Numeri 4:32 - AHYERƐLƐ KRONGRON

³² bonima mɔ bɔ bapɛ aluo berɛ amukoraa nwo bayia ne, bɛ nyinasoɛ, pɛmbɛen nemɔ, nyamaa nemɔ, ɔne bɛ nwo nningyein amukoraati, ɔne adwuma bɔ ɔboka so amukoraati. Na ɛ́mɔhyire ebiala nningyein bɔ odi kyɛ ɔsoa ɔ.

Numeri 4:32 Iomraidhean Croise

1 Aberɛso Dwirɛ 9:29

Berɛ bia ne poen nemɔ, ndalie krongron nemɔ amukoraa, esam paa ne, nzaa ne, ngoo ne, ayirefona ne nningyein fonafona nemɔ, so nealɛ ne, bɛfa bewurale sɔ mmenia nemɔ anu bie bɛ sa.

Ɛksadɔso 25:9

Nyianu sua ne, kyɛbɔ mebaahyire wɔ ne, sɔ ala yeɛ ɔsɛ kyɛ ɛmɔyɔ ye sɛso ne nu nningyein amukoraa pɛpɛɛpɛ ɔ.

Ɛksadɔso 27:9

“Yakyi aluo to berɛ wɔ nyianu sua ne anu. Fa nwera bɔ banwo, bɔ ye tendenn nu te agyirɛ ɛyaa ko nwi ye bue ko, wɔ ye ngwaen dɔ, wɔ ye famaa so.

Ɛksadɔso 38:17

Bonima nemɔ nyinasoɛ te kɔɔbere, nakoso bonima nemɔ bɛ ndɔkorɔ, ɔne bɔ ɔbeabea nu ne de, ɔte ɛdwetɛ. Besa bɛfale ɛdwetɛ bɛborole bɛ ti afia, na bɛfale ɛdwetɛ bɛborole aluo berɛ bonima mukoraati nwo.

Ɛksadɔso 38:21

Nyianu sua ne nwo nningyein ne, ye nwo ngondaa ɛhe: mekyire adanzeɛ ɛtena sua bɔ ɔsɔfo Aarɔn awa Yitama neane Lewifoɛ mɔ so maa bɛhyerɛ bɛtole berɛ, kyɛbɔ Mose hyɛle ne.

Numeri 3:36

Adwuma bɔ bɛfa bewurale Merari boso ama nemɔ sa ole kyɛ, bɛnea ɛhemɔ aso: nyianu sua ndaboa nemɔ, ye kwatena nemɔ, ye bonima nemɔ, ye nyinasoɛ, ɔne bɛ nwo nningyein amukoraati, ɔne adwuma biala bɔ ɔfa sɔ nningyein nemɔ anwo ɔ;

Numeri 3:8

Odi kyɛ bɛnea ɛtena sua atenaleɛ ne anu nningyein amukoraa so, ná begyina Yisraelfoɛ gya nu bɛyɔ nyianu sua ne anu adwuma bɛma bɛ.

Numeri 4:31

Na ɛhe yeɛ ɔte b’asɛdeɛ kyɛ bɛsoa ɔ. Ɛtena sua atenaleɛ ne anu nningyein amukoraa, bɔ odi kyɛ bɛsoa hɔ ɛhe: nyianu sua ndaboa nemɔ, ye kwatena nemɔ, ye bonima nemɔ, ye nyinasoɛ nemɔ,

Numeri 4:33

Ɛtena sua atenaleɛ nwo adwuma ne, Merarifoɛ mmusua mmusua ne b’adwuma amukoraa ɛne, na ɔsɔfo Aarɔn awa Yitama yeɛ odi kyɛ ɔnea bɛ so ɔ.

Numeri 4:49

Bɛfale ɛsɔnenɛ adwuma ahoroɔ ɔne nningyein soalɛ adwuma ahoroɔ bewurale bɛ sa, kyɛbɔ AWURADE nate Mose so hyɛle bɛ ne. Yiti Mose hale bɛ, kyɛbɔ AWURADE hyɛle ye ne.

Numeri 7:1

Kyẽa bɔ Mose sili nyianu sua ne yiele ne, ɔfale ɛpopalɛ ngoo popale ye, na ɔtele ye ne nu nningyein amukoraati nwo. Ɔfale ɛpopalɛ ngoo popale afɔleɛ bokyea ne, na ɔtele ye ne ye nwo nningyein amukoraati nwo.

Numeri 7:8

yeɛ ɔneane Merarifoɛ b’adwuma nwo mane bɛ teaseɛnam nna ne nandwie nyii mmɔtwɛ, na ɔsɔfo Aarɔn awa Yitama yeɛ né ɔnea Merarifoɛ nemɔ aso maa bɛyɔ b’adwuma ɔ.