Numeri 6:12 - AHYERƐLƐ KRONGRON

¹² ná otu ye nwo sie berɛ ma AWURADE mmerɛ biala bɔ ɔtɛ te nasiriteniɛ ɔ. Odi kyɛ ɔfa boaen nyii akrɔngrɔma ko bɔ wali afoɛ ko ɔbabɔ foɛlilɛ afɔleɛ. Mmerɛ daa bɔ olili moa tuli ye nwo siele berɛ mane AWURADE ne de, wayera wagua, ofikyɛ efiɛ hane ye ti bɔ ɔyɛle ye krongron ne.

Numeri 6:12 Iomraidhean Croise

Ɛksadɔso 12:5

Ɔsɛ kyɛ boaen akrɔngrɔma ne yɛ nyii bɔ wali afoɛ ko, bɔ ollili nnɛen ɔ. Ɔsɛ kyɛ ɛmɔsa nu bɛye bɛ befi mmoaen anaa mbɔngye nemɔ anu.

Hesekiel 18:24

Nakoso sɛ teneneeniɛ twe ye nwo fi ye tenenee nwo, ná ɔkɔbɔ amumuyɛɛ bra, ná ɔbɔ akyiwadeɛ bra mukoraa bɔ bɔnefoɛ bɛbɔ ne a, yiti okonya ngoa anaa? Ye tenenee bra bɔ wabɔ amukoraa, mengɔkaye. Na ɔnate ye nahorɛ bɔ wanni bɔ odi ye nwo foɛ, ɔne bɔne bɔ wayɔ ne ati, okowu.

Lewitikɔso 14:24

Odi kyɛ ɔsɔfo ne ɔfa foɛlilɛ boaen akrɔngrɔma ne, ɔne ngoo towaa ko, ná ɔpagya bɛ fa bɔ ɛnwahanɛ afɔleɛ wɔ AWURADE nyunu.

Lewitikɔso 5:6

ná ɔ́fa ye foɛlilɛ afɔleɛ ɔbrɛ AWURADE, ɔnate bɔne bɔ wayɔ ne ati. Odi kyɛ ɔfa boaen beleɛ anaa abɔngye beleɛ ɔbɔ foɛlilɛ afɔleɛ, na ɔsɔfo ne kɔsrɛ mbata kɔma ye, ɔnate ye bɔne ti.

Lewitikɔso 5:7

“Na sɛ ye nwo ngɔso boaen so a, ye de maa ɔfa mmorɔma nyɔ anaakyɛ mmorɔnoma buruwa nyɔ ɔɔbɔ foɛlilɛ afɔleɛ ɔma AWURADE, ɔnate bɔne bɔ wayɔ ne ati; odi kyɛ ɔfa ko ɔbɔ bɔne nwo afɔleɛ ná ɔfa ko koso ɔbɔ naen yeralɛ afɔleɛ.

Numeri 6:11

Odi kyɛ ɔsɔfo ne fa ko bɔ bɔne nwo afɔleɛ, ná ɔfa ko koso bɔ naen yeralɛ afɔleɛ, ná ɔpata ma ye, ofikyɛ ɔnate efuin ne ati wali fɔ. Odi kyɛ osa te ye ti ne anwo maa ɔyɛ krongron sɔ kyẽa ne ala,

Numeri 6:13

Sɛ mmerɛ bɔ nasiriteniɛ ne wafa watu ye nwo wasie berɛ wama AWURADE ne ɔba ayieleɛ a, ye nwo mmeraa ɛhe: odi kyɛ bɛfa ye bɛbagyina ɛtena sua atenaleɛ anoa nu berɛ.

Mateo 24:13

Nakoso bɔ okotindim koodwu ayieleɛ nen, ye yeɛ bekole ye ngoa ɔ.

Mateo 3:15

Yeɛ Yesu buale ye kyɛ, “Ma ate maa yɛyɔ ye sɔ kekesaala ye, na yɛyɔ bɔ Nyameɛ ahyehyɛ ne.” Yiti Yohane penene so.

Yakobo 2:10

Na sona bɔ okoli mmeraa ne aso, ná ɔkɔto nu komapɛ po nen, né wali ye mukoraati nwo fɔ.

2 Yohane 1:8

Ɛ́mɔnea ɛmɔ nwo yé, amaa bɔ ɛmɔafɛ banya ye ne wamvi ɛmɔ sa, na mmom ɛmɔanya ye nwo akatuaa mukoraa.