Numeri 36:6 - AHYERƐLƐ KRONGRON

⁶ Edwirɛ bɔ AWURADE ka fa Selofehade mma mmrasua nemɔ nwo ɛhe: Bɛkɔhora bekogya biaa biala bɔ bɛ bɔbɔ bekuro ɔ; na mmom abusua bɔ ɔwɔ bɛ nana mɔ abusua kure ne anu yeɛ odi kyɛ begya nu biaa ɔ;

Numeri 36:6 Iomraidhean Croise

Gyenesise 24:3

na memaa ɛfa AWURADE, nyameɛso Nyameɛ ne aseɛ Nyameɛ ne ɛta ndaen kyɛ, Kanaanfoɛ bɔ nde bɛ nu wa ye, engogya bɛ nu brasua biala ngɔma mma ye.

1 Aberɛso Dwirɛ 23:22

Eleasa wuli bɔ wanwo baa bienzua ɔ, na mmom ɔwole mmrasua ngome. Na Kise mma mmienzua bɔ bɛte b’abusuafoɛ ne, begyigyale bɛ.

Numeri 27:7

“Edwirɛ bɔ Selofehade mma mmrasua nemɔ bɛka ne, ɔte turoloo. Odi kyɛ ɛma bɛ koso benya bɛ baba aliɛma mmienzua nemɔ b’aseɛ deɛ ne bie, amaa ɔnate so bɛ sa aha bɛ baba agyapadeɛ deɛ.

Numeri 36:12

Yosef awa Manase abusua kure ne, nu mmusua nemɔ anu mmienzua yeɛ begyigyale bɛ ɔ. Na b’aseɛ hale bɛ baba abusua nu wɔ abusua kure ne anu.

Numeri 36:5

Yeɛ Mose gyinane AWURADE dwirɛ so fale sɔ ahyɛdeɛ he mane Yisraelfoɛ kyɛ, “Edwirɛ bɔ Yosef boso ama nemɔ baha ne, ɔte nahorɛ.

2 Korintofoɛ 6:14

Nnɛma ɛmɔfa bɛ nwo bɛbɔ mmenia bɔ benne benni ɔ, ofikyɛ abiɛngoɛfalɛ beni yeɛ ɔla tenenee ne amumuyɛɛ b’afia ɔ? Anaakyɛ abiɛngoɛfalɛ beni yeɛ ɔla kanea ne awosii b’afia ɔ?