Numeri 4:15 - AHYERƐLƐ KRONGRON

¹⁵ Sɛ Aarɔn ne ye mma mɔ bɛkata nekaa krongron ne ɔne nekaa krongron ne anu nningyein anwo beyie, ná sɛ mmenia ne betu bɛ bo befi asikyeleɛ berɛ a, odi kyɛ Kohatefoɛ basoa sɔ nningyein nemɔ. Nakoso onni kyɛ bɛ nwo ka nningyein krongron ne, ná banwu. Ɛhemɔ ole ɛtena sua atenaleɛ ne anu nningyein mɔ bɔ ɔsɛ kyɛ Kohatefoɛ mɔ bɛsoa ɔ.

Numeri 4:15 Iomraidhean Croise

2 Samuel 15:24

Né Abiata, Sadoke, ɔne Lewifoɛ amukoraa bɔ bɛso Nyameɛ apam alaka ne, bɛ koso bɛboka bɛ so. Na besikyele alaka ne besiele berɛ toonn maa oodwuli kyɛ mmenia ne amu befili kuro ne anu bɛse bɛhɔle ɔ.

2 Samuel 6:13

Na bɛ bɔ bɛsõ AWURADE alaka ne, betuli bɛ gya nzia ne, Dawide fale nandwie ne nandwie sayɛɛ bɔle afɔleɛ.

1 Ahemvo 8:3

Yisrael mbanyi amukoraa bɛwale, na né asɔfo nemɔ bɛso apam alaka ne.

1 Aberɛso Dwirɛ 15:15

Na Nyameɛ alaka ne, Lewifoɛ bɛfale ye mbuna bɔ owurawura nu ne bɛtole bɛ kɔme anwo bɛsoale alaka ne, kyɛbɔ Mose gyinane AWURADE dwirɛ so fale ahyɛdeɛ mane bɛ ne ala.

1 Aberɛso Dwirɛ 15:2

Na Dawide fale ahyɛdeɛ mane bɛ kyɛ nnɛma ebiala soa Nyameɛ apam alaka ne, sana Lewifoɛ angome, ofikyɛ AWURADE atu bɛ asie berɛ kyɛ bɛsoa AWURADE alaka ne, na bɛsɔne wɔ ye nyunu afebɔɔ.

1 Aberɛso Dwirɛ 23:26

Yiti afei de, onhia kyɛ Lewifoɛ bɛsoa nyianu sua ne, anaa nikyee biala bɔ bɛfa bɛyɔ nu ɛsɔnenɛ adwuma ɔ,

Ɛksadɔso 19:12

To ɛwɛen fa bokaa ne anwo bɔ mmenia ne ngɔbɔ ngɔtra ɔ, ná ka kyɛ, ‘Ɛ́mɔnea yé ná ɛmɔamvo bangɔ bokaa ne aso, anaakyɛ ɛmɔandra ɛwɛen ne. Ebiala bɔ ɔkɔfa ye nwo kɔha bokaa ne nen, ɔsɛ kyɛ beku ye.

Ɛksadɔso 19:21

Na AWURADE sele Mose kyɛ, “Dwu kɔ aseɛnwo dɔ kɔbɔ mmenia ne kɔkɔ, ná bandra ɛwɛen ne bamma kyɛ bɛbaanea AWURADE, ná bɛ nu pee anwuwu.

Ɛksadɔso 27:7

Ma mbuna nemɔ béwurawura kɔtɔkaa nemɔ anu, amaa sɛ bɛsoa a, mbuna nemɔ awa afɔleɛ bokyea ne ye ngyɛnu ne ye ngyɛnu.

Lewitikɔso 16:13

Afei odi kyɛ ɔfa ɛyɛɛ ne ogua see ne aso wɔ AWURADE nyunu, amaa mbata bia bɔ ɔwɔ Adanzeɛ ne aso ne, ɛyɛɛ nwosina ne akata so, ná wanwu.

Numeri 1:50

Na mmom, adanzeɛ ɛtena sua ne, nu nningyein amukoraa, ɔne ye nwo nikyee biala, odi kyɛ ɛye Lewifoɛ maa bɛnea so. Odi kyɛ bɛsoa nyianu sua ne, ɔne nu nningyein amukoraa, ná bɛ́nea so, ná bɛkyekye b’asikyeleɛ bɛ́pɛ ye nwo bɛbra beyia.

Numeri 1:51

Sɛ mmerɛ dwu kyɛ ɛmɔtutu nyianu sua ne bɛkɔ a, odi kyɛ Lewifoɛ nemɔ yeɛ betutu ɔ. Na odwu ye silɛ so a, odi kyɛ Lewifoɛ mɔ besa bɛnea bɛhyehyɛ. Na sɛ ebiala bɔ nna Lewiniɛ ahɔ ɔ opingye ɛtena sua ne a, odi kyɛ beku ye.

Numeri 10:21

Yeɛ Kohatefoɛ bɔ bɛ yeɛ bɛsoa nningyein krongron ne, betuli bɛ bo, na Gɛsɔnfoɛ ne Merarifoɛ bɛhyehyɛle nyianu sua ne koraka yeɛ Kohatefoɛ bedwu berɛ ɔ.

Numeri 18:3

Odi kyɛ bɛso wɔ ná bɛyɔ ɛtena sua ne anu adwuma amukoraa. Nakoso onni kyɛ bepingye nekaa krongron berɛ nningyein nemɔ, anaakyɛ afɔleɛ bokyea ne, amaa ɔnate so bɛ ne ɛmɔ, ɛmɔanwuwu.

Numeri 3:38

Na bɛ bɔ odi kyɛ bɛkyekye b’asikyeleɛ wɔ nyianu sua ne nyunu, wɔ ye eyia afiteleɛ so yeɛ ole Mose ne Aarɔn ne Aarɔn mma mmienzua nemɔ. Nekaa krongron berɛ sɔnenɛ adwuma biala bɔ odi kyɛ bɛyɔ bɛma Yisraelfoɛ ne, bɛ yeɛ owura bɛ sa ɔ. Sɛ ebie mbaen pingye nekaa krongron ne a, odi kyɛ beku ye.

Numeri 4:14

ná bɛ́fa nningyein hemɔ amukoraati bɔ bɛfa bɛsɔne wɔ afɔleɛ bokyea ne aso ne begua so: ngukue bɔ bɛfa see begua nu ɔ, ateɛ anoa tworɔntworɔn nemɔ, sofi nemɔ, ayaa nemɔ, afɔleɛ bokyea ne aso nningyein amukoraati; bɛ́fa nwomaa paa ngatasoɛ bɛkata so, ná bɛ́fa ye mbuna nemɔ béwurawura nu.

Numeri 4:19

Na ɛhe yeɛ ɔsɛ kyɛ ɛmɔyɔ bɛma bɛ ɔ, amaa sɛ bɛba nningyein krongron paa nemɔ anwo a, banya ngoa ná banwuwu: Aarɔn ne ye mma yeɛ odi kyɛ bɛkɔ nekaa krongron ne anu ná bekokyire Kohatefoɛ bɛ nu biala ye adwuma bɔ ɔsɛ kyɛ ɔyɔ, ɔne nningyein bɔ ɔsɛ kyɛ ɔsoa ɔ.

Numeri 4:20

Nakoso nnɛma Kohatefoɛ mɔ bɛkɔ nekaa krongron ne anu bɛkɔnea nningyein krongron nemɔ le, amaa banwuwu.”

Numeri 7:9

Nakoso Kohatefoɛ de, wamma bɛ bie, ofikyɛ bɛ de, nningyein krongron bɔ owura bɛ sa ne, bɛsoa ye wɔ bɛ bati.

Deuteronomi 31:9

Afei Mose hyerɛle sɔ mmeraa he, na ɔfa mane asɔfo nemɔ, bɔ bɛte Lewi bosofoɛ bɔ bɛsoa AWURADE apam alaka ne, yeɛ afei Yisrael mbanyi amukoraati koso.

Yosua 4:10

Asɔfo mɔ bɔ né bɛsõ alaka nen, begyinane Yɔɔdan afia toonn, kɔpem kyɛ edwirɛ bɔ AWURADE hyɛle Yosua kyɛ ɔha hyire mmenia nen, mmenia ne yɔle ye mukoraati yiele ɔ, kyɛbɔ Mose hyɛle kyɛ Yosua ɔyɔ ne amukoraa. Na mmenia ne hane bɛ nwo bɛpɛle asue ne.

1 Samuel 6:19

Nyameɛ huni Bete Semesefoɛ nemɔ bie, ofikyɛ bɛneane AWURADE alaka ne anu. Ohuni maen ne anu mmenia aburasoo, na mmenia ne lili aworabɔlɛ, ofikyɛ AWURADE huni maen ne anu mmenia pee paa.