Numeri 35:6 - AHYERƐLƐ KRONGRON

⁶ Nguro bɔ ɛmɔkɔfa bɛkɔma Lewifoɛ ne, mmenia nwo adwaabɔlɛ nguro nzia nemɔ, bɔ ɛmɔkɔma sona bɔ wali awue ate maa ɔkɔɔbɔ ye nwo adwaa wɔ nu ne, odi kyɛ ɛmɔfa bɛboka so. Ɛ́mɔfa nguro aburanna ne nyɔ bɛ́boka so bɛma bɛ.

Numeri 35:6 Iomraidhean Croise

Edwein 9:9

AWURADE te anwoserɛ afealeɛ ma bɛ bɔ ebiemɔ hyɛ bɛ so ɔ, anwoserɛ afealeɛ wɔ amaneɛnwunɛ mmerɛ nu.

Ɛksadɔso 21:13

Nakoso sɛ wanhyɛ da yeɛ ohuni ye ɔ, na mmom Nyameɛ yeɛ ɔfale ye wurale ye sa a, ye de ngɔpena nekaa bɔ ɔkɔnwati kɔhɔ ɔ ngɔma wɔ.

Yesaya 4:6

Ɔkɔyɛ ɛtena sua bɔ eyia bɔ a nu te fɔnwoo ɔ, afealeɛ ne nekaa bɔ bɛbɔ bɛ nwo waen bɔ ɔmma mvrama piri ne esue nga bɛ ɔ.

Numeri 35:5

Kuro ne asi dɔ ne, ɛmɔsusu agyirɛ apee nyɔ wɔ eyia afiteleɛ, apee nyɔ wɔ ngwaen, apee nyɔ wɔ eyia atɔleɛ, yeɛ apee nyɔ wɔ sorɔ, maa kuro ne ɔla afia. Sɔ aseɛ ne kɔyɛ bɛ deɛ, na ɔkɔyɛ bɛ nguro nemɔ nwo aseɛ bɔ nyɛmmoa kodidi so ɔ.

Mateo 11:28

“Ɛmɔ amukoraa bɔ ɛmɔayɔ adwuma bafɛ ná bafa adesoa nonɛnonɛ basoa ɛmɔ ne, ɛmɔbra me berɛ, na ngɔmaa ɛmɔkole ɛmɔ nwome.

Hebrifoɛ 6:18

Yiti ɔnate nningyein nyɔ bɔ ɔnzesã, bɔ okyire kyɛ Nyameɛ ngɔhora ngɔpɛ ngondombo ne wamaa yɛ bɔ yanwati yaafea ye nu ne yanya nguraenhyɛlɛ mmorosoɛ, na yasɔ anyelasoɛ bɔ ɔla yɛ nyunu ne anu yé.

Yosua 21:13

Ɔsɔfo Aarɔn boso ama ne, bɛfale Hebron bɛmane bɛ. Ɔte mmenia bɔ bali awue nwo adwaabɔlɛ kuro, na ye nwo aseɛ bɔ nyɛmmoa didi so ɔ boka so. Besa bɛfale nguro hemɔ ne bɛ nwo aseɛ bɔ nyɛmmoa didi so ɔ bɛbokale bɛ so: Libina,

Yosua 21:21

Mmenia bɔ bali awue nwo adwaabɔlɛ kuro Sɛkem, bɔ ɔwɔ Efraim mmokaa aseɛ so ne, ɔne ye nwo aseɛ bɔ nyɛmmoa didi so ɔ yeɛ bɛfa bɛmane bɛ ɔ. Yeɛ bɛfale nguro hemɔ ne bɛ nwo aseɛ bɔ nyɛmmoa didi so ɔ bɛbokale bɛ so: Gɛsɛre,

Yosua 21:27

Gɛsɔn boso ama ne, bɛte Lewi mmusua mmusua ne anu ko. Bɛyele nguro hemɔ ne bɛ nwo aseɛ bɔ nyɛmmoa didi so ɔ befili Manase abusua kure ne bue nu bɛmane bɛ: Golan bɔ ɔte mmenia bɔ bali awue nwo adwaabɔlɛ kuro bɔ ɔwɔ Basan, yeɛ afei Beesetera. Bɛte nguro nyɔ.

Yosua 21:3

Yiti Yisraelfoɛ gyinane AWURADE noa dwirɛ ne aso, na bɛyele nguro hemɔ ne bɛ nwo aseɛ bɔ nyɛmmoa didi so ɔ befili b’agyapadeɛ nu bɛmane Lewifoɛ mɔ.

Yosua 21:32

Bɛyele nguro hemɔ ne bɛ nwo aseɛ bɔ nyɛmmoa didi so ɔ befili Nafetali abusua kure nu bɛmane bɛ: Kedese bɔ ɔte mmenia bɔ bali awue nwo adwaabɔlɛ kuro bɔ ɔwɔ Galilea, Hamote Dɔɔ, yeɛ Katan. Bɛte nguro nza.

Yosua 21:36

Bɛyele nguro hemɔ ne bɛ nwo aseɛ bɔ nyɛmmoa didi so ɔ befili Ruben abusua kure nu bɛmane bɛ: Besɛre, Yahasa,

Yosua 21:38

Bɛyele nguro hemɔ ne bɛ nwo aseɛ bɔ nyɛmmoa didi so ɔ befili Gade abusua kure nu bɛmane bɛ: Ramote bɔ ɔte mmenia bɔ bali awue nwo adwaabɔlɛ kuro bɔ ɔwɔ Gileade, Mahanaim,