Numeri 33:55 - AHYERƐLƐ KRONGRON

⁵⁵ Nakoso sɛ ɛmɔamvoa aseɛ ne aso ama bamvi ɛmɔ nyunu a, ye de bɛ bɔ ɛmɔkɔmaa bɛkɔha aseɛ ne aso ne, bɛkɔyɛ kyɛ mmakaa bɛkɔwowɔ ɛmɔ nye, bɛkɔyɛ kyɛ mmowue bɛkɔwowɔ ɛmɔ mvenu, na bɛkɔha ɛmɔ adwene wɔ aseɛ bɔ ɛmɔkwaatena so ne aso.

Numeri 33:55 Iomraidhean Croise

Ɛksadɔso 23:33

Nnɛmaa bɛtena w’aseɛ so, anyɔ a né bamaa ayɔ bɔne atia me; ofikyɛ sɛ ɛso bɛ bosoen nemɔ a, ɔkɔyɛ wɔ so ngaen.”

Hesekiel 28:24

“Na Yisrael awuro ama de, maen maen amukoraa bɔ bapɛ bɛ nwo bayia, bɔ bebu bɛ animtia ne, bɛngɔkakyi bɛ so ɛfone anaa mmowue ngɔwowɔ bɛ ko. Na afei bekonwu kyɛ me ole AWURADE Nyameɛ.

Numeri 33:56

Na nikyee bɔ nyɛle m’adwene kyɛ ngɔfa ngɔyɔ bɛ ne, ɛmɔ yeɛ ngɔfa ngɔyɔ ɛmɔ ɔ.”

2 Korintofoɛ 12:7

Na kyɛbɔ ɔkɔyɛ na mamva anwanwadeɛ nyekyire hemɔ mammoma me nwo so soma ne ati, bɛfale ɛhawo bie bawura me nwonaen nu, bɔ ɔte Abɔnzam bɔfoɛ, kyɛ ɔma nwu yealɛ, ná mammoma me nwo so.

Deuteronomi 7:16

Na ekohũhũ mmenia bɔ AWURADE wɔ Nyameɛ kɔfa bɛ kowura wɔ sa ne amukoraati. Nnɛnwu bɛ anwumvoin, yeɛ nnɛso bɛ nyameɛ nemɔ, ofikyɛ ɛhe kɔyɛ wɔ so ngaen.

Deuteronomi 7:4

Ofikyɛ bɛkɔkakyi wɔ mma nemɔ adwene bɔ bengoli me si ɔ, maa bɛkɔɔso nyameɛ foforɛ biemɔ. Na ɔba ye sɔ a, AWURADE kɔfɛ ɛmɔ so yaa piri paa, na okohu wɔ ndɛndɛ.

Yosua 23:7

amaa ɛmɔamva ɛmɔ nwo bammɔ maen maen mɔ bɔ baha wɔ ɛmɔ nwo wa ye, amaa ɛmɔammɔ bɛ nyameɛ nemɔ dumaa, amaa ɛmɔamva bɛ banda ndaen, amaa ɛmɔanzo bɛ, ná ɛmɔangoto bɛ.

Maenbulɛfoɛ 2:3

Yiti afei menwa, mengɔfoa bɛ mengofi ɛmɔ nyunu; na mmom bɛkɔkakyi ɛmɔ pɔfoɛ, na bɛ mmosoen nemɔ kɔyɛ ɛmɔ so ngaen.”