Numeri 34:5 - AHYERƐLƐ KRONGRON

⁵ Ɛwɛen ne kɔtrɛ kofi Asimɔn koodwu Misraim bɔnza ne anu, na ye noa kɔɔpem ɛpo ne.

Numeri 34:5 Iomraidhean Croise

Gyenesise 15:18

Na sɔ kyẽa ne ala, AWURADE ne Abram yɛle apam, na ɔhane kyɛ, “Wɔ boso ama yeɛ méfa sɔ aseɛ he méma bɛ ɔ: ofi Misraim asue noa bɔ ɔkwaadwu asue piri Yufreti noa,

1 Ahemvo 8:65

Yiti sɔ mmerɛ ne, Solomon ne Yisraelfoɛ amukoraa, ofi Lebo Hamate bɔ ɔkwaadwu Misraim bɔnza ne anu, bɛbɔle dwaa kandinga belili aluolue ne wɔ AWURADE yɛ Nyameɛ nyunu ɛlɛsoo.

Yesaya 27:12

Na ɔkɔwa kyɛ, sɔ kyẽa ne, ofi asue Yufreti kodwu Misraim bɔnza ne, AWURADE kɔboro ye aburoo, na ɛmɔ Yisraelfoɛ, ɔkɔpa nu kɔyeye ɛmɔ ngoko ngoko.

Hesekiel 47:19

Ngwaen dɔ, ngwaen dɔ paa, ɛwɛen ne fi Tamar ɔkɔ alaa kodwu nzue bɔ ɔwɔ Meriba Kadese, na ɔfa Misraim bɔnza ne anwo kodwu ɛpo piri ne. Ngwaen dɔ ɛwɛen, wɔ ye ngwaen dɔ ɛne.

Daniel 11:45

Na okosisi ye ahemvie ɛtena sua mɔ wɔ ɛpo ne, ɔne bokaa krongron nyemenenyemene ne b’afia; nakoso ye ayieleɛ kɔto ye bɔ ongonya ebiala ma ɔngɔboka ye ɔ.”

Yosua 15:4

Ɔpɛ nu kɔ Asimɔn, na okofite Misraim bɔnza ne anu, na okogua mboanoa. Na ɛhe yeɛ ɔte ɛmɔ ngwaen dɔ wɛen ɔ.

Yosua 15:47

Asedɔde ne ye nwo nguro ne ye namue mɔ; Gasa ne ye nwo nguro ne ye namue mɔ; bɔ ɔkwaadwu Misraim bɔnza ne, yeɛ afei Ɛpo Piri ne noa.