Numeri 35:30 - AHYERƐLƐ KRONGRON

³⁰ “Sɛ ebie ku obiɛngo a, odi kyɛ begyina adanzefoɛ noa dwirɛ so beku kodiawuniɛ ne bie; nakoso onni kyɛ begyina adanzeniɛ komapɛ noa dwirɛ so beku ebiala.

Numeri 35:30 Iomraidhean Croise

Ɛksadɔso 21:12

“Ebiala bɔ ɔkɔbɔ obiɛngo maa okowu nen, ye wora bekohu ye bie.

Lewitikɔso 24:17

Ebiala bɔ okoli awue ne, odi kyɛ beku ye bie.

Numeri 35:16

Nakoso sɛ ebie fa buralɛ bɔ obiɛngo maa owu a, ɔte kodiawuniɛ, na odi kyɛ beku ye bie.

Numeri 35:31

Afei koso, kodiawuniɛ bɔ ɔfata ewue ne, onni kyɛ ɛmɔde mbata bɛfa bɛsesã ye ngoa; odi kyɛ beku kodiawuniɛ.

Mateo 18:16

Nakoso sɛ wandie a, fa sona ko anaa nyɔ boka wɔ nwo so, kyɛbɔ ɔkɔyɛ bɔ mmenia nyɔ anaa nza kɔyɛ edwirɛ ne nwo adanzefoɛ ɔ.

Yohane 7:51

“Yɛ mmeraa ne, aso obua sona foɛ, wɔ aberɛ bɔ yɛttiele ye noa dwirɛ ná yɛnnwuni bɔ wayɔ ɔ?”

2 Korintofoɛ 13:1

Meba ɛmɔ berɛ he a, né ye pɛen nza so ɛne. Na kwaadu biala, odi kyɛ benya adanzefoɛ nyɔ anaa nza noa dwirɛ bɛfa bɛfoa so.

Deuteronomi 19:15

“Sɛ bɛbɔ ebie kwaadu kyɛ wayɔ amumuyɛɛ, anaa wayɔ bɔne bie, ná sɛ edwirɛ ne nwo danzeniɛ te komapɛ twe a, ye de bɛngora mmua sona bɔ babɔ ye kwaadu ne foɛ. Sana mmenia nyɔ anaa nza adanzeɛ yeɛ ɔsɛ kyɛ begyina so bebua edwirɛ ɔ.

Deuteronomi 27:24

“ ‘Musue tó sona biala bɔ ɔkɔfea ye nwo kohũ obiɛngo ɔ.’ Na mmenia ne amukoraa kosuro so kyɛ, ‘Amen!’

1 Timoteo 5:19

Sɛ ebie bɔ asɔre panyi bie kwaadu a, nnede to nu, sana ate afi adanzefoɛ nyɔ anaa nza noa.

Hebrifoɛ 10:28

Sɛ ebie to Mose mmeraa ne ná mmenia nyɔ anaa nza di adanzeɛ tia ye a, bɛfa anwumvoin bɛto ahameɛ beku ye.

Nyekyire 11:3

Na ngɔma m’adanzefoɛ nyɔ bɛkɔhera ɛsɛen tena bɛkɔhyɛ ngɔm ngyẽa apee ko ɛyaa nyɔ ne aburasia.”