Numeri 33:3 - AHYERƐLƐ KRONGRON

³ Bosome bɔ oli moa, ye kyẽa bɔ ɔtɔ so buru ne nnu ne, besili nu befili Ramese. Belili Abɔtra ne, ye alehyeleɛ, Yisraelfoɛ sili bɛ hue betuli bɛ bo, bɔ né Misraimfoɛ nye tua bɛ ɔ.

Numeri 33:3 Iomraidhean Croise

Gyenesise 47:11

Yeɛ Yosef bɔle ɔse ne oliɛma mɔ atenaseɛ, na ɔmane bɛ aseɛ bɔ ɔkye aleɛ paa wɔ Ramese mbɔtam wɔ Misraim maen nu, kyɛbɔ Faro hyɛle ne.

Edwein 105:38

Befili berɛ ne, Misraim nye gyele, ofikyɛ né bɛ nwo suronyi atɔ ye so.

Ɛksadɔso 1:11

Yiti bɛyeyele adwumayɔlɛfoɛ so mbanyi maa belili bɛ so, kyɛ bɛhyɛ bɛ ma bɛyɔ adwuma bɔ ɔbo bɛ so ɔ. Na bɛkyekyele nguro Pitom ne Ramese maa Faro fa yɛle nekaa bɔ osie ye nningyein ɔ.

Ɛksadɔso 12:2

“Bosome he yeɛ ɔkɔyɛ ɛmɔ bosome bɔ oli moa ɔ; ɔkɔyɛ afoɛ ne anu bosome bɔ oli moa kɔma ɛmɔ.

Ɛksadɔso 12:37

Yisraelfoɛ tu fili Ramese bɛhɔle Sukote. Mmienzua kɔyɛ apee ɛyaa nzia yeɛ bɛfale ase bɛhɔle ɔ; banga mmrasua ne ngwadaa bammoka so.

Ɛksadɔso 13:4

Ɛnɛ kyẽa ye, wɔ bosome Abibo nu, yeɛ ɛ́mɔfi Misraim ɔ.

Ɛksadɔso 14:8

Na AWURADE mane Misraim hene Faro bubuli mmakaa tuale ye so, yiti ɔpole Yisraelfoɛ so, wɔ mmerɛ bɔ né Yisraelfoɛ nate atunu bɛ́kɔ ngonimlilɛ so ɔ.

Yesaya 52:12

Ɛmɔngofi berɛ bɛngɔhɔ ye ndɛndɛ so, yeɛ ɛmɔngɔnwati bɛngɔhɔ, ofikyɛ AWURADE koli ɛmɔ nyunu, yeɛ Yisrael Nyameɛ ne kogyina ɛmɔ si.

Mika 2:13

Bɔ odwiri ɛwaen gua ne, ɔkɔfo koli bɛ nyunu moa; bele amirika yiridididi bɛkɔfa pambim ne anu, bɛkɔfa nu bekofite bɛkɔhɔ. Bɛ hene ne, ɔkɔsẽ koli bɛ nyunu, na AWURADE yeɛ okotua bɛ noa ɔ.

Numeri 33:2

Mose hyerɛhyerɛle nekaa ahoroɔ bɔ betuli bɛ bo befili ne, kyɛbɔ AWURADE hyɛle bɛ ne. Na nekaa ahoroɔ bɔ betuli bɛ bo befili nemɔ ɛhe.