Numeri 35:33 - AHYERƐLƐ KRONGRON

³³ Nnɛma ɛmɔfa efiɛ bɛka aseɛ bɔ ɛmɔte so ne, ofikyɛ mogya ma efiɛ ka aseɛ ne. Na mogya bɔ bɛkɔhã bekogua aseɛ ne aso ne, mbata biala ngɔhora ngɔte aseɛ ne anwo, sana sona bɔ waha sɔ mogya wagua ne, ye mogya ala.

Numeri 35:33 Iomraidhean Croise

Gyenesise 4:10

Na AWURADE sele kyɛ, “Nzikyɛ nikye yeɛ ayɔ ye? Eliɛma ne, ye mogya ɔteatea nu sũ frɛ me fi aseɛnwo.

Gyenesise 9:6

Sona biala bɔ ɔkɔha obiɛngo mogya kogua ne, ye wora sona yeɛ ɔkɔha ye mogya kogua ɔ, ofikyɛ Nyameɛ sɛso yeɛ ɔyɔle sona ɔ.

2 Samuel 21:9

na ɔfale bɛ wurale Gibeonfoɛ sa. Na Gibeonfoɛ bɔle mmenia nzoo ne bɛ kɔme wɔ bokaa ne aso wɔ AWURADE nyunu. Mmenia nzoo ne amukoraa, bewu bɛbɔle nu. Ayuo telɛ dwuli ne, bɛhyɛle ye bo kyɛ bɛte ne ala yeɛ behuni bɛ ɔ.

2 Samuel 3:29

Ye nwo foɛlilɛ kɔbɔ Yoabo ti so, ɔne ɔse abusuafoɛ bɛ ti so. Sona bɔ ye bienzua fiti, anaa kwataniɛ, anaa sayɛɛ, anaa bɔ ɔtɔ ngrandɛ noa, anaa bɔ ye noa aleɛ abɔ ye ne, ebie ngɔpa Yoabo awuro le!”

1 Ahemvo 2:31

Nana Solomon buale Benaya kyɛ, “Sɛ sɔ yeɛ Yoabo ahã de a, ye de ku ye, na sie ye. Na ɔnate so, mogya bɔ onni fɔ nakoso ɔhã guale ne, pa ye nwo musue fi me ne me baba abusuafoɛ so.

2 Ahemvo 23:26

Nakoso ɛhe amukoraa si ne, AWURADE yaa piri bɔ né wafɛ ye wɔ Yuda so ne, AWURADE ahone andɔ nzue nu, ɔnate nningyein amukoraa bɔ né Manase wayɔ wafa wahu AWURADE ahone ne ati.

2 Ahemvo 24:4

ɔne mogya bɔ odi be bɔ ɔhã guale ne ati. Ofikyɛ ɔhane mogya bɔ odi be ɔ guale wɔ Yerusalem nu amukoraa, na né AWURADE ayɛ ye adwene kyɛ ɔngɔfa sɔ bɔne ne ngɔhyɛ.

2 Aberɛso Dwirɛ 23:15

Yiti bɛhyele ye, na bɛfale ye bɛfale atee bɔ mbɔngɔ fa so bɛkɔ ahemvie berɛ ne aso, na berɛ yeɛ behuni ye ɔ.

Edwein 106:28

Afei bɛfale bɛ nwo bɛɛbɔle bosoen Baal Peɔ, na belili afɔleɛ mɔ bɔ babɔ bama awufoɛ ɔ.

Edwein 106:38

Bɛhane mogya bɔ onni fɔ ɔ beguale, bɔ ɔte bɛ mma mmienzua ne mmrasua bɛ mogya, bɔ bɛfa bɛbɔle afɔleɛ bɛmane Kanaan mmosoen mɔ ɔ; na mogya ne mane efiɛ hane aseɛ ne.

Yesaya 24:5

Efiɛ ahã aseɛ ye, so ama bɛ yɔleɛ ti, ofikyɛ bato mmeraa ne, batu ahyɛdeɛ ne bagua, yeɛ babu apam afebɔɔ ne aso.

Yesaya 26:21

Ofikyɛ AWURADE fi ye atenaleɛ berɛ ɔ́ba, kyɛ aseɛ so ama b’amumuyɛɛ ti ɔbaahwe bɛ so. Aseɛ kɔma mogya bɔ bahã bagua so ɔ nwo kɔla ali, na ɔngɔfa bɛ bɔ bahu bɛ wɔ so ne ngɔfea ko.

Yeremia 16:18

Na ngoli moa ngotua bɛ b’amumuyɛɛ ne bɛ bɔne so kerɛ mmɔhoɛ nyɔ, ofikyɛ bagua m’aseɛ nwo fiɛ, na bafa bɛ nningyein fiɛ ne b’akyiwadeɛ mɔ fuin bayi m’agyapadeɛ ne aso to.”

Yeremia 26:15

Na mmom, ɛ́mɔnwu ye kyɛ amba, sɛ ɛmɔku me a, mogya bɔ odi be ɔ yeɛ ɛmɔkɔmaa ɔkɔbɔ ɛmɔ bɔbɔ deinn, kuro he ɔne nu ama bɛ ti so ɔ. Ofikyɛ nahorɛ nu, AWURADE yeɛ ɔsomane me ɛmɔ berɛ kyɛ mmanga sɔ dwirɛ ye amukoraa ngyire ɛmɔ maa ɔhɔ ɛmɔ so anu ɔ.”

Lewitikɔso 18:25

Efiɛ hane aseɛ ne, maa yiti nduale ye amumuyɛɛ so kerɛ, na mmane aseɛ ne pole so mmenia.

Mika 4:11

Na afei koso, maen maen pee baboa bɛ noa badwɔso batia wɔ. Bɛnwa, “Yɛpena kyɛ ye nwo gua fiɛ, ná yɛbɔ yɛ nye afɔleɛ wɔ Sion amaneɛnwunɛ ne anwo.”

Numeri 35:32

Yeɛ sona bɔ wanwati wahɔ mmenia nwo adwaabɔlɛ kuro bie aso ne, onni kyɛ ɛmɔde mbata befi ye berɛ maa onya ate osa batena maen ne anu koraka né ɔsɔfo panyi ne awu.

Deuteronomi 19:10

Na ɛhe ngɔma bɛngɔhã mogya bɔ odi be bengogua aseɛ bɔ AWURADE wɔ Nyameɛ ɔ́fa ma wɔ maa ɔyɛ wɔ deɛ ne aso, ná anni mogya nwo fɔ.

Deuteronomi 19:13

Nnɛnwu ye anwumvoin; tu mogya bɔ odi be nwo foɛlilɛ bo fi Yisrael, ná wayie wɔ yé.

Deuteronomi 21:23

nnɛyakyi ye fuin ne bakaa ne aso kɔngɔen ne amu. Sie ye sɔ kyẽa ne ala, ofikyɛ sona bɔ basinze ye bakaa so ne, Nyameɛ anoma ye. Yiti aseɛ bɔ AWURADE wɔ Nyameɛ ɔ́fa ma wɔ maa ɔyɛ w’agyapadeɛ ne, nnɛfa efiɛ ka ye.

Maenbulɛfoɛ 9:24

Ɛhe sili, amaa ehunɛ bɔ behuni Yerubaal mma mmienzua aburasoo nemɔ ne, banya ye nwo akatuaa; amaa b’eliɛma Abimɛlɛke bɔ ohuni bɛ ne, ɔne Sɛkem mbanyi bɔ begyinane ye si maa ohuni oliɛma nemɔ ne, bɛ mogya abɔ bɛ ti so.