Numeri 35:15 - AHYERƐLƐ KRONGRON

¹⁵ Sɔ nguro nzia nemɔ kɔyɛ mmenia nwo adwaabɔlɛ nguro kɔma Yisraelfoɛ, ɛwɔfoɛ bɔ wanya amandena, ɔne ɛwɔfoɛ bɔ ɔngɔhyɛ Yisrael maen nu ɔ, amaa sona biala bɔ ɔmmoapa ná okoli awue ne, wanwati wahɔ berɛ.

Numeri 35:15 Iomraidhean Croise

2 Samuel 14:14

Ewue de, yɛ mukoraa yɛkowu. Yɛte kyɛ nzue bɔ bahwie bagua ase, bɔ bɛsesa a ɔnyɛ yé ɔ. Nyameɛ de, ɔnga mogya ngua, na mmom ebiala bɔ ɔne ye b’afia atete ne, ole nhyehyɛleɛ bɔ ɔnate so osa twe ye bata ye nwo ɔ.

Ɛksadɔso 12:49

Mmeraa komapɛ bɔ ɔwɔ berɛ ma maen mmaa ne, ye ala yeɛ ɔwɔ berɛ ma ɛwɔfoɛ bɔ ɔne ɛmɔ baatena ɔ.”

Lewitikɔso 24:22

Mmeraa bɔ bɛfa bedi kuromani ne, ye ala yeɛ ɔsɛ kyɛ bɛfa bedi ɛwɔfoɛ koso ɔ: ofikyɛ Me ole AWURADE ɛmɔ Nyameɛ.”

Lewitikɔso 4:2

“Ka kyire Yisraelfoɛ kyɛ, ‘Nningyein bɔ AWURADE akanzo ɛmɔ kyɛ nnɛma ɛmɔyɔ ne, sɛ ebie ɔyɔ nu biala, bɔ sɔ sona ne ɔnze kyɛ wayɔ bɔne a,

Numeri 15:16

Mmeraa komapɛ ne ala ne nhyehyɛleɛ komapɛ ne ala yeɛ ɛmɔ ne ɛwɔfoɛ bɔ waatena ɛmɔ nu ne odi kyɛ ɛmɔdi so ɔ.”

Numeri 35:11

odi kyɛ ɛmɔye nguro nemɔ bie besie berɛ maa bɛyɛ mmenia nwo adwaabɔlɛ nguro bɛma ɛmɔ, amaa sona biala bɔ ɔmmoapa ná okoli awue ne, wanwati wahɔ berɛ.

Romanfoɛ 3:29

Anaa Nyameɛ te Yudafoɛ ngome bɛ Nyameɛ? Aso ɔtte Amaenmaensofoɛ koso bɛ Nyameɛ? Ɔte bɛ koso bɛ Nyameɛ.

Galatiafoɛ 3:28

Yiti Yudaniɛ ne Helaniɛ oo, akoaa ne dehyeɛ oo, bienzua ne brasua oo, nzonzoleɛ biala nne bɛ nu ko; ofikyɛ ɛmɔ amukoraa bɛte ko wɔ Kristo Yesu nu.