AWURADE nyunu, ná ɔfa ba afɔleɛ bokyea ne aso.

Numeri 6:21

Mmeraa he la berɛ ma nasiriteniɛ bɔ ɔkɔbɔ anohoba ɔ: ye afɔleɛ bɔ ɔfa ma AWURADE ne, odi kyɛ ɔbɔ ye kyɛbɔ nasiritefoɛ anohobabɔlɛ te ɔ, na odi kyɛ ɔfa nikyee bɔ ye nwo kɔsõ so ɔ ɔboka so. Anohoba biala bɔ ɔkɔbɔ ne, odi kyɛ ogyina nasiriteniɛyɛlɛ mmeraa so odi so.”

Mateo 26:29

Na mekã mekyire ɛmɔ kyɛ, ofi ɛnɛ bɔ ɔkɔ ɔ, mengɔno bobe nzaa he ko kodwu kyẽa bɔ me ne ɛmɔ yɛkɔno ye foforɛ wɔ me Baba ahennie nu ɔ.”

Marko 14:25

Nahorɛ nu, mekã mekyire ɛmɔ kyɛ, mengɔno bobe nzaa ko kɔpem kyẽa bɔ ngɔno ye foforɛ wɔ Nyameɛ ahennie ne anu ɔ.”

Yohane 19:30

Na Yesu lele nzaa kekarekekare ne nen, ɔhane kyɛ, “Mayie.” Na osili ye ti ase, na ɔhale nu.