Numeri 4:3 - AHYERƐLƐ KRONGRON

³ Ɛ́mɔha ebiala bɔ wali ofi afoɛ aburasa bɔ ɔkwaadwu aburannu, bɔ waso kyɛ ɔyɔ ɛtena sua atenaleɛ ne anu adwuma ɔ.

Numeri 4:3 Iomraidhean Croise

Gyenesise 41:46

Yosef hyɛle ye adwuma abo wɔ Misraim hene Faro ahemvie ne, né wali afoɛ aburasa. Na Yosef fili Faro awuro berɛ ɔɔpasale Misraim maen ne anu mukoraa.

2 Samuel 5:4

Dawide hyɛle ye bo lili hene ne, né wali afoɛ aburasa, na olili hene afoɛ aburanna.

1 Aberɛso Dwirɛ 6:48

B’eliɛma Lewifoɛ ngaa nemɔ de, bɛfale nyianu sua bɔ ɔte AWURADE awuro ne, nu adwuma ngaa amukoraa bewurale bɛ sa.

2 Aberɛso Dwirɛ 31:17

Bɛhyerɛle asɔfo nemɔ dumaa kyɛbɔ bɛ nana mɔ sasofoɛ te ɔ. Lewifoɛ bɔ bali ofi afoɛ aburanyɔ bɔ ɔkɔ ne, bɛhyerɛle bɛ dumaa kyɛbɔ b’adwuma bɔ owura bɛ sa ɔne b’asɔfo abusua si te ɔ.

Ɛsra 3:8

Beedwuli Nyameɛ awuro ne anwo wɔ Yerusalem nen, afoɛ nyɔ ne anu, ye bosome bɔ ɔtɔ so nyɔ ne anu, Sɛtiɛl awa Serubabɛl ne Yosadake awa Yesua bɛhyɛle sua ne silɛ bo. Bɛ ne Yisraelfoɛ ngaa ne, asɔfo mɔ ne Lewifoɛ mɔ, yeɛ ebiala bɔ ofili nnurehyelɛ nu wale Yerusalem ne. Bɛyele Lewifoɛ bɔ bali ofi afoɛ aburanyɔ bɔ ɔkɔ ɔ besiele berɛ kyɛ AWURADE awuro ne bɛnea ye silɛ so.

Numeri 1:3

ebiala bɔ ɔwɔ Yisrael, bɔ wali ofi afoɛ aburanyɔ bɔ ɔkɔ ɔ, bɔ ɔkora kɔ koɛ ne. Odi kyɛ ɛne Aarɔn yeɛ ɛmɔka bɛ koɛhonɛfoɛ kure kure ɔ.

Numeri 1:50

Na mmom, adanzeɛ ɛtena sua ne, nu nningyein amukoraa, ɔne ye nwo nikyee biala, odi kyɛ ɛye Lewifoɛ maa bɛnea so. Odi kyɛ bɛsoa nyianu sua ne, ɔne nu nningyein amukoraa, ná bɛ́nea so, ná bɛkyekye b’asikyeleɛ bɛ́pɛ ye nwo bɛbra beyia.

Numeri 16:9

Aso ɔte nikyee ba ma ɛmɔ, kyɛ Yisrael Nyameɛ waneanea Yisraelfoɛ nu waye ɛmɔ, ná wama ɛmɔ ate kyɛ ɛmɔbra ye nyunu bɛɛyɔ AWURADE nyianu sua ne anu adwuma, ná ɛmɔgyina maen ne anyunu bɛso bɛ ɔ?

Numeri 4:2

“Ɛ́mɔye Kohatefoɛ befi Lewifoɛ ngaa nemɔ anu ná ɛ́mɔha bɛ ngome. Bɛ mmusua mmusua ɔne bɛ nana mɔ saso yeɛ ɛ́mɔgyina so bɛha bɛ ɔ.

Numeri 4:23

Ka ebiala bɔ wali ofi afoɛ aburasa bɔ ɔkwaadwu afoɛ aburannu, bɔ waso kyɛ ɔyɔ ɛtena sua atenaleɛ ne anu adwuma ɔ.

Numeri 4:30

Ka ebiala bɔ wali ofi afoɛ aburasa bɔ ɔkwaadwu afoɛ aburannu ɔ, bɔ waso kyɛ ɔyɔ ɛtena sua atenaleɛ ne anu adwuma ɔ.

Numeri 4:35

Bɛhale ebiala bɔ wali ofi afoɛ aburasa bɔ ɔkwaadwu afoɛ aburannu, bɔ waso kyɛ ɔyɔ ɛtena sua atenaleɛ nu adwuma ɔ.

Numeri 4:4

Kohatefoɛ mɔ, b’adwuma wɔ ɛtena sua atenaleɛ ne anu ole kyɛ bɛkɔnea nningyein krongron paa nemɔ aso.

Numeri 4:47

bɛ bɔ bali ofi afoɛ aburasa bɔ ɔkwaadwu afoɛ aburannu, bɔ baso kyɛ bɛyɔ ɛtena sua atenaleɛ nu adwuma, ɔne kyɛ bɛsoa ɛtena sua atenaleɛ nwo nningyein nen,

Luka 3:23

Yesu hyɛle ye adwuma ne abo nen, né wali afoɛ kɔyɛ aburasa. Ye baba (kyɛbɔ né mmenia bede bedi ne) ye ole Yosef bɔ ɔse ole

1 Timoteo 1:18

Mma Timoteo, ahyɛdeɛ he yeɛ mefa mewura wɔ sa ɔ, kyɛbɔ ngɔm dwirɛ bɔ mmerɛ bie bɛhã bɛfale wɔ nwo ne ɔte ne, kyɛ ɔ́hyɛ wɔ nguraen, ná fa ko koɛ paa ne,

1 Timoteo 3:1

Edwirɛ nahorɛ ɛhe: Sɛ ebie kuro neafoɛ adwuma a, né wafa adwuma paa.

1 Timoteo 3:6

Ɔnzɛ kyɛ ɔyɛ sona bɔ ɔte gyidiniɛ foforɛ ɔ, ná wammoma ye nwo so ma wannya abɔnzam foɛbualɛ ne bie.