Numeri 35:19 - AHYERƐLƐ KRONGRON

¹⁹ Wereɛtɔlɛniɛ ne yeɛ odi kyɛ oku kodiawuniɛ ne ɔ. Sɛ wereɛtɔlɛniɛ ne nwu kodiawuniɛ ne a, odi kyɛ oku ye.

Numeri 35:19 Iomraidhean Croise

Gyenesise 4:14

Ɛnɛ afoa me afi aseɛ ye aso, ngɔfa me nwo ngɔfea wɔ. Ngɔyɛ kobɔniɛ bɔ nnne amandena wɔ aseɛ ye aso ɔ, na ebiala bɔ okonwu me ne, okohu me.”

2 Samuel 14:11

Na braa ne sele kyɛ, “Nana, fa AWURADE wɔ Nyameɛ ta ndaen, bɔ ɔnate so wereɛtɔlɛniɛ ne ɔngɔhã mogya ko ngogua ɔ, amaa ɔnate so mma ne anya ye ti wadidi nu.” Na Dawide sele kyɛ, “Kyɛ AWURADE te ase ye, ɛwa ne, ye ti nwiaa ko po ngotu ngɔtɔ ase.”

2 Samuel 14:7

Na abusua ne amukoraa badwɔso w’afaneɛ so kyɛ, ‘Ko bɔ wabɔ oliɛma wahũ ye ne, ye ye bra ma yɛhu ye bie yɛtua kerɛ, ɔmva ye nwo kyɛ koliagyaa ne yeɛ yɛku ye yɛfi berɛ ɔ.’ Nana, bɛpena kyɛ benua me gyetia ko bɔ waha ne, na ɛhe kɔma me hu dumaa anaa ye boso konunu kofi aseɛ ye aso.”

2 Samuel 3:27

Abenɛ sa wale Hebron nen, Yoabo ne ye bɛhɔle kuro berɛ pambim ne ahameɛ, kyɛ ɔne ye bɛkwaatu asure. Na Yoabo wɔle Abenɛ kunu dadeɛ huni ye, ɔnate kyɛ né Abenɛ aha Yoabo aliɛma Asahel mogya wagua.

2 Samuel 3:30

Yoabo ne oliɛma Abisae behuni Abenɛ, ofikyɛ ohuni b’eliɛma Asahel wɔ Gibeon koɛ ne anu.

Numeri 35:12

Sɔ nguro nemɔ, ɛmɔkɔfa bɛkɔbɔ ɛmɔ nwo waen bekofi wereɛtɔlɛniɛ ne sa nu. Ɛhe kɔmaa bengohu sona bɔ wali awue ne wɔ aberɛ bɔ bennya bellili ye dwirɛ wɔ badwa nu ɔ.

Numeri 35:18

Anaakyɛ, ebiala bɔ ɔkɔfa bakaa bɔ ɔte akodeɛ kɔbɔ obiɛngo maa okowu ne, ɔte kodiawuniɛ, na odi kyɛ beku ye bie.

Numeri 35:20

Sɔ ala yeɛ sɛ ebie onguro obiɛngo dwirɛ, ná osumu ye to ase, anaa ɔtetɛ ye fa nikyee bɔ ye maa owu a,

Numeri 35:21

anaa sɛ ebie pɔ obiɛngo, ná ɔtwe ye sa bɔ ye maa owu a, ye de sɔ sona bɔ ɔtole twɔleɛ ne, odi kyɛ beku ye; ɔte kodiawuniɛ. Sɛ wereɛtɔlɛniɛ ne nwu kodiawuniɛ ne a, odi kyɛ oku ye.

Numeri 35:24

ye de maen ne kogyina nhyehyɛleɛ hemɔ aso koli sona bɔ wali awue ne ɔne wereɛtɔlɛniɛ ne b’afia dwirɛ.

Numeri 35:27

ná sɛ wereɛtɔlɛniɛ ne nwu ye wɔ mmenia nwo adwaabɔlɛ kuro ne asi, ná wereɛtɔlɛniɛ ne ku ye a, ye de onni ye mogya nwo fɔ.

Deuteronomi 19:12

ye de wudiniɛ ne, ɔsɛ kyɛ ye kuro mbanyi soma maa bɛkɔfa ye befi dɔ bɛba, ná bɛfa ye bewura wereɛtɔlɛniɛ ne sa maa oku ye.

Deuteronomi 19:6

Sɛ atee ne wale a, wereɛtɔlɛniɛ ne kɔfɛ ɛyaa piri paa kɔpo sona bɔ wahũ obiɛngo ne so koohu ye. Ahaa ɔnzɛ kyɛ beku sona bɔ wahũ obiɛngo ne ɔ, ofikyɛ né edwirɛ tɛɛ biala nne bɛ munyɔ b’afia.

Yosua 20:3

amaa sɛ ebie ɔmmoapa anaa ye sa fõ ná oku sona a, wanwati wahɔ berɛ. Na berɛ kɔyɛ afealeɛ kɔma ɛmɔ kofi wereɛtɔlɛniɛ ne ye sa nu.

Yosua 20:5

Sɛ wereɛtɔlɛniɛ ne ɔ́po sona bɔ wali awue ne aso a, ɔnzɛ kyɛ bɛye bɔ wali awue ne bɛma, ofikyɛ wanhyɛ da yeɛ ohuni obiɛngo ne ɔ. Afei koso, né edwirɛ biala nne b’afia daa.

Maenbulɛfoɛ 8:19

Na Gideon buale kyɛ, “Nniɛma mɔ ɛne, me ne bɛ yɛfi niɛ. Kyɛ AWURADE te ase ye, sɛ ɛmɔyakyili bɛ maa benyane bɛ ti bedidili nu a, ahaa mengohu ɛmɔ.