Numeri 35:24 - AHYERƐLƐ KRONGRON

²⁴ ye de maen ne kogyina nhyehyɛleɛ hemɔ aso koli sona bɔ wali awue ne ɔne wereɛtɔlɛniɛ ne b’afia dwirɛ.

Numeri 35:24 Iomraidhean Croise

Numeri 35:12

Sɔ nguro nemɔ, ɛmɔkɔfa bɛkɔbɔ ɛmɔ nwo waen bekofi wereɛtɔlɛniɛ ne sa nu. Ɛhe kɔmaa bengohu sona bɔ wali awue ne wɔ aberɛ bɔ bennya bellili ye dwirɛ wɔ badwa nu ɔ.

Numeri 35:23

anaakyɛ otira nyɔboɛ bɔ ɔkora di awue, na ɔyakyi nu to ebie so maa owu wɔ aberɛ bɔ wanhyɛ da a, ɔwɔ nu kyɛ bɛmbɔ bɛ nwo bɔ adwene tɛɛ biala ɔnne ye ti anu a,

Numeri 35:25

Na maen ne kole sona bɔ wali awue ne kofi wereɛtɔlɛniɛ ne sa nu. Afei maen ne kɔfa sona bɔ wali awue ne kɔhɔ mmenia nwo adwaabɔlɛ kuro bɔ ɔnwati hɔle nu ne aso. Sona bɔ wali awue ne kɔtena kuro ne aso kɔpem kyɛ ɔsɔfo panyi bɔ bapopa ye ngoo krongron ne okowu ɔ.

Yosua 20:6

Odi kyɛ sona bɔ wali awue ne tena kuro ne anu kɔpem kyɛ bekoli ye dwirɛ badwa nu bekobua ye be ɔ. Bebua ye be a, ɔkɔtena berɛ toonn kɔpem kyɛ sɔ mmerɛ ne anu ɔsɔfo panyi paa ne kowu ɔ. Na ɛhe asi ye, ɔkɔhora kosa kɔhɔ ye awuro, wɔ kuro bɔ ɔnwatili fili so ne aso.’ ”