Numeri 5:21 - AHYERƐLƐ KRONGRON

²¹ ye de ɔsɔfo ne, ɔ́ma braa ne ta ɛnomalɛ ndaen ne ná ɔha hyire braa ne kyɛ, ‘AWURADE ma ɛpɔ baa ná mogya tu wɔ maa ɔnate so wɔ mmenia mɔ benwu wɔ kyɛ AWURADE anoma wɔ, na ɛte akyiwadeɛ wɔ bɛ nu.

Numeri 5:21 Iomraidhean Croise

2 Aberɛso Dwirɛ 21:15

Na wɔ bɔbɔ deinn koso, koɛ anwonyerɛ kandinga kɔtɔ wɔ so, kɔpem kyɛ anwonyerɛ ne kɔma wɔ nyaa kɔhɔ so koturu daa biala ɔ.’ ”

Nehemia 10:29

bɛ ne bɛ nwo ama ne b’atitire mɔ bɛnomane bɛtale ndaen, kyɛ Nyameɛ mmeraa bɔ ɔnate ye somvoɛ Mose so ɔfa mane bɛ ne, bekoli so, kyɛ bekoli AWURADE, yɛ Mene ye mmeraa dwirɛ ne ye nhyehyɛleɛ ne ye ahyɛdeɛ amukoraa so.

Anyandera 10:7

Teneneeniɛ nwo ngayeɛ ɔte saleɛ, nakoso bɔnefoɛ de, ye dumaa komini.

Yesaya 65:15

Na me mmenia bɔ mapa nu maye bɛ ne, ɛmɔ dumaa bɔ ɛmɔkɔyakyi ye berɛ ne, ɔkɔyɛ b’amonwaa dwirɛ, na AWURADE Nyameɛ kohũhũ ɛmɔ; nakoso ye somvoɛ mɔ de, ɔkɔto bɛ dumaa foforɛ;

Yeremia 29:22

Na mmenia amukoraa bɔ bahye bɛ nnure bafi Yuda bahɔ Babilɔn ne, bɛkɔfa bɔ ɔtole sɔ mmenia nemɔ ne yeɛ bɛkɔyɛ amoenwaa dwirɛ kyɛ, “AWURADE ɔ́ma ɛyɛ kyɛ Sedekia ne Ahabo bɔ Babilɔn hene totone bɛ wɔ see nu ne,”

Numeri 5:27

Sɛ ɔma braa ne no nzue ne yie, ná sɛ braa ne wafi ohu asi waagua ye nwo fiɛ a, ye de nzue bɔ ɛnomalɛ wɔ nu ne kowurawura ye nu kɔma ye nwo kotutu ye paa. Mogya kotu ye, ɔkɔpɔ baa, na ye mmenia mɔ konwu kyɛ ɔte sona bɔ AWURADE anoma ye ɔ.

Mateo 26:74

Na Petro hyɛle ye bo lili amoen tale ndaen kyɛ, “Biaa ne, menze ye oo!” Na berɛ ne ala, akɔ bɔle.

Yosua 6:26

Sɔ mmerɛ ne, Yosua payele kyɛ, “Sona biala bɔ ɔkɔkyekye Yeriko kuro he bieku nen, AWURADE prápra musue ógua ye so; sɛ ɔ́to kuro ne fapem a, ɔkɔfa ye bamuɛbaa yeɛ ɔkɔpɛ so ɔ, yeɛ sɛ ótuatua ye pambim mɔ a, ɔkɔfa ye kasiɛ yeɛ ɔkɔpɛ so ɔ!”

1 Samuel 14:24

Yisraelfoɛ lili amia sɔ kyẽa ne, ofikyɛ Sɔɔlo tale ndaen guale koɛhonɛfoɛ nemɔ so kyɛ, “Ofi bekye bɔ ɔkwaadwu nɔsoa, kyɛ oodwu kyɛ ngɔtɔ me pɔfoɛ mɔ so wereɛ ne, ebiala bɔ okodidi ne, musue to ye.” Yiti koɛhonɛfoɛ nemɔ anu biala wamva aleɛ wanga ye noa.