Numeri 35:34 - AHYERƐLƐ KRONGRON

³⁴ Nnɛfa efiɛ ka aseɛ bɔ ɛte so, bɔ me koso nde so bie ne. Ofikyɛ me AWURADE, nde Yisraelfoɛ nu.”

Numeri 35:34 Iomraidhean Croise

1 Ahemvo 6:13

Me ne Yisraelfoɛ kɔtena, na mengɔyakyi me mmenia Yisraelfoɛ bɛ nu.”

Edwein 132:14

“Ɛwa yeɛ ɔte me nekaa bɔ mede me nwomeɛ ɔ afebɔɔ; ɛwa yeɛ ngɔtena ɔ, ofikyɛ mekuro ɛwa.

Edwein 135:21

AWURADE bɔ ɔte Yerusalem ne, animnyam hã ye wɔ Sion, Ɛ́mɔye AWURADE ayɛ!

Ɛksadɔso 25:8

Maa besi nekaa krongron bɛma me, ná matena b’afia.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yesaya 8:12

“Nikyee biala bɔ maen he frɛ ye ‘bɛ ti so porɛbɔlɛ’ nen, nnɛma ɛmɔfrɛ ye sɔ bie; yeɛ bɔ besuro ne koso, nnɛma ɛmɔsuro bie, yeɛ nnɛma ɛmɔsuro.

Yeremia 16:18

Na ngoli moa ngotua bɛ b’amumuyɛɛ ne bɛ bɔne so kerɛ mmɔhoɛ nyɔ, ofikyɛ bagua m’aseɛ nwo fiɛ, na bafa bɛ nningyein fiɛ ne b’akyiwadeɛ mɔ fuin bayi m’agyapadeɛ ne aso to.”

Hesekiel 35:10

“Na ɔnate kyɛ ɛhane kyɛ, ‘Maen nyɔ hemɔ ne aseɛ nyɔ hemɔ kɔyɛ me deɛ, na yɛkɔfa yɛkoli so,’ wɔ aberɛ bɔ né AWURADE wɔ berɛ ɔ,

Hosea 9:3

Bɛngɔtena AWURADE aseɛ ne aso, na mmom Efraim kosa kɔhɔ Misraim, na bekoli nningyein bɔ bɛ nwo nde ɔ wɔ Asiria.

Numeri 16:3

Bɛyɛle lɔen betiale Mose ne Aarɔn, na besele bɛ kyɛ, “Ɛmɔduo boɛ! Maen ne anu mmenia amu te krongron, ebiala te krongron, na AWURADE gyi bɛ si. Nzu ati yeɛ ɛmɔafo batena AWURADE mmenia kɔme so ɔ?”

Numeri 5:3

Kyɛ bienzua ahɔ oo, anaa brasua ahɔ oo, ɛ́mɔtu ye maa ɔhɔ asikyeleɛ ne asi dɔ. Onni kyɛ b’asikyeleɛ bɔ me ne bɛ yɛte nu ne, bɛfa efiɛ bɛka ye.”

Deuteronomi 21:23

nnɛyakyi ye fuin ne bakaa ne aso kɔngɔen ne amu. Sie ye sɔ kyẽa ne ala, ofikyɛ sona bɔ basinze ye bakaa so ne, Nyameɛ anoma ye. Yiti aseɛ bɔ AWURADE wɔ Nyameɛ ɔ́fa ma wɔ maa ɔyɛ w’agyapadeɛ ne, nnɛfa efiɛ ka ye.

Deuteronomi 21:8

AWURADE, yɛsrɛ wɔ ala, wɔ mmenia Yisraelfoɛ bɔ elele bɛ ne, kyikyi bɛ bɔne ne. Mogya bɔ odi be ne, nnɛprapra ye nwo foɛlilɛ gua wɔ mmenia Yisraelfoɛ so; na mmom fa mogya he nwo foɛlilɛ kyɛ bɛ.’

Deuteronomi 6:15

ofikyɛ AWURADE wɔ Nyameɛ bɔ ɔne wɔ nate ne, ɔte nungunɛ Nyameɛ. AWURADE wɔ Nyameɛ kɔfɛ wɔ so yaa piri paa, na okohu wɔ kokyikyi wɔ boso kofi aseɛ ye aso.

Nyekyire 21:27

Nakoso nikyee biala bɔ ye nwo nde, yeɛ bɔ ɔbɔ akyiwadeɛ bra, anaa bɔ ɔpɛ ngondombo ɔ de, ongowura nu; sana bɛ bɔ bahyerɛ bɛ dumaa wɔ Boaen Ba ne ngoa nwomaa ne anu angome.

Nyekyire 21:3

Na ndele kyɛ komviɛ piri bie fi ahennie bia ne anu ɔkã kyɛ, “Tie, Nyameɛ ɛtena sua ne ɔwɔ adasa mmaa nu, na ɔkɔtena nu wɔ bɛ nu, bɛkɔyɛ ye maen, na Nyameɛ bɔbɔ ɔne bɛ kɔtena, [ná wayɛ bɛ Nyameɛ.]”