Numeri 4:11 - AHYERƐLƐ KRONGRON

¹¹ Odi kyɛ bɛfa ɛtena bibire bɛsɛ afɔleɛ bokyea bɔ bafa sikaa kɔkorɛ bayɔ ne aso, ná bɛ́fa abɔngye nwomaa ngatasoɛ bɛ́kata so, ná bɛ́fa ye mbuna nemɔ bewurawura nu.

Numeri 4:11 Iomraidhean Croise

Ɛksadɔso 39:38

sikaa kɔkorɛ afɔleɛ bokyea ne, ɛpopalɛ ngoo ne, ayirefona ne, ɔne ɛtena bɔ onwi ɛtena sua anoa nu berɛ ne;

Ɛksadɔso 40:5

Sikaa kɔkorɛ afɔleɛ bokyea bɔ bɛyera ɛyɛɛ so ne, fa sie Adanzeɛ alaka ne nyunu, ná fa nyianu sua anoa nu berɛ tena ne nwi berɛ.

Numeri 4:10

Odi kyɛ bɛfa abɔngye nwomaa bɛkyekye kanea bakaa ne ɔne ye nwo nningyein amukoraati nwo, ná bɛ́fa bésie ndaboa bɔ bɛfa bɛsoa ɛtena sua ne aso.

Numeri 4:12

Odi kyɛ bɛsesa nningyein bɔ bɛfa bɛsɔne wɔ nekaa krongron berɛ ne amukoraa, ná bɛ́fa bégua ɛtena bibire nu. Bɛ́fa nwomaa paa ngatasoɛ bɛkata so, ná bɛ́fa bésie ye mbuna ne aso.

Numeri 4:6

Odi kyɛ bɛfa abɔngye nwomaa ngatasoɛ bɛkata so; bɛ́fa ɛtena bibire bɛ́sɛ so, ná bɛ́fa ye mbuna nemɔ bewurawura nu.

Nyekyire 8:3

Na abɔfo foforɛ bɔ otira sikaa kɔkorɛ ɛyɛɛ kulie ɔ oogyinane afɔleɛ bokyea ne anwo; na bɛmane ye ɛyɛɛ pee kyɛ ɔfa boka anwoteefoɛ amukoraa mbaeɛ so ɔbɔ afɔleɛ, wɔ sikaa kɔkorɛ afɔleɛ bokyea bɔ ɔwɔ ahennie bia ne nyunu ne aso.