Numeri 35:25 - AHYERƐLƐ KRONGRON

²⁵ Na maen ne kole sona bɔ wali awue ne kofi wereɛtɔlɛniɛ ne sa nu. Afei maen ne kɔfa sona bɔ wali awue ne kɔhɔ mmenia nwo adwaabɔlɛ kuro bɔ ɔnwati hɔle nu ne aso. Sona bɔ wali awue ne kɔtena kuro ne aso kɔpem kyɛ ɔsɔfo panyi bɔ bapopa ye ngoo krongron ne okowu ɔ.

Numeri 35:25 Iomraidhean Croise

2 Samuel 14:14

Ewue de, yɛ mukoraa yɛkowu. Yɛte kyɛ nzue bɔ bahwie bagua ase, bɔ bɛsesa a ɔnyɛ yé ɔ. Nyameɛ de, ɔnga mogya ngua, na mmom ebiala bɔ ɔne ye b’afia atete ne, ole nhyehyɛleɛ bɔ ɔnate so osa twe ye bata ye nwo ɔ.

Ɛksadɔso 29:7

Fa ɛpopalɛ ngoo ne, hwie gua ye ti so, ná fa popa ye ti so.

Lewitikɔso 21:10

“Ɔsɔfo panyi paa, bɔ ye yeɛ bahwie ɛpopalɛ ngoo bagua ye ti so, ná bate ye nwo kyɛ ówura asɔfo ndaadeɛ ne, onni kyɛ ɔma ye ti nwiaa gua so basaa, yeɛ nnɛmaa osunzua ye ndaadeɛ nu.

Lewitikɔso 4:3

sɛ ɔsɔfo bɔ bapopa ye ngoo yeɛ ɔyɔ bɔne, ná ɔnate so ɔfa foɛbualɛ ba maen ne aso a, ɔnate bɔne bɔ wayɔ ne ati, odi kyɛ ɔfa nandwie nyii akrɔngrɔma bɔ ollili nnɛen biala ɔ ɔbɔ bɔne nwo afɔleɛ ma AWURADE.

Lewitikɔso 8:12

Ohwiele ɛpopalɛ ngoo ne bie guale Aarɔn ti afia na ɔpopale ye ngoo fa tele ye nwo.

Numeri 35:24

ye de maen ne kogyina nhyehyɛleɛ hemɔ aso koli sona bɔ wali awue ne ɔne wereɛtɔlɛniɛ ne b’afia dwirɛ.

Numeri 35:26

Nakoso sona bɔ wali awue ne, sɛ ofi mmenia nwo adwaabɔlɛ kuro ne anu fite mmerɛ biala,

Numeri 35:28

Ofikyɛ, odi kyɛ sona bɔ wali awue ne, ɔtena mmenia nwo adwaabɔlɛ kuro ne anu kɔpem kyɛ ɔsɔfo panyi ne kowu ɔ. Nakoso ɔsɔfo panyi ne wue si de, sona bɔ wali awue ne, ɔkɔhora kosa kɔhɔ ye kuro.

Yosua 20:6

Odi kyɛ sona bɔ wali awue ne tena kuro ne anu kɔpem kyɛ bekoli ye dwirɛ badwa nu bekobua ye be ɔ. Bebua ye be a, ɔkɔtena berɛ toonn kɔpem kyɛ sɔ mmerɛ ne anu ɔsɔfo panyi paa ne kowu ɔ. Na ɛhe asi ye, ɔkɔhora kosa kɔhɔ ye awuro, wɔ kuro bɔ ɔnwatili fili so ne aso.’ ”