Numeri 5:27 - AHYERƐLƐ KRONGRON

²⁷ Sɛ ɔma braa ne no nzue ne yie, ná sɛ braa ne wafi ohu asi waagua ye nwo fiɛ a, ye de nzue bɔ ɛnomalɛ wɔ nu ne kowurawura ye nu kɔma ye nwo kotutu ye paa. Mogya kotu ye, ɔkɔpɔ baa, na ye mmenia mɔ konwu kyɛ ɔte sona bɔ AWURADE anoma ye ɔ.

Numeri 5:27 Iomraidhean Croise

Edwein 109:18

Ɔfale amoenwaa yɛle kyɛ ataadeɛ wurale, yiti maa ɔmeme hɔ ye nwonaen nu kyɛ nzue, kyɛ ngoo oowura ye mmowue nu.

Nworɛ Dwirɛhanɛniɛ 7:26

Na nwuni bɔ ye nwo yɛ suro tra ewue ɔ: Ye ole brasua bɔ ye adwene te ngaen ne ɛtɛen ɔ, bɔ ye sa te ngɔnzɔngɔnzɔ ɔ. Sona bɔ ɔsɔ Nyameɛ nye ne, ode ye nwo fi sɔ braa ne sa nu, nakoso bɔnefoɛ de, ɔtɔ braa ne ngaen nu.

Yesaya 65:15

Na me mmenia bɔ mapa nu maye bɛ ne, ɛmɔ dumaa bɔ ɛmɔkɔyakyi ye berɛ ne, ɔkɔyɛ b’amonwaa dwirɛ, na AWURADE Nyameɛ kohũhũ ɛmɔ; nakoso ye somvoɛ mɔ de, ɔkɔto bɛ dumaa foforɛ;

Yeremia 24:9

Na ngɔyakyi bɛ maa bɛkɔsoa bɛ bɛkɔhɔ aseɛ ye aso ahennie amukoraa so maa bekonwu amaneɛ, na ngɔmaa bɛkɔkakyi animguaseɛ nikye, anyandera dwirɛ, ngorohoɛ nikye ne ɛnomalɛ nikye wɔ nekaa amukoraa bɔ ngɔfoa bɛ ngoogua ne.

Yeremia 29:18

Ngɔfa ngrandɛ, ɛhɔen ne ewue anwonyerɛ ngogu bɛ so, na ngɔye me sa ngofi bɛ bo maa bɛkɔsesa bɛ bɛkɔhɔ aseɛ so ahennie amukoraa nu. Bɛkɔyɛ ɛnomalɛ nikye, anwodwiri nikye, esobilɛ nikye ne animguaseɛ nikye wɔ maen maen amukoraa bɔ mafoa bɛ mahɔ so nemɔ aso,

Yeremia 29:22

Na mmenia amukoraa bɔ bahye bɛ nnure bafi Yuda bahɔ Babilɔn ne, bɛkɔfa bɔ ɔtole sɔ mmenia nemɔ ne yeɛ bɛkɔyɛ amoenwaa dwirɛ kyɛ, “AWURADE ɔ́ma ɛyɛ kyɛ Sedekia ne Ahabo bɔ Babilɔn hene totone bɛ wɔ see nu ne,”

Yeremia 42:18

“Ofikyɛ Asafo AWURADE, Yisrael Nyameɛ nwa nyoo: Kyɛbɔ me yaafɛlɛ ne m’ahonehulɛ wale Yerusalemfoɛ so ne, sɔ ala yeɛ sɛ ɛmɔkɔ Misraim a, m’ahonehulɛ kɔwa ɛmɔ so ɔ. Ɛmɔkɔkakyi musue nikye, anwodwiri nikye, ɛnomalɛ nikye ne ngorohoɛ nikye; na ɛmɔ nye ngonwu wa ko.

Yeremia 44:12

Ngɔfa Yudafoɛ ngaa bɔ bayɛ b’adwene kyɛ bɛkɔ Misraim aseɛ so bɛkɔtena dɔ ne, ngɔhwe bɛ so, na bɛ mukoraa bekowuwu; bɛkɔtotɔ wɔ Misraim aseɛ so. Bɛkɔtotɔ ngrandɛ noa, na ɛhɔen kohũ bɛ maa bekowuwu, ofi kwahweabaa mɔ so bɔ ɔkwaadwu atitire mɔ so; bɛkɔtotɔ ngrandɛ noa, na ɛhɔen kohũ bɛ maa bekowuwu, na bɛkɔyɛ musue nikye, anwodwiri nikye, ɛnomalɛ nikye ne ngorohoɛ nikye.

Sakaria 8:13

O Yuda awuro ama ne Yisrael awuro ama, kyɛbɔ ɛmɔakakyi amoenwaa dwirɛ wɔ maen maen mɔ nu ne, sɔ ala yeɛ ngole ɛmɔ ngoa ɔ, na ɛmɔkɔyɛ saleɛ. Nnɛma ɛmɔsuro, na mmom ɛ́mɔmia ɛmɔ nye.”

Numeri 5:20

Nakoso sɛ afi ehu asi wɔ aberɛ bɔ etegya ye, sɛ agua wɔ nwo fiɛ bɔ bienzua foforɛ bɔ nna ehu ahɔ ɔ ɔne wɔ bala a,”

Numeri 5:28

Nakoso sɛ braa ne ogguale ye nwo fiɛ, ná mmom ye nwo te a, ye de hwee ngɔyɔ ye, na ɔkɔhora kɔwo baa.

Romanfoɛ 6:21

Daa bra bɔ ɛmɔbɔle ne, bɔ ɛnɛ ɔyɛ ɛmɔ nya ye, nzikyɛ mvasoɛ yeɛ ɛmɔnya befili nu ɔ? Sɔ nningyein nemɔ, b’ayieleɛ te ewue.

2 Korintofoɛ 2:16

Sɔ ayirefona ne te ewue pambaen bɔ ɔkɔ wue nu ma ebiemɔ; nakoso ebiemɔ de, ɔte ngoa fona bɔ ɔkɔ ngoa nu ɔ. Na nwa yeɛ ɔfata ɛhemɔ ɔ?

Deuteronomi 28:37

Maen maen mukoraati bɔ AWURADE kɔfa wɔ kɔhɔ so ne, bɔ ɔkɔto wɔ ne kɔyɛ bɛ nwanwa, na ɛmɔkɔkakyi berɛ ama mɔ bɛ noa nu anyandera ne ngorohoɛ dwirɛ.

2 Petro 2:10

nganga bɛ bɔ bedi anwoɔnaen akɔnnɔ fiɛ si, ná bebu tumililɛ animtia ɔ. Besi b’ahone, bedi bɛ ti piri, na benzuro kyɛ bɛkɔkekã dwirɛ bekotia animnyamfoɛ nemɔ ɔ.