Numeri 5:9 - AHYERƐLƐ KRONGRON

⁹ Yisraelfoɛ akyɛdeɛ krongron ne amukoraa, nu biala bɔ bɛkɔfa bɛkɔbrɛ ɔsɔfo ne, ɔkɔyɛ ye deɛ.

Numeri 5:9 Iomraidhean Croise

Ɛksadɔso 29:28

Na sɔ nhyehyɛleɛ ne kɔla berɛ afebɔɔ kɔma Aarɔn ne ye mma mmienzua mɔ, kyɛ bekonya sɔ kyɛfa ne bekofi Yisraelfoɛ berɛ ɔ; ofikyɛ ɔte afɔleɛ bɔ Yisraelfoɛ bɛkɔye bekofi b’asomdwee afɔleɛ ne anu bɛkɔbɔ kɔma AWURADE ɔ.

Lewitikɔso 10:13

Odi kyɛ ɛmɔdi ye wɔ nekaa bɔ ɔte krongron ɔ, ofikyɛ afɔleɛ bɔ babɔ ye see so bama AWURADE ne, ɛne wɔ mma mɔ bɛ deɛ ɛne; sɔ yeɛ AWURADE ahyehyɛ ama me ɔ.

Lewitikɔso 10:14

Nakoso ye sa bɔ bɛnwaha ne, ɔne ye sɔ bɔ bɛfa bɛbɔle afɔleɛ ne, ɛ́mɔli ye wɔ nekaa bɔ berɛ te sannwuu ɔ. Ɛne wɔ mma mmienzua ne wɔ mma mmrasua mɔ yeɛ beli ɔ, ofikyɛ Yisraelfoɛ asomdwee afɔleɛ ne, ɛne wɔ mma mɔ, ɛmɔ deɛ bɔ ɔwɔ nu hɔ ɛne.

Lewitikɔso 10:15

Ye sɔ bɔ bɛfa bɛbɔ afɔleɛ ne, ɔne ye sa bɔ bɛnwaha ne de, odi kyɛ bɛfa bɛboka ɛloe bɔ bɛfa see bɛyera bɛbɔ afɔleɛ ne aso bɛba, ná bɛfa bɛbɔ ɛnwahanɛ afɔleɛ wɔ AWURADE nyunu, na ɔkɔyɛ wɔ ne wɔ mma mɔ deɛ afebɔɔ, kyɛbɔ AWURADE ahyɛ ne.”

Lewitikɔso 6:26

Ɔsɔfo bɔ ɔkɔbɔ bɔne nwo afɔleɛ ne yeɛ ɔsɛ kyɛ odi ɔ; óli ye wɔ nekaa bɔ ɔte krongron ɔ, wɔ ɛtena sua atenaleɛ aluo berɛ.

Lewitikɔso 7:32

Na ye sɔ famaa ne de, odi kyɛ ɛmɔfa bɛma ɔsɔfo ne kyɛ akyɛdeɛ bɔ ofi ɛmɔ asomdwee afɔleɛ ne anu ɔ.

Lewitikɔso 7:34

Ofikyɛ ɛnwahanɛ afɔleɛ kaka sa ne, ɔne ye sɔ bɔ bɛfa bɛbɔ afɔleɛ ne, maye mafi Yisraelfoɛ asomdwee afɔleɛ ne anu, na mafa mama ɔsɔfo Aarɔn ɔne ye mma mmienzua mɔ kyɛ bɛ bue deɛ bɔ ofi Yisraelfoɛ berɛ afebɔɔ ɛne.

Numeri 18:19

Afɔleɛ krongron amukoraa bɔ Yisraelfoɛ bɔ ma AWURADE ne, mafa mama wɔ ne wɔ mma mmienzua ne wɔ mma mmrasua mɔ. Ɔte ɛmɔ deɛ afebɔɔ. Ɔte ngyee apam afebɔɔ wɔ AWURADE nyunu ma wɔ ne wɔ bosofoɛ koso.”

Numeri 31:41

Ɛtoɔ ne, bɔ ɔte afɔleɛ ma AWURADE ne, Mose fa mane ɔsɔfo Eleasa, kyɛbɔ AWURADE hyɛle Mose ne.

Numeri 5:8

Sona bɔ bayɔ ye tɛɛ ne, sɛ wawu ná olle abusuaniɛ kaenn biala bɔ bɛkɔfa nikyee bɔ bɛfa besi ye gya nu ne bɛkɔma ye a, ye de sɔ nikyee ne te AWURADE deɛ, na odi kyɛ bɛfa bɛma ɔsɔfo ne. Mbata boaen nyii bɔ bɛkɔfa bɛkɔpata bɛkɔma sona bɔ wayɔ tɛɛ ne, bɛ́fa bɛ́boka so.

Deuteronomi 12:26

Nakoso wɔ ndoboa krongron bɔ ɔsɛ kyɛ ɛfa bɔ afɔleɛ ne, ɔne w’aboadeɛ afɔleɛ ne de, fa kɔ nekaa bɔ AWURADE kɔneanea nu kɔye kosie berɛ ne.