Numeri 35:12 - AHYERƐLƐ KRONGRON

¹² Sɔ nguro nemɔ, ɛmɔkɔfa bɛkɔbɔ ɛmɔ nwo waen bekofi wereɛtɔlɛniɛ ne sa nu. Ɛhe kɔmaa bengohu sona bɔ wali awue ne wɔ aberɛ bɔ bennya bellili ye dwirɛ wɔ badwa nu ɔ.

Numeri 35:12 Iomraidhean Croise

2 Samuel 14:7

Na abusua ne amukoraa badwɔso w’afaneɛ so kyɛ, ‘Ko bɔ wabɔ oliɛma wahũ ye ne, ye ye bra ma yɛhu ye bie yɛtua kerɛ, ɔmva ye nwo kyɛ koliagyaa ne yeɛ yɛku ye yɛfi berɛ ɔ.’ Nana, bɛpena kyɛ benua me gyetia ko bɔ waha ne, na ɛhe kɔma me hu dumaa anaa ye boso konunu kofi aseɛ ye aso.”

Numeri 35:13

Nguro bɔ ɛmɔkɔye bekosie berɛ ne, bɛkɔyɛ mmenia nwo adwaabɔlɛ nguro nzia kɔma ɛmɔ.

Numeri 35:19

Wereɛtɔlɛniɛ ne yeɛ odi kyɛ oku kodiawuniɛ ne ɔ. Sɛ wereɛtɔlɛniɛ ne nwu kodiawuniɛ ne a, odi kyɛ oku ye.

Deuteronomi 19:4

“Sona bɔ wanhyɛ da yeɛ wahũ obiɛngo ɔ, obiɛngo bɔ né edwirɛ tɛɛ biala nne b’afia ɔ, ná wanwati waatena dɔ ne, ye nwo dwirɛ ɛhe:

Deuteronomi 19:6

Sɛ atee ne wale a, wereɛtɔlɛniɛ ne kɔfɛ ɛyaa piri paa kɔpo sona bɔ wahũ obiɛngo ne so koohu ye. Ahaa ɔnzɛ kyɛ beku sona bɔ wahũ obiɛngo ne ɔ, ofikyɛ né edwirɛ tɛɛ biala nne bɛ munyɔ b’afia.

Yosua 20:2

“Ka kyire Yisraelfoɛ kyɛ, ‘Mmenia nwo adwaabɔlɛ nguro bɔ mvale Mose so ngane ye nwo dwirɛ ngyirele ɛmɔ ne, ɛ́mɔye bésie berɛ,

Yosua 20:9

Sɔ nguro nemɔ yeɛ betu besiele berɛ bɛmane Yisraelfoɛ amukoraa, ɔne ɛwɔfoɛ mɔ bɔ baatena Yisraelfoɛ nu ɔ, amaa sɛ ebie ɔmmoapa ná oku obiɛngo a wanwati wahɔ berɛ. Na kɔpem mmerɛ bɔ bekoli ye dwirɛ badwa nu ne, wereɛtɔlɛniɛ ne ngonya atee ngohũ ye.