Numeri 35:2 - AHYERƐLƐ KRONGRON

² “Fa ahyɛdeɛ he ma Yisraelfoɛ kyɛ, b’agyapadeɛ bɔ bɛ sa aha ye ne, bɛ́neanea nu bɛ́yeye nguro bɛ́ma Lewifoɛ mɔ maa bɛtena so. Afei koso, odi kyɛ ɛmɔfa Lewifoɛ bɛ nguro nemɔ nwo aseɛ bɛma bɛ ma bɛ nyɛmmoa didi so.

Numeri 35:2 Iomraidhean Croise

1 Aberɛso Dwirɛ 13:2

Na Dawide sele Yisrael maen ne amukoraa kyɛ, “Sɛ ɛmɔkuro, ná AWURADE me Nyameɛ pene so a, ye de y’eliɛma mɔ Yisraelfoɛ bɔ bɛwɔ maen ye nekaa biala, asɔfo ne Lewifoɛ bɔ bɛwowɔ nguro bɔ aseɛ bɔ nyɛmmoa didi so la ye nwo ne, ɛ́mɔma yɛto bɛ ngraa, maa bɛɛboka yɛ so.

2 Aberɛso Dwirɛ 11:14

Lewifoɛ nemɔ yakyili b’aseɛ ne b’agyapadeɛ mɔ berɛ bɛwale Yuda ne Yerusalem, ofikyɛ Yeroboam ne ye mma mmienzua nemɔ, bamma bɛ ate maa banyɔ AWURADE asɔfo adwuma ne.

2 Aberɛso Dwirɛ 31:19

Na Aarɔn boso ama bɔ bɛ yeɛ bɛte asɔfo, bɔ né bɛtete aseɛ bɔ wapɛ bɛ nguro nemɔ anwo bayia ne aso ne, mmenia bɔ babɔ bɛ dumaa bafa adwuma ne bawura bɛ sa ne, né odi kyɛ bɛkyɛ nningyein ne bie bɛma asɔfo nemɔ anu bienzua biala ɔne Lewiniɛ biala bɔ bahyerɛ ye dumaa ɔ.

Nehemia 13:10

Afei koso nwuni kyɛ Lewifoɛ nemɔ bɛ bue deɛ bɔ odi kyɛ bɛfa bɛma bɛ ne, saa bɛmva bɛmma bɛ. Ɔnate ye sɔ ti, né Lewifoɛ nemɔ ne edweintolɛfoɛ nemɔ bɔ odi kyɛ bɛyɔ ɛsɔnenɛ adwuma ne, basa baatenatena bɛ namue nemɔ anu bɛyɛ eboo.

Hesekiel 48:22

Yiti Lewifoɛ b’aseɛ ne kuro berɛ aseɛ ne, bɛkɔla ɛhene n’aseɛ deɛ n’afia. Na ɛhene ne, ye aseɛ deɛ kɔla Yuda wɛen ne Benyamin wɛen deɛ b’afia.

Hesekiel 48:8

“Bɔ ɔtoa Yuda aseɛ deɛ aso, ofi eyia afiteleɛ so kodwu eyia atɔleɛ so ne, ɔte aseɛ bɔ odi kyɛ ɛmɔpɛ bɛto berɛ ɔ. Odi kyɛ ye tɛtrɛtɛɛ nu yɛ agyirɛ apee aburanyɔ ne nnu. Yeɛ ye tendenn nu, ofi eyia afiteleɛ kodwu eyia atɔleɛ so ne, odi kyɛ ɔne abusua biala ye aseɛ deɛ bɛyɛ pɛ; na ye afia berɛ yeɛ nekaa krongron ne kɔwa ɔ.

Numeri 35:1

Moabo aseɛ frɛtɛɛ ne aso, wɔ asue Yɔɔdan bue nu dɔ bɔ opingye Yeriko ne, berɛ yeɛ AWURADE sele Mose kyɛ,

Numeri 35:3

Nguro nemɔ kɔyɛ b’atenaleɛ, na nguro nemɔ nwo aseɛ ne, so yeɛ bɛ nandwie mɔ, bɛ nyɛmmoa ne bɛ ngaka amukoraa bekodidi ɔ.

Deuteronomi 18:6

“Sɛ Lewiniɛ bie tu ye bo fi wɔ nguro nemɔ bie aso, nekaa bɔ ɔte wɔ Yisrael ne, ná mmerɛ biala bɔ okuro ne ɔba nekaa bɔ AWURADE kɔneanea nu kɔye kosie berɛ ne a,