Numeri 35:3 - AHYERƐLƐ KRONGRON

³ Nguro nemɔ kɔyɛ b’atenaleɛ, na nguro nemɔ nwo aseɛ ne, so yeɛ bɛ nandwie mɔ, bɛ nyɛmmoa ne bɛ ngaka amukoraa bekodidi ɔ.

Numeri 35:3 Iomraidhean Croise

2 Aberɛso Dwirɛ 11:14

Lewifoɛ nemɔ yakyili b’aseɛ ne b’agyapadeɛ mɔ berɛ bɛwale Yuda ne Yerusalem, ofikyɛ Yeroboam ne ye mma mmienzua nemɔ, bamma bɛ ate maa banyɔ AWURADE asɔfo adwuma ne.

Hesekiel 45:2

Sɔ aseɛ ne aso ala, aseɛ ahinanan bɔ ye tendenn nu te agyirɛ ɛyaa nnu, bɔ ye tɛtrɛtɛɛ nu koso sɔ ala ɔ, yeɛ ɔkɔyɛ nekaa krongron ne ɔ. Ma aseɛ bɔ ye piri te agyirɛ aburannu ɔ ɔla ye nwo bra yia.

Numeri 35:2

“Fa ahyɛdeɛ he ma Yisraelfoɛ kyɛ, b’agyapadeɛ bɔ bɛ sa aha ye ne, bɛ́neanea nu bɛ́yeye nguro bɛ́ma Lewifoɛ mɔ maa bɛtena so. Afei koso, odi kyɛ ɛmɔfa Lewifoɛ bɛ nguro nemɔ nwo aseɛ bɛma bɛ ma bɛ nyɛmmoa didi so.

Numeri 35:4

Nguro nemɔ nwo aseɛ bɔ nyɛmmoa kodidi so, bɔ ɛmɔkɔfa bɛkɔma Lewifoɛ ne, odi kyɛ ɔhyɛ ye bo fi kuro berɛ fasue ne, ná ɔtrɛ kɔ agyirɛ apee ko ɔpɛ ye nwo bra yia.

Deuteronomi 18:6

“Sɛ Lewiniɛ bie tu ye bo fi wɔ nguro nemɔ bie aso, nekaa bɔ ɔte wɔ Yisrael ne, ná mmerɛ biala bɔ okuro ne ɔba nekaa bɔ AWURADE kɔneanea nu kɔye kosie berɛ ne a,

Yosua 21:11

Bɛfale Kiriate Aba (Aba te Anake baba) bɔ besa bɛfrɛ ye Hebron ne, ɔne ye nwo aseɛ bɔ nyɛmmoa didi so ɔ bɛmane bɛ. Ɔwɔ Yuda mmokaa aseɛ ne aso.