Numeri 33:54 - AHYERƐLƐ KRONGRON

⁵⁴ Na ɛ́mɔfa serewagualɛ so bɛ́hyɛ aseɛ ne kyɛbɔ ɛmɔ mmusua mmusua nemɔ bɛ mbiri si te ɔ. Abusua bɔ ɔte piri ne, odi kyɛ ɛmɔma bɛ aseɛ piri, yeɛ bɔ ɔte kãa ne koso ɛ́mɔma bɛ aseɛ ne kaaba. Nekaa bɔ serewagualɛ ne kɔye kɔma ebiala ne, ma berɛ ɔyɛ ye deɛ. Ebiala konya ye agyapadeɛ wɔ ye nana mɔ abusua kure deɛ nu.

Numeri 33:54 Iomraidhean Croise

Numeri 35:8

Yisraelfoɛ agyapadeɛ bɔ banya ye ne, nu nguro bɔ ɛmɔkɔye bekofi nu bɛkɔma Lewifoɛ ne, odi kyɛ ɛmɔde nguro pee befi mmusua kure mbiri nemɔ berɛ, ná ɛmɔde nguro kãa bie befi mmusua kure mmaa mmaa nemɔ berɛ. Abusua kure biala, ye aseɛ bɔ wanya ye ne, kyɛbɔ ye piri si te ne, so yeɛ odi kyɛ ɔnea na ɔma Lewifoɛ mɔ nguro ɔ.

Yosua 13:6

Na Sidonfoɛ amukoraa bɔ bɛtete mmokaa aseɛ ne aso, fite Lebanon bɔ ɔkwaadwu Misrefote Maim ne, me bɔbɔ yeɛ ngɔfoa bɛ ngofi Yisraelfoɛ nyunu ɔ. Na wɔ de, kyekyɛ aseɛ ne ma Yisraelfoɛ maa ɔyɛ b’agyapadeɛ, kyɛbɔ mahyɛ wɔ kyɛ ɛyɔ ne ala.

Yosua 14:2

Bɛfale serewagualɛ so yeɛ bɛhyɛle b’aseɛ ne ɔ, kyɛbɔ AWURADE hyɛle Mose fale abusua ngona ne bue ne anwo ne.

Yosua 18:11

Serewagualɛ ne lili moa yele Benyamin abusua kure ne, kyɛbɔ bɛ mmusua mmusua nemɔ te ne, na aseɛ bɔ Yosua fa mane ye ne ɔla Yuda abusua kure ne Yosef abusua kure bɛ deɛ afia.