Numeri 4:4 - AHYERƐLƐ KRONGRON

⁴ Kohatefoɛ mɔ, b’adwuma wɔ ɛtena sua atenaleɛ ne anu ole kyɛ bɛkɔnea nningyein krongron paa nemɔ aso.

Numeri 4:4 Iomraidhean Croise

1 Aberɛso Dwirɛ 23:6

Na Dawide boaboale Lewi boso ama nemɔ noa kure kure. Lewi mma nemɔ Gɛsɔm, Kohate ne Merari yeɛ ogyinane so boaboale bɛ noa kure kure ɔ.

Numeri 10:21

Yeɛ Kohatefoɛ bɔ bɛ yeɛ bɛsoa nningyein krongron ne, betuli bɛ bo, na Gɛsɔnfoɛ ne Merarifoɛ bɛhyehyɛle nyianu sua ne koraka yeɛ Kohatefoɛ bedwu berɛ ɔ.

Numeri 4:15

Sɛ Aarɔn ne ye mma mɔ bɛkata nekaa krongron ne ɔne nekaa krongron ne anu nningyein anwo beyie, ná sɛ mmenia ne betu bɛ bo befi asikyeleɛ berɛ a, odi kyɛ Kohatefoɛ basoa sɔ nningyein nemɔ. Nakoso onni kyɛ bɛ nwo ka nningyein krongron ne, ná banwu. Ɛhemɔ ole ɛtena sua atenaleɛ ne anu nningyein mɔ bɔ ɔsɛ kyɛ Kohatefoɛ mɔ bɛsoa ɔ.

Numeri 4:19

Na ɛhe yeɛ ɔsɛ kyɛ ɛmɔyɔ bɛma bɛ ɔ, amaa sɛ bɛba nningyein krongron paa nemɔ anwo a, banya ngoa ná banwuwu: Aarɔn ne ye mma yeɛ odi kyɛ bɛkɔ nekaa krongron ne anu ná bekokyire Kohatefoɛ bɛ nu biala ye adwuma bɔ ɔsɛ kyɛ ɔyɔ, ɔne nningyein bɔ ɔsɛ kyɛ ɔsoa ɔ.

Numeri 4:24

Ɛsɔnenɛ adwuma ɔne nningyein soalɛ ne, Gɛsɔnfoɛ bɛ deɛ bɔ ɔsɛ kyɛ bɛyɔ ɛhe:

Numeri 4:3

Ɛ́mɔha ebiala bɔ wali ofi afoɛ aburasa bɔ ɔkwaadwu aburannu, bɔ waso kyɛ ɔyɔ ɛtena sua atenaleɛ ne anu adwuma ɔ.

Numeri 4:30

Ka ebiala bɔ wali ofi afoɛ aburasa bɔ ɔkwaadwu afoɛ aburannu ɔ, bɔ waso kyɛ ɔyɔ ɛtena sua atenaleɛ ne anu adwuma ɔ.

Numeri 4:5

Sɛ mmerɛ dwu kyɛ ɛmɔtutu asikyeleɛ ne bɛkɔ a, odi kyɛ Aarɔn ne ye mma bɛkɔ ɛtena sua ne anu bɛkɔye mbɛmuɛ tena ne bɛfa bɛkyekye Adanzeɛ alaka ne anwo.

Numeri 7:9

Nakoso Kohatefoɛ de, wamma bɛ bie, ofikyɛ bɛ de, nningyein krongron bɔ owura bɛ sa ne, bɛsoa ye wɔ bɛ bati.

Marko 13:34

Ɔte kyɛ biaa bie bɔ otuli atee yakyili ye awuro berɛ, bɔ ɔfale ye awuro ne wurale ye ngoaa mɔ sa, bɔ ɔfale ebiala adwuma wura ye sa ngoko ngoko, ná ɔhyɛle anoa wɛmvoɛ ne kyɛ ɔwɛne ɔ.