Numeri 4:12 - AHYERƐLƐ KRONGRON

¹² Odi kyɛ bɛsesa nningyein bɔ bɛfa bɛsɔne wɔ nekaa krongron berɛ ne amukoraa, ná bɛ́fa bégua ɛtena bibire nu. Bɛ́fa nwomaa paa ngatasoɛ bɛkata so, ná bɛ́fa bésie ye mbuna ne aso.

Numeri 4:12 Iomraidhean Croise

1 Aberɛso Dwirɛ 9:28

Né bɛ nu biemɔ adwuma ole kyɛ bɛnea ndalie bɔ bɛfa bɛyɔ ɛsɔnenɛ adwuma nemɔ aso. Ofikyɛ né sɛ bɛyeye ndalie nemɔ befite, anaa sɛ bɛsesa bekosie koso a, odi kyɛ bɛka.

1 Aberɛso Dwirɛ 9:29

Berɛ bia ne poen nemɔ, ndalie krongron nemɔ amukoraa, esam paa ne, nzaa ne, ngoo ne, ayirefona ne nningyein fonafona nemɔ, so nealɛ ne, bɛfa bewurale sɔ mmenia nemɔ anu bie bɛ sa.

2 Aberɛso Dwirɛ 4:11

Na Huram yɔle ngukue nemɔ, ateɛ anoa tworɔntworɔn nemɔ, yeɛ ayaa nemɔ. Yiti Nyameɛ awuro berɛ adwuma bɔ Huram yɔ mane Nana Solomon ne, ɔyɔ yiele.

2 Aberɛso Dwirɛ 4:16

Ngukue nemɔ, sofi nemɔ, ateɛ anoa tworɔntworɔn nemɔ, ɔne nningyein amukoraa bɔ adwiililɛ hene Huram yɔ mane Nana Solomon maa ɔfa siesiele AWURADE awuro berɛ ne, ɔfale kɔɔbere bɔ wahwi ye nwo hyɛmhyɛm yeɛ ɔyɔle ɔ.

2 Aberɛso Dwirɛ 4:19

Solomon yɔle nningyein amukoraa bɔ bɛwɔ Nyameɛ awuro ne. Bɛ ole: esikaa kɔkorɛ afɔleɛ bokyea ne, esikaa kɔkorɛ poen bɔ bɛfa paanoo krongron begua so ne,

2 Aberɛso Dwirɛ 4:22

esikaa kɔkorɛ paa akapɛ bɔ bɛfa bɛtengyɛtengyɛ kanea nyamaa noa nemɔ, esikaa kɔkorɛ paa ayaa nemɔ, esikaa kɔkorɛ paa ateɛ nemɔ, ɔne esikaa kɔkorɛ paa ngukue bɔ bɛfa see begua nu nemɔ. Asɔneyɛɛ sua nu berɛ anoa nemɔ, krongron nu krongron dɔ anoa nemɔ, yeɛ afei asɔneyɛɛ sua ne anyunu dɔ anoa nemɔ, ɔfale esikaa kɔkorɛ yeɛ ɔborole bɛ nwo ɔ.

Ɛksadɔso 25:5

mmoaen nyii nwomaa bɔ bawura ye ayire kɔkorɛ ɔ, abɔngye nwomaa, bɔsema,

Ɛksadɔso 25:9

Nyianu sua ne, kyɛbɔ mebaahyire wɔ ne, sɔ ala yeɛ ɔsɛ kyɛ ɛmɔyɔ ye sɛso ne nu nningyein amukoraa pɛpɛɛpɛ ɔ.

Ɛksadɔso 31:10

ndaadeɛ bɔ banwo ye nyemenenyemene nemɔ, ɔsɔfo Aarɔn ndaadeɛ krongron ne, ɔne ye mma nemɔ ndaadeɛ bɔ bɛkɔfa bekoli sɔfo ɔ,

Numeri 3:8

Odi kyɛ bɛnea ɛtena sua atenaleɛ ne anu nningyein amukoraa so, ná begyina Yisraelfoɛ gya nu bɛyɔ nyianu sua ne anu adwuma bɛma bɛ.

Numeri 4:11

Odi kyɛ bɛfa ɛtena bibire bɛsɛ afɔleɛ bokyea bɔ bafa sikaa kɔkorɛ bayɔ ne aso, ná bɛ́fa abɔngye nwomaa ngatasoɛ bɛ́kata so, ná bɛ́fa ye mbuna nemɔ bewurawura nu.

Numeri 4:13

Odi kyɛ betu nzoen ne befi afɔleɛ bokyea ne anu, ná bɛ́fa koogyan bɛ́sɛ afɔleɛ bokyea ne aso;

Numeri 4:6

Odi kyɛ bɛfa abɔngye nwomaa ngatasoɛ bɛkata so; bɛ́fa ɛtena bibire bɛ́sɛ so, ná bɛ́fa ye mbuna nemɔ bewurawura nu.

Numeri 4:7

Na paanoo krongron poen ne, odi kyɛ bɛfa ɛtena bibire bɛsɛ so, ná bɛ́fa ɛhemɔ bégua so: ndalie ne ɛyɛɛ kulie nemɔ, turonzemaa ne bua mɔ bɔ bɛkɔfa bekohwie afɔleɛ nzaa ɔ; odi kyɛ bɛfa daa biala paanoo ne koso bɛto so.

Numeri 4:9

Odi kyɛ bɛfa ɛtena bibire bɛkata ɛhemɔ anwo: kanea bakaa ne ɔne ye nganea nemɔ, akapɛ bɔ bɛfa bɛtengyɛtengyɛ kanea nyamaa ne noa ne, kanea nyamaa nzoen ndalie nemɔ, yeɛ ngoo ndowaa amukoraa bɔ behwie nu ngoo begua kanea ne anu ne.