Numeri 34:19 - AHYERƐLƐ KRONGRON

¹⁹ Mbanyi nemɔ, bɛ dumaa ɛhe: Yuda abusua kure deɛ ole Yefune awa Kalebo.

Numeri 34:19 Iomraidhean Croise

Gyenesise 29:35

Osa nwonzɛle bieku na ɔwole bienzua, na ɔhane kyɛ, “Afei de ngɔye AWURADE ayɛ,” yiti ɔtole ye dumaa Yuda. Na ye aworɛ te hɔle.

Gyenesise 35:22

Mmerɛ bɔ né Yisrael te sɔ aseɛ ne aso nen, Ruben ne ye baba sómaa Bilha bɛlale, na Yisrael tele sɔ dwirɛ ne. Né Yakob mma mmienzua nemɔ bɛte buru ne nyɔ:

Gyenesise 35:23

Lea mma mmienzua mɔ ɛhe: Ruben (Yakob bamuɛbaa), Simeon, Lewi, Yuda, Yisaka ne Sebulɔn.

Edwein 60:7

Gileade te me deɛ, yeɛ Manase koso te me deɛ; Efraim te me buralɛ kyerɛ; Yuda te me hɔtɔ.

Numeri 13:30

Nakoso Kalebo tuli mmenia ne noa dwirɛ guale wɔ Mose nyunu, na ɔhane kyɛ, Ɛ́mɔma yɛhã yɛ nwo yɛhɔ kekesaala ye yɛɛfa aseɛ ne, ofikyɛ yɛkɔhora yɛkɔho yɛkɔfa.”

Numeri 13:4

Bɛ dumaa mɔ ɛhe: Ruben abusua kure nu deɛ ole Sakure awa Samua;

Numeri 13:6

Yuda abusua kure nu deɛ ole Yefune awa Kalebo;

Numeri 14:24

Nakoso me somvoɛ Kalebo de, ɔnate kyɛ ye suban deɛ te sonongo ná wali nahorɛ wama me ne ati, ngɔfa ye ngɔhɔ aseɛ bɔ yeɛ ɔhɔle so ne aso, na aseɛ ne kɔyɛ ye boso ama bɛ deɛ.

Numeri 14:30

ɛmɔ nu ko po ngodwu aseɛ bɔ ndale ndaen kyɛ ngɔfa ɛmɔ ngɔɔtena so ne aso, sana Yefune awa Kalebo ɔne Nun awa Yosua.

Numeri 14:38

Na mmenia bɔ bɛɛtetɛle aseɛ nen, Nun awa Yosua ɔne Yefune awa Kalebo angome yeɛ bɛhale ɔ.

Numeri 14:6

Na Nun awa Yosua ɔne Yefune awa Kalebo, bɔ bɛboka mmenia bɔ bɛɛtetɛle aseɛ ne aso ne, besunzuale bɛ bɔbɔ bɛ ndaadeɛ nu,

Numeri 26:65

Ofikyɛ né AWURADE aha afa bɛ nwo kyɛ, “Bekowuwu wɔ ɛserɛ ne aso.” Bɛ nu ko po anga, sana Yefune awa Kalebo ɔne Nun awa Yosua angome.

Numeri 34:18

Odi kyɛ ɛmɔye panyi ko befi abusua kure biala anu maa bɛkyɛ aseɛ ne maa ɔyɛ ɛmɔ agyapadeɛ.

Deuteronomi 1:36

sana Yefune awa Kalebo ngome. Ye yeɛ okonwu ye ɔ, na ɔne ye bosofoɛ yeɛ ngɔfa aseɛ bɔ ye gya atia so ne ngɔma bɛ ɔ, ofikyɛ wanya gyidie wɔ AWURADE nu.’

Deuteronomi 33:7

Bɔ ɔha fale Yuda nwo ɛhe: “O AWURADE, tie Yuda abisadeɛ, fa ye kɔ maa ɔɔboka ye mmenia so; ko ye koɛ ma ye, ná boka ye ma oli ye pɔfoɛ mɔ so ngonim.”