Numeri 4:20 - AHYERƐLƐ KRONGRON

²⁰ Nakoso nnɛma Kohatefoɛ mɔ bɛkɔ nekaa krongron ne anu bɛkɔnea nningyein krongron nemɔ le, amaa banwuwu.”

Numeri 4:20 Iomraidhean Croise

Ɛksadɔso 19:21

Na AWURADE sele Mose kyɛ, “Dwu kɔ aseɛnwo dɔ kɔbɔ mmenia ne kɔkɔ, ná bandra ɛwɛen ne bamma kyɛ bɛbaanea AWURADE, ná bɛ nu pee anwuwu.

Lewitikɔso 10:2

See fili AWURADE berɛ ɔɔyerale bɛ ná bɛtotɔle wɔ AWURADE nyunu.

Lewitikɔso 16:13

Afei odi kyɛ ɔfa ɛyɛɛ ne ogua see ne aso wɔ AWURADE nyunu, amaa mbata bia bɔ ɔwɔ Adanzeɛ ne aso ne, ɛyɛɛ nwosina ne akata so, ná wanwu.

Numeri 1:51

Sɛ mmerɛ dwu kyɛ ɛmɔtutu nyianu sua ne bɛkɔ a, odi kyɛ Lewifoɛ nemɔ yeɛ betutu ɔ. Na odwu ye silɛ so a, odi kyɛ Lewifoɛ mɔ besa bɛnea bɛhyehyɛ. Na sɛ ebiala bɔ nna Lewiniɛ ahɔ ɔ opingye ɛtena sua ne a, odi kyɛ beku ye.

Numeri 18:3

Odi kyɛ bɛso wɔ ná bɛyɔ ɛtena sua ne anu adwuma amukoraa. Nakoso onni kyɛ bepingye nekaa krongron berɛ nningyein nemɔ, anaakyɛ afɔleɛ bokyea ne, amaa ɔnate so bɛ ne ɛmɔ, ɛmɔanwuwu.

Numeri 4:15

Sɛ Aarɔn ne ye mma mɔ bɛkata nekaa krongron ne ɔne nekaa krongron ne anu nningyein anwo beyie, ná sɛ mmenia ne betu bɛ bo befi asikyeleɛ berɛ a, odi kyɛ Kohatefoɛ basoa sɔ nningyein nemɔ. Nakoso onni kyɛ bɛ nwo ka nningyein krongron ne, ná banwu. Ɛhemɔ ole ɛtena sua atenaleɛ ne anu nningyein mɔ bɔ ɔsɛ kyɛ Kohatefoɛ mɔ bɛsoa ɔ.

Numeri 4:19

Na ɛhe yeɛ ɔsɛ kyɛ ɛmɔyɔ bɛma bɛ ɔ, amaa sɛ bɛba nningyein krongron paa nemɔ anwo a, banya ngoa ná banwuwu: Aarɔn ne ye mma yeɛ odi kyɛ bɛkɔ nekaa krongron ne anu ná bekokyire Kohatefoɛ bɛ nu biala ye adwuma bɔ ɔsɛ kyɛ ɔyɔ, ɔne nningyein bɔ ɔsɛ kyɛ ɔsoa ɔ.

Numeri 4:21

Afei AWURADE sele Mose kyɛ,

Nyekyire 11:19

Afei bebukyele Nyameɛ asɔneyɛɛ sua ne wɔ nyameɛso, na benwuni ye apam alaka ne wɔ asɔneyɛɛ sua ne anu. Na agralaa tetele, komviɛ mɔ, ɔbobɔle nu kurudududu, aseɛ wosole, na asukɔtwea tɔle piri paa.

1 Samuel 6:19

Nyameɛ huni Bete Semesefoɛ nemɔ bie, ofikyɛ bɛneane AWURADE alaka ne anu. Ohuni maen ne anu mmenia aburasoo, na mmenia ne lili aworabɔlɛ, ofikyɛ AWURADE huni maen ne anu mmenia pee paa.